Երկուշաբթի, 10 Մարտի 2014 20:53
ՎՏԲ-Հայաստան Բանկը մանրակրկիտ վերլուծություն կկատարի սեփական պրոցեսինգային կենտրոնի խափանման կապակցությամբ
ԱրմԻնֆո. ՎՏԲ-Հայաստան Բանկը մանրակրկիտ վերլուծություն կկատարի սեփական պրոցեսինգային կենտրոնի խափանման կապակցությամբ, որպեսզի հետագայում բացառվեն նման իրավիճակները: Այս մասին այսօր կայացած մամուլի ասուլիսում հայտարարել է «ՎՏԲ-Հայաստան բանկի» գործառնական դեպարտամենտի տնօրեն Արմեն Սարգսյանը:
Հիշեցնենք, որ մարտի 4-ին տեղի էր ունեցել տեխնիկական վթար, որի հետևանքով բանկի «պրոցեսինգային կենտրոնը» սկսել էր չաշխատել: Այդ պատճառով էլ բանկի հաճախորդները չեն կարողացնել բանկոմատներում կանխիկացնել իրենց քարտային հաշիվների վրայի միջոցները և օգտվել են առևտրի այլ կետերի POS-թերմինալների ծառայություներից:
«Բանկի պրոցեսինգային կենտրոնն աշխատում է 2003 թվականից և, փաստորեն, դա առաջին մասշտաբային և երկարաժամկետ խափանումն էր»,-նշել է Սարգսյանը: Նա պարզաբանել է, որ պրոցեսինգային կենտրոնի աշխատանքները վերականգնելու ուղղությամբ աշխատանքներն օպերատիվ կերպով սկսել չի հաջողվել: «Պրոբլեմն ավելի է խորացել նրանով, որ հատկապես այդ օրը բանկը պետք է վճարեր կենսաթոշակները, իսկ բանկի կենսաթոշակառու-հաճախորդների թիվը կազմում է մոտ 58 հազար»,-նշել է նա: Այդ կապակցությամբ նա նաև նշել է, որ քարտային հաշիվներով գործառնությունները, այդ թվում նաև կենսաթոշակների և աշխատավարձերի վճարումը, այդ ընթացքում իրականացվել է բանկի մասնաճյուղերից, անձնագրի պարտադիր ներկայացմամբ: «Բանկը մասնաճյուղերը նախորոք ապահովել է բավարար չափով կանխիկ միջոցներով, որպեսզի կենսաթոշակառուներն ու մյուս քարտապանները կարողանան ստանալ իրենց միջոցները»,-ասել է Սարգսյանը:
Նրա խոսքով, տեխնիկական վթարի հետևանքները հաջողվեց վերացնել մասնակիորեն, մարտի 6-ի գիշերը, և կենսաթոշակառուներն օրվա ընթացքում արդեն կարողացան օգտվել իրենց քարտերից: Իսկ մնացած քարտապանները կարողացան իրենց գործառնություններն իրականացնել մարտի 7-ին:
Սարգսյանը նշել է, որ վթարի հետևանքով հաճախորդների բազայի կորուստ չի արձանագրվել, քանի որ դրանք պահվում են ոչ միայն պրոցեսինգային, այլ նաև բանկային ծրագրային համակարգերում: «Մենք տվյալների բազան կրկին վերականգնեցինք, նոր հարթակում և նոր տեխնիկայի միջոցով, սակայն, մինչև չիրականացվի խափանված համակարգի մանրակրկիտ վերլուծություն, ռիսկերի վերջնական վերացման մասին խոսելն ավելորդ է»,-եզրափակել է նա:
Նշենք, որ «ՎՏԲ-Հայաստան Բանկ» ՓԲԸ-ն 2004 թվականի ապրիլից դարձել է ՎՏԲ միջազգային ֆինանսական խմբի մասնակից: Ներկայումս Ռուսաստանի երկրորդ խոշորագույն բանկը` «ՎՏԲ»-ն տիրապետում է ՎՏԲ-Հայաստան Բանկի բաժնետոմսերի 100%-ին: ՎՏԲ-Հայաստան Բանկն ավանդաբար գտնվում է Հայաստանի առաջատար բանկերի թվում, ունի Հայաստանում մասնաճյուղերի ամենամեծ ցանցը` 67 մասնաճյուղ: Հայաստանի բանկային համակարգում ՎՏԲ-Հայաստան Բանկն առաջատար է հանդիսանում նաև ակտիվ քարտերի թվով (ավելի քան 285 հազար քարտ), սպասարկելով նաև տեղական ArCa քարտերը, ինչպես նաև թողարկելով և սպասարկելով միջազգային visa քարտերը: Բանկն առաջատար է նաև կենսաթոշակային քարտերի թվով (ավելի քան 70 հազար քարտ):
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները