Ուրբաթ, 27 Դեկտեմբերի 2013 21:16

Ընթացիկ տարվա 11 ամսվա կտրվածքով Ամերիաբանկի քարտերով կատարված գործարքների ծավալն աճել է 23%-ով, իսկ գործարքների քանակը` շուրջ 45%-ով

ԱրմԻնֆո. Ընթացիկ տարվա 11 ամսվա կտրվածքով Ամերիաբանկի բոլոր տիպի քարտերով կատարված գործարքների ծավալն աճել է 23%-ով` նախորդ տարվա նույն ժամանակաշրջանի համեմատությամբ, իսկ գործարքների քանակը` շուրջ 45%-ով: Ինչպես ԱրմԻնֆոյին հաղորդեցին բանկի մամուլի ծառայությունից, ներկայում բանկի անկանխիկ գործարքների քանակը կազմում է ընդհանուր գործարքների շուրջ 32%-ը, այն դեպքում, երբ ՀՀ բանկային համակարգում այդ մասնաբաժինը հասնում է մոտ 17%-ի, իսկ Ամերիաբանկի անկանխիկ գործարքների ծավալը կազմում է ընդհանուր գործարքների ավելի քան 32%-ը, իսկ ՀՀ բանկային համակարգում այդ ցուցանիշը կազմում է մոտ 10%:

Աղբյուրի համաձայն, դրան նպաստել են անկանխիկ գործարքների խրախուսմանը նպատակաուղղված քարտային ակցիաները: Այսպես, Ամերիաբանկը, հիմք ընդունելով «Արմենիան Քարդ» ՓԲԸ-ի և MasterCard ընկերության համատեղ առաջարկված խրախուսական ծրագիրը, սույն թվականի նոյեմբերի 1-ից 30-ը հանդես էր եկել քարտային արշավով` ուղղված MasterCard քարտատերերին: Ամերիաբանկի Maestro, MasterCard Standard և MasterCard Gold քարտապանները, սույն թվականի նոյեմբերի 1-ից 30-ը կատարելով 300,000 և ավել դրամի չափով 30 և ավելի անկանխիկ գործարք, հնարավորություն են ստացել շահելու պլանշետ: Արշավի արդյունքում Ամերիաբանկի քարտապանների շրջանում մեծ էր հետաքրքրությունը ծրագրի նկատմամբ, մասնավորապես, արշավի ընթացքում MasterCard-ով կատարված գործարքների միջին ամսական քանակն ավելացել է շուրջ 8%-ով: Արշավի արդյունքում 14 քարտապան արժանացել է մրցանակի:

ԱրմԻնֆո ԼԳ պատրաստած «Հայկական բանկերը քարտային բիզնեսում» վերլուծական ամփոփագրի ութերորդ թողարկման տվյալներով, 2013 թվականի հոկտեմբերի 1-ի դրությամբ Ամերիաբանկն ուներ շուրջ 44 հազար ակտիվ քարտ, որոնցից շուրջ 7 հազարը` MasterCard, ավելի քան 30 հազարը` Visa և 6 հազարից ավելին` ArCa: Աշխատավարձային քարտերին բաժին է ընկնում ակտիվ քարտերի ընդհանուր թվի մոտ 68%-ը: Տարեկան կտրվածքով ակտիվ քարտերի թիվն ավելացել է 24%-ով, իսկ երկու տարվա կտրվածքով` գրեթե 86%-ով (հիմնականում միջազգային քարտերի թվի աճի հաշվին): Բանկի քարտերով անկանխիկ գործարքների ծավալը երկու տարում ավելացել է գրեթե 60%-ով, և դա բանկին հնարավորություն է տվել մոտենալ առաջատար հնգյակին: Բանկն ունի 601 սեփական POS-տերմինալ և 92 բանկոմատ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ընթացիկ տարվա 11 ամսվա կտրվածքով Ամերիաբանկի քարտերով կատարված գործարքների ծավալն աճել է 23%-ով, իսկ գործարքների քանակը` շուրջ 45%-ով