Ուրբաթ, 11 Ապրիլի 2014 13:45

2014 թվականին «Առէկսիմբանկ-Գազպրոմբանկի խումբ» ՓԲԸ ծրագրում է ապահովել վարկային պորտֆելի մինչև 98 մլրդ դրամի աճ

ԱրմԻնֆո. 2014 թվականին «Առէկսիմբանկ-Գազպրոմբանկի խումբ» ՓԲԸ ծրագրում է ապահովել վարկային պորտֆելի մինչև 98 մլրդ դրամի աճ: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, «Առէկսիմբանկ-Գազպրոմբանկի խումբ» ՓԲԸ բաժնետերի կողմից հաստատված ռազմավարական զարգացման Ծրագրով 2014 թվականին բանկը կիրականացնի կոնսերվատիվ, հավասարակշռված վարկային քաղաքականություն, պահպանելովով ներկայիս վարկային պորտֆելը որակապես նոր մակարդակի վրա, ապահովելով նաև իրացվելիության բարձր մակարդակ: Նախատեսվում է բարձրացնել ՓՄՁ ոլորտին տրամադրվող վարկերի մասնաբաժինը: Նախատեսվում է իրավաբանական անձանց վարկավորման ծավալները հասցնել 17.5 մլրդ.դրամի: Պորտֆելի աճը նախատեսվում է ինչպես միջազգգային ծրագրերի շրջանակներում, այնպես էլ տեղական շուկայի ռեսուրսների հաշվին: 2013 թվականի արդյունքներով բանկի կողմից տրամադրված վարկային և այլ փոխառությունները կազմել են մոտ 92 մլրդ.դրամ:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, «Առէկսիմբանկ-Գազպրոմբանկի խումբ» ՓԲԸ ընդհանուր կապիտալը 2013 թվականին աճել է 27,4 %, մինչև 21.4 մլրդ դրամ: Զուտ շահույթը 2013 թ կազմել է 475,9 մլն դրամ: Բանկի ընդհանուր պարտավորություններն 2013-ին ավելացել են 2 անգամ, մինչև 212,1 մլրդ դրամ, հիմնականում ցպահանջ ավանդների էական և ժամկետային ավանդների 15 % աճի հաշվին: Բանկի ակտիվներն 2013-ին աճել են2 անգամ, մինչև 233.5 մլրդ դրամ:
«Առէկսիմբանկ-Գազպրոմբանկի խումբ» ՓԲԸ ստեղծվել է 1998 թվականին, Ռուսաստանի և Հայաստանի միջև բիզնեսը և ֆինանսական հոսքերը սպասարկելու նպատակով: 2007 թվականից բանկը հանդիսանում է ռուսաստանյան «Գազպրոմբանկի» դուստրը, որի մուտքը հայաստանյան շուկա նշանավորվեց ռուսաստանյան ընկերությունների ներդրումների աճով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2014 թվականին «Առէկսիմբանկ-Գազպրոմբանկի խումբ» ՓԲԸ ծրագրում է ապահովել վարկային պորտֆելի մինչև 98 մլրդ դրամի աճ