Չորեքշաբթի, 12 Փետրվարի 2014 18:38
ՎՏԲ-ն ամենաճանաչված բրենդն է Հայաստանի բանկային շուկայում
ԱրմԻնֆո. Քաղաքական և սոցիալական խորհրդատվությունների ինստիտուտ «Այ Փի Էս Սի»-ի կողմից անցկացված հետազոտության արդյունքների համաձայն ՎՏԲ-ն ամենաճանաչված բրենդն է Հայաստանի բանկային շուկայում: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, հարցումն անցկացվել է 2013թ. դեկտեմբերին ք. Երևանում և Հայաստանի 4 խոշոր քաղաքներում` Գյումրիում, Վանաձորում, Արմավիրում և Դիլիջանում, հարցմանը մասնակցել է 1,200 մարդ:
Հարցվողների ընտրությունը իրականացվել է պատահականության սկզբունքով` հաշվի առնելով այնպիսի բնութագրեր, ինչպիսիք են ընտանիքի եկամուտը (50 հազ. ՀՀ դրամ և ավելին), հարցվածների տարիքը (18-ից 55 տարեկան) և այլն:
2013թ. դեկտեմբերին անցկացված հարցման արդյունքները ցույց տվեցին, որ նշված ժամանակահատվածում ՎՏԲ-Հայաստան Բանկը ՀՀ շրջաններում ու ք. Երևանում բացարձակ առաջատար է բրենդի իմացության բոլոր ցուցանիշներով, որոնք ներառում են Top of Mind պարամետրը` բանկերի բրենդի առաջին ինքնաբուխ նշումը, ինքնաբուխ իմացությունը, ընդհանուր ինքնաբուխ իմացությունն ու հուշմամբ իմացությունը:
ՎՏԲ-Հայաստան Բանկի Top of Mind ցուցանիշը, 2013թ. հուլիսին անցկացված հարցման նույն ցուցանիշի համեմատ, աճ է արձանագրել, այսինքն` հարցվածները առաջինը հանպատրաստից առավել հաճախ նշել են ՎՏԲ-Հայաստան Բանկը: Ընդհանուր ինքնաբուխ իմացության ցուցանիշով, որը ներառում է ինքնաբուխ կերպով ՎՏԲ-Հայաստան Բանկը նշած հարցվածների տոկոսային ցուցիչը և Top of Mind ցուցիչը, Բանկը շարունակում է առաջատար դիրք զբաղեցնել ինչպես մայրաքաղաքում, այնպես էլ երկրի շրջաններում: Այդ ցուցանիշը կազմել է 56.9%, ինչը 15.6%-ով գերազանցում է ամենամոտ մրցակցի ցուցանիշը:
Բանկը ստացել է հարցվածների ամենաշատ քանակությամբ դրական գնահատականները. նրանց 61.4%-ը գնահատել են ՎՏԲ-Հայաստան Բանկի գործունեությունը 10-բալանոց սանդղակի 7-10 բալով:
Որպես ՀՀ ամենավստահելի բանկ շարունակում է ընկալվել ՎՏԲ-Հայաստան Բանկը: Վստահելիության ցուցանիշը կազմել է 20.4%, այն գրեթե կրկնակի գերազանցում է իր ամենամոտ մրցակցի ցուցանիշը: Սա նշանակում է, որ հարցվածների 20.4%-ը նշել է ՎՏԲ-Հայաստան Բանկը որպես ՀՀ ամենավստահելի բանկ, դարձնելով այն առաջատարը այս ցուցանիշով:
«ՎՏԲ-Հայաստան Բանկը ոչ միայն պահպանել է առաջատարի իր դիրքերը ՎՏԲ բրենդի իմացության բոլոր ցուցանիշներով, այլ նաև բարելավել այն անցած կես տարվա ընթացքում: Մենք հաջողությամբ ենք դրսևորում հավատարմություն բիզնեսի զարգացման և իմիջի ձևավորման մեր ռազմավարությանը: Այսուհետ նույնպես շարունակելու ենք դինամիկ զարգացումը, վստահորեն հասնելով մեր առջև դրված նպատակներին»,- նշել է ՎՏԲ-Հայաստան բանկի Գլխավոր տնօրեն-Տնօրինության նախագահ Յու. Գուսևը:
ՆՇենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին; «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 68 մասնաճյուղ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները