Երեքշաբթի, 25 Փետրվարի 2014 14:10
Անելիք Բանկը վարկառուներին առաջարկում է ՊԱՐԶ-ԱՐԱԳ քարտային վարկեր նոր պրոդուկը
ԱրմԻնֆո. «Անելիք Բանկ» ՓԲԸ առաջնորդվելով իր որդեգրած քաղաքականությամբ` այն է հնարավորինս պարզեցնել և արագացնել վարկավորման գործընթացը, առաջարկում է նոր պրոդուկտ` ՊԱՐԶ-ԱՐԱԳ քարտային վարկեր:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, վարկի առավելագույն գումարը ազգային արժույթով կազմում է 300 000 ՀՀ դրամ, իսկ արտարժույթով` 1 200 ԱՄՆ դոլար: Տվյալ վարկատեսակից օգտվելու համար անհրաժեշտ չէ ներկայացնել եկամուտը հաստատող փաստաթուղթ:
«Լսելով մեր հաճախորդներին, հասկանալով նրանց պահանջները և կարիքները` «Անելիք Բանկ»-ը մշակեց ևս մեկ Պարզ Արագ վարկատեսակ: Տվյալ պրոդուկտից կարող են օգտվել բոլոր այն անձիք, որքեր ունեն դրական վարկային պատմություն: Ի տարբերություն բանկում գործող անշարժ գույքի գրավով տրամադրվող «Պարզ Արագ» վարկերի` այս վարակտեսակի դեպքում գրավ չի պահանջվի: Մենք փորձել ենք հնարավորինս պարզեցնել և արագացնել վարկավորման գործընթացը, ինչը պայմանավորված է մեր հաճախորդների շրջանակում կատարված ուսումնասիրությունների արդյունքներով»,- ասել է «Անելիք Բանկ» ՓԲԸ Վարչության նախագահի տեղակալ-մանրածախ գործառնությունների գծով տնօրեն Վարդան Գևորգյանը, նշելով, որ «ՊԱՐԶ ԱՐԱԳ» անվանումը հանդիսանալու է Անելիք Բանկի կողմից բնակչությանը առաջարկվող պրոդուկտների կարգախոսը:
Ավելացնենք, որ «Անելիք Բանկ»-ը բազմիցս հայտարարել է, որ շարունակելու է ավելի պարզեցնել իր կողմից տրամադրվող վարկատեսակները և իր հաճախորդներին տրամադրել վարկեր առավել մատչելի պայմաններով:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Անելիք Բանկի սպառողական վարկերի ծավալը 2013 թվականին աճել է 16,2%, մինչև 14,3 մլրդ.դրամ, այս ցուցանիշով զբաղեցնելով 10-րդ հորիզոնականը Հայաստանի բանկային համակարգում: Բանկի վարկային պորտֆելում սպառողական վարկերը կազմել են ավելի քան 33%: Վարկային քարտերի վրայի մնացորդը 2013 թվականին աճել է 51%, անցնելով 0,5 մլրդ.դրամից:
Նշենք, որ Անելիք Բանկի միակ սեփականատերն է հանդիսանում լիբանանյան Credit Bank S.A.L-ը, որը 2013 թվականի 4-րդ եռամսյակում իր 89,95% բաժենեմասը դարձրեց 100%: Բանկն աշխատում է իրեն հետ փոխկապակացված` Anelik դրամական փոխանցումների համակարգի, ինչպես նաև и Intel Express համակարգերի հետ: Անելիք Բանկն ունի 12 մասնաճյուղ, որից 6-ը տեղակայված է Երևանում, իսկ մնացածը` մարզերում:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները