Երեքշաբթի, 25 Փետրվարի 2014 15:19
Հայաստանի բանկային համակարգի ակտիվները 2013 թվականին աճել են 22.8 %, մինչև $ 7.3 մլրդ
ԱրմԻնֆո. Հայաստանի բանկային համակարգի ակտիվները 2013 թվականի IV եռամսյակում արագացրել են աճը՝ 3% - ից մինչև 8.1% (2012ի IV եռամսյակում՝ 4,5 % - ից մինչև 5.1 %), իսկ տարեկան կտրվածքով աճել են 22.8 % (2012ի տարեկան աճը՝ 18 %), դեկտեմբերի 31-ին կազմելով 2,9 տրլն.դրամ ($ 7,3 մլրդ): Ակտիվների տարեկան աճը պայմանավորված է եղել վարկային ներդրումների՝ 14.4 %, պետական պարտատոմսերում կատարված ներդրումների՝ 23,3 %, նոստրո-հաշիվների վրայի միջոցների՝ 36.5 % և կանխիկ դրամական միջոցների՝ 14 % աճով:
Ըստ ԱրմԻնֆո գործակալության՝ Հայաստանի Բանկերի Ֆինանսկան Վարկանիշի վերլուծության տվյալների, բանկային համակարգում ակտիվների եռամսյակային աճը (2013թ. IV եռամսյակ) պայմանավորված է եղել վարկային պորտֆելի ավելացման տեմպերի աճով՝ 0,6 % - ից մինչև 3,8 % (2012ի IV եռամսյակում՝ 0.9 % - ից մինչև 3.5 %), պետական պարտատոմսերում ներդրումների աճով՝ 12,9 % (2012-ի Ш եռամսյակում՝ 1.9 % անկում, իսկ IV եռամսյակում՝ 6,3 % - ից մինչև 9,6% աճ), կանխիկ դրամական միջոցների աճի արագացումով՝ 3,1 % - ից մինչև 12.9 % (2012-ի IV եռամսյակում՝
11.2 % - ից մինչև 4.6 %), որի ֆոնի ներքո նոստրո հաշիվների վրայի միջոցների անկումը (առանց ՀՀ ԿԲում գտնվող թղթակցային հաշիվների) խորացել է՝ 12,2 % - ից մինչև 12.7 % (2012-ի IV եռամսյակում՝ 42.2 % աճից մինչև 21% դանդաղում): Ընդ որում, նոստրո հաշիվնրի վրայի միջոցների եռամսյակային անկումը պայմանավորված է եղել 4 բանկերում գումարների զգալի կրճատումով, այդ թվում, Ամերիաբանկի և ՎՏԲ-Հայաստան Բանկի մոտ, առանց որոնց շուկան կարող էր արձանագրել բալանսիայս հոդվածի աճ:
Ակտիվների կառուցվածքում վարկային ներդրումների տեսակարար կշիռը նվազել է 65.7 %-ից մինչև 63.1 % (2012-ի IV եռամսյակում՝ 68,2 % - ից մինչև 67.2 % անկում), ներդրումների մասնաբաժինը պետական պարտատոմսերում աճել է 6,2 % - ից մինչեւ 7,1% (2012-ի IV եռամսյակում՝ 6.5 % - ից մինչև 6,8% աճ), իսկ կանպիկ հոսքերի մասնաբաժինն աճել է 3.5 % - ից մինչև 4% (2012-ի IV եռամսյակում՝ 4%), նոստրո-հաշիվների միջոցները նվազել են 4,9 % - ից մինչև 3,9 % (2012-ի IV եռամսյակում՝ 3.6 %):
Այս ցուցանիշների փոփոխությունների դինամիկան, ըստ ԱրմԻնֆո փորձագետների, վկայում է, որ հաշվետու ժամանակաշրջանում վարկավորման տեմպերը հիմնականում պահպանվել են միջազգային վարկային ծրագրերով ստացված միջոցների հաշվին, ինչի հետ միասին օգտագործվել են նաև նոստրո-հաշիվների միջոցները, կանխիկ միջոցները և պետական պարտատոմսերի առևտրի պորտֆելների իրացումից ստացված միջոցները: Ընդ որւմ, եթե մինչ այդ բոլոր բանկերը գերադասում էին իրենց միջոցները քիչ թե շատ ուղղել տնտեսության վարկավորմանը, ապա 2012 թվականից նրանցից ընդամենը մի քանիսը շարունակեց հիմնական շեշտադրումը կատարել տնտեսության տարբեր ոլորտների վարկավորման վրա, իսկ բանկերի մեծամասնությունն իր ուշադրութոյւնը կենտրոնացրեց ֆիզիկական անձանց վարկավորման ուղղությամբ, ինչն էլ փոխեց աճի տրենդը՝դեպի մանրածախ վարկավորման կողմը (օվերդրաֆտներ, վարկային քարտեր, ապառիկ, հիփոթեք), բայց այստեղ էլ արդեն զգացվում է տեմպերի դանդաղում: Այդ պատճառով էլ, ամենայն հավանականությամբ, բանկերն իրենց ազատ միջոցներն ուղղեցին դեպի պետական պարտատոմսեր, համալրելով առևտրի պորտֆելները:
Ակտիվների չափերով 2013 թվականի դեկտեմբերի 31-ի դրությամբ առաջատարների հնգյակն ունի հետևյալ տեսքը: Առաջին տեղում է Ամերիաբանկը, այնուհետև հաջորդում են՝ ՎՏԲ-Հայաստան Բանկը, Արդշինինվեստբանկը, ԱԿԲԱ - ԿՐԵԴԻՏ ԱԳՐԻԿՈԼ Բանկը, HSBC Բանկ Հայաստանը: Առաջատար հնգյակի մասնաբաժինը կազմում է բանկային համակարգի միագումար ակտիվների մոտ50 %-ը, քանի որ հատկապես նրանց մոտ է կենտրոնացած համակարգի միագումար վարկային պորտֆելների ավելի քան 49 %-ը:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները