Ուրբաթ, 17 Հունվարի 2014 18:43
ՎՏԲ-Հայաստան Բանկը վարկային ներդրումների ծավալով ամրապնդել է առաջատարի իր դիրքերը համակարգում
ԱրմԻնֆո. ՎՏԲ-Հայաստան Բանկը վարկային ներդրումների ծավալով 2013 թվականին ամրապնդել է առաջատարի իր դիրքերը համակարգում: Համաձայն բանկի հրապարակած ֆինանսական հաշվետվության, տրամադրված վարկերի և այլ փոխառությունների ծավալը 2014 թվականի հունվարի 1-ին կազմել են 217.2 մլրդ.դրամ, տարեկան աճը` 38.2%: Միևնույն ժամանակ, հաշվետու ժամանակահատվածում բանկն ավելացրել է ներդրումներն արժեթղթերում, ինչպես նաև բանկերի և մյուս ֆինանսական կազմակերպութոյւնների հանդեպ պահանջների գծով: Արդյունքում, բանկի ակտիվները 2013 թվականին աճեցին 41.8%, կազմելով 299.7 մլրդ.դրամ:
Ակտիվությունը վարկային շուկայում բանկին թույլ տվեց հաշվեկշռի եկամտային մասը մեծացնել 36.7%, մինչև 38.3 մլրդ.դրամ, ինչն ամենաբարձր ցուցանիշն է Հայաստանի բանկային համակարգում: Դա բանկին հնարավորություն տվեց զուտ շահույթը 2013 թվականին մեծացնել 28%, մինչև 4.9 մլրդ.դրամ, արդյունքում, կուտակված շահույթը հասավ 18.3 մլրդ.դրամի, տարեկան աճը` 46.4%, զբաղեցնելով երրորդ դիրքը շուկայում:
Բանկի ընդհանուր պարտավորությունները 2013 թվականին ավելացան 44.9%, մինչև 262.2 մլրդ.դրամ, որոնց կառուցվածքում ավելի քան 56% կամ 147.9 մլրդ.դրամ կազմեցին հաճախորդների հանդեպ պարտավորությունները, տարեկան կտրվածքով աճելով 39.7%: Բանկերի և ֆինանսական կազմակերպությունների հանդեպ պարտավորությունները կազմեցին մոտ 43% կամ 111.9 մլրդ.դրամ, տարեկան կտրվածքով աճելով 54.1%: Արդյունքում, հաշվեկշռի ծախսային մասն աճեց 39.4%, մինչև 32 մլրդ.դրամ (առաջին դիրքը շուկայում):
Բանկի եկամուտների կառուցվածքում տոկոսային եկամուտները հաշվետու տարում աճեցին 48.9%, մինչև 34.1 մլրդ.դրամ, իսկ ծախսերի կառուցվածքում տոկոսային ծախսերն աճեցին 44.8%, մինչև 15.2 մլրդ.դրամ: Վարչական ծախսերը 2013-ին աճել են 44%, կազմելով 9.5 մլրդ.դրամ, իսկ գործառնական ծախսերը` 55.6%, մինչև 2. մլրդ.դրամ: Բանկի կոմիսիոն եկամուտները հաշվետու տարում աճել են 4%, մինչև 2.6 մլրդ.դրամ, իսկ կոմիսիոն ծախսերը` 2 անգամ, մինչև 647.4 մլն.դրամ:
Նշենք, որ ՎՏԲ-Հայաստան Բանկի ընդհանուր կապիտալը 2014 թվականի հունվարի 1-ին կազմել է 37.5 մլրդ.դրամ, տարեկան աճը` 23.8%, իսկ կանոնադրական կապիտալը` 13.8 մլրդ.դրամ: Բանկը միջազգային ՎՏԲ Խմբի մասնակից է դարձել 2004 թվականից: Ներկայումս Ռուսաստանի երկրորդ բանկը հանդիսացող` «ՎՏԲ Բանկ» ԲԲԸ-ն տիրապետում է ՎՏԲ-Հայաստանի Բանկի բաժնետոմսերի 100%-ին: Բանկը հանդիսանում է Հայաստանի բանկային համակարգի առաջատարներից մեկը, ունի 67 մասնաճյուղ, որոնց մեծ մասը տեղակայված է հանրապետության մարզերում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները