Ուրբաթ, 24 Հունվարի 2014 09:40

ԱրմԻնֆո. Ամերիաբանկի տնօրենների Խորհրդի ռոտացիան նոր բիզնես-մշակույթի բաղկացուիչ մասն է, որի խորքում էլ պետք է դիտարկվի ռուսաստանյան հայտնի գործարար Ռուբեն Վարդանյանի հրաժարականը բանկի Խորհրդի նախագահի պաշտոնից և բանկի Խորհրդի անդամ դառնալը: «Շանթ» հեռուստաընկերության հետ հարցազրույցում նման կարծիք է արտահայտել ռուսաստանյան հայտնի գործարար, «Գաղափար» ֆոնդի հիմնադիր և ղեկավար Ռուբեն Վարդանյանը, նշելով, որ այդ հարցի պերսոնիֆիկացումը սխալ է, քանի որ բանկն արդեն դարձել է ինստիտուցիոնալ լուրջ կառույց:

Միևնույն ժամանա, ըստ Վարդանյանի, նա հպարտանում է այդ նախագծով, գլխավոր նախգծերից մեկով, որը Հայաստանում իր ներկայությունը դարձնում է դրական: Նա հպարտանում է նաև իր գործընկերներով, այդ թվում նաև «Ամերիա» ընկերությունների խմբի գլխավոր տնօրեն Անդրեյ Մկրտչյանով, ով դարձել է Ամերիաբանկի Խորհրդի նոր նախագահը, կարողանալով դժվարին պայմաններում զարգացնել խորհրդատվական բիզնեսը երկրում, միջազգային ստանդարտների հիման վրա, շարունակելով հաջողությամբ աշխատել, ինչպես նաև ծառայություններ մատուցելով միջազգային ընկերությունների մակարդակով: Վարդանյանի խոսքերով, Հայաստանում քիչ չեն բանկերը, որոնք ներկայացնում են բանկային միջազգային խմբերի ու հոլդինգների, և այն հանգամանքը, որ Ամերիաբանկն իր գործունեության 5 տարիներին կարողացավ շատ չափանիշներով առաջատար դիրքեր զբաղեցնել երկրի բանկային համակարգում, խոսում են այն մասին, «թե ինչպես մենք հաճախ մենք մեզ թերագնահատում»: «Ես ներդրող էի, ով օգնում էր բանկի կայացմանը և կարևոր էր, որ ի դեմս ինձ լիներ երաշխավոր, որը գտնվում էր այդ ամենի գլխավերևում»,-ասել է ինվեստբանկիրը, նշելով, որ բանկը դարձել է ինստիտուցիոնալ, և այլևս դրա կարիքը չունի: Նա հիշեցրել է, որ բանկի Խորհուրդը կազմված է բարձրակարգ, համաշխարհային ֆինանսական հանրությանը հայտնի պրոֆեսիոնալներից, որոնց շարքում են`Ռոբերտ ֆեն Ռակովսկին, Fidelity ընկերությունը, Flagship Ventures ընկերության կառավարիչ գործընկեր Նուբար Աֆեյանը, Խնայբանկի կառավարիչ տնօրեն Գոռ Նհապետյանը:

Խոսելով իր անձնական պլանների մասին, Վարդանյանը նշել է, որ ներկայումս գտնվում կյանքի կարևորագույն հատվածի ավարտական փուլում: «22 տարի ես ներդրումային բանկիր էի, ղեկավարում էի «Տրոյկա Դիալոգը», որը դարձավ Խնայբանկի մասը: Վերջին 2-3 տարիների աշխատում էի Խնայբանկում, կմնամ բանկի Վարչության նախագահ Գերման Գրեֆի խորհրդական: Բայց ծրագրում եմ ակտիվորեն զբաղվել մի շարք ուղղություններով, այդ թվում նաև Հայաստանի, ինչպես նաև կրթության ոլորտի հետ կապված բարեգործական ծրագրերով: Ունեմ բավականին մեծ փաթեթ, որը պետք է իրականացնել և հասցնել ավարտին: Գլխավորը`լինել հետևողական և կատարել խոստումները: Շարունակում եմ աշխատել Ամերիաբանկի տնօրենների Խորհրդում, հանդիսանում եմ IFC միջազգային խորհրդի անդամ, ինչը շատ հաճելի է ու պատվավոր, աշխատում եմ նաև Ռոսգոսստրախի, Սիբուրի, ինչպես նաև ամերիկյան ընկերություններից մեկի տնօրենների Խորհրդում, շարունակում եմ ներդրումներ իրականացնել տարբեր ընկերություններում, ունեմ բավականին մեծ ներդրումային պորտֆել, մասնավորես, ԿԱՄԱԶ-ում: Իմ գործընկեր Գագիկ Ադիբեկյանի հետ համատեղ ծրագիր եմ իրականացնում անշարժ գույքի ոլորտում: Ունեմ շատ ծրագրեր, որոնք կապված են ինչպես բիզնեսի, այնպես էլ հանրային ոլորտի հետ: Հանդիսանում եմ Բրազիլիայի, Ճապոնիայի, Չինաստանի մի շարք բիզնես-դպրոցների տնօրենների Խորհրդի անդամ: Ունեմ բազմաթիվ գաղափարներ և պլաններ, որոնք կապված են հետաքրքիր գործարարների հետ համագործակցությանը, մարդկանց, ովքեր լի են մեր միջավայրը փոխելու վճռականությամբ, դարձնելով այն ավելի պոզիտիվ, ավելի հաջողված, որպեսզի մարդիկ վստահություն ձեռք բերեն վաղվա օրվան նկատմամբ»,-եզրափակել է Ռուբեն Վարդանյանը:











ԼՂՀ նախագահը հաջողված է համարել բանկի գործունեությունն Արցախում, կարևորելով շրջաններում բացված մասնաճյուղերի նշանակությունը


ԱրմԻնֆո. Արցախի Հանրապետության Նախագահ Բակո Սահակյանը հունվարի 24-ին ընդունել է <<Արդշինինվեստբանկ>> ՓԲԸ վարչության նախագահ Մհեր Գրիգորյանին:

Ինչպես ԱրմԻնֆո գործակալությանը տեղեկացվել է ԼՂՀ նախագահի մամուլի ծառայությունից, Նախագահ Սահակյանը նշել է, որ հաջողված է համարում բանկի գործունեությունն Արցախում, կարեւորել շրջաններում բացված մասնաճյուղերի նշանակությունը՝ հավելելով, որ այն մեծապես նպաստում է հանրապետությունում բանկային ցանցի զարգացմանը:

Հանդիպմանը մասնակցում էին ԼՂՀ ֆինանսների եւ էկոնոմիկայի նախարար Սպարտակ Թևոսյանը, պաշտոնատար այլ անձինք:

Ըստ ԱրմԻնֆո գործակալության` Հայաստանի բանկերի ֆինանսական վարկանիշի, Արդշինինվեստբանկի ակտիվները 2013 թվականին աճել են 36.5 %, մինչև 270,9 մլրդ դրամ, որոնց կառուցվածքում բանկերի եւ այլ ֆինանսական կազմակերպությունների հանդեպ պահանջներն ավելացել են ավելի քան 2 անգամ, մինչև 11.4 մլրդ դրամ, իսկ վարկային պորտֆելը` 31%, մինչև 176,1 մլրդ դրամ: Միևնույն ժամանակ, բանկի պարտավորությունները հաշվետու ժամանակահատվածում աճել են 39.3 %, մինչև 226,7 մլրդ դրամ, որոնց կառուցվածքում պարտավորությունները հաճախորդների հանդեպ աճել են 33.9 %, մինչև 153,2 մլրդ դրամ, իսկ պարտավորություններ բանկերի և այլ ֆինանսական կազմակերպությունների հանդեպ` 54, 1%, մինչև 70.9 մլրդ դրամ: Վարկային շուկայում էական ակտիվացման արդյունքում բանկը 2013 թվականը եզրափակել է 6.5 մլրդ.դրամ զուտ շահույթով, տարեկան աճը`53,6 %: Ներկայումս բանկն ունի 55 մասնաճյուղ, որոնցից 13 - ը`Երևանում, 36 – ը` մարզերում և 6 - ը ԼՂՀ – ում: