Չորեքշաբթի, 16 Ապրիլի 2014 16:58

Արդշինինվեստբանկը 2014 թ. առաջին եռամսյակի արդյունքների համաձայն շարունակում է կայուն աճ արձանագրել

ԱրմԻնֆո: Արդշինինվեստբանկը 2014 թ. առաջին եռամսյակի արդյունքների համաձայն շարունակում է կայուն աճ արձանագրել: Ինչպես ԱրմԻնֆո-ին հաղորդել են բանկի մամուլի ծառայությունում, 2014 թվականի առաջին եռամսյակի վերջի դրությամբ հիմնական ցուցանիշների համեմատական դինամիկան 2013 թվականի տարեվերջի հետ հետեւյալն է.

- Ակտիվները կազմել են 277.5 մլրդ դրամ, աճելով 8.1 մլրդ դրամով (3%-ով):
- Վարկային պորտֆելը կազմել է 171.7 մլրդ դրամ` նվազելով 5.4 մլրդ դրամով (3%-ով):
- Ֆիզիկական անձանց վարկային պորտֆելը կազմել է 56.4 մլրդ դրամª աճելով 4.3 մլրդ դրամով (8,3%-ով):
- Հաճախորդներից ներգրավված միջոցները կազմել են 182.1 մլրդ դրամª աճելով 23.0 մլրդ դրամով (14.4%-ով):
- Սեփական կապիտալը կազմել է 44.7 մլրդ դրամª աճելով 0.5 մլրդ դրամով (1.2%-ով):

Արդշինինվեստբանկի զուտ շահույթը 2014 թ-ի առաջին եռամսյակում կազմել է 1.5 մլրդ դրամª 1,5 անգամ գերազանցելով նախորդ տարվա համադրելի ժամանակահատվածի ցուցանիշը:

Միջազգային ֆինանսական կառույցների հետ հարաբերությունների զարգացման արդյունքում Արդշինինվեստբանկը Սիթիբանկի հետ կնքել է $18 մլն-ի սինդիկացված վարկի պայմանագիր: Այս գործարքը հայկական ֆինանսական կառույցի հետ կնքված առաջին սինդիկացված վարկն է միջբանկային վարկային շուկայում, որն իրականացվել է առանց բազմակողմ զարգացման գործակալության աջակցության` մեծ հետաքրքրություն առաջացնելով ինչպես տարածաշրջանային, այնպես էլ միջազգային բանկերի մոտ:

2014 թվականի առաջին եռամսյակի ընթացքում Արդշինինվեստբանկի մշտական ակտիվ հաճախորդների քանակը աճել է ավելի քան 2000 հաճախորդով եւ կազմել շուրջ 223 000 հաճախորդ:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2013 թվականին Արդշինինվեստբանկի ակտիվներն աճել են 26.5%, մինչև 270.9 մլրդ.դրամ, որոնց կառուցվածքում բանկերի և այլ ֆինանսական կազմակերպությունների հանդեպ պահանջներն աճել են ավելի քան 2 անգամ, մինչև 11.4 մլրդ.դրամ, վարկային պորտֆելը` 31%, մինչև 176.1 մլրդ.դրամ: Միևնույն ժամանակ, հաշվետու ժամանակահատվածում բանկի ընդհանուր պարտավորություններն աճել են 39.3%, մինչև 226.7 մլրդ.դրամ, որոնց կառուցվածքում հաճախորդների հանդեպ պարտավորություններն աճել են 33.9%, մինչև 153.2 մլրդ.դրամ, իսկ պարտավորությունները բանկերի և այլ ֆինանսական կազմակերպությունների հանդեպ` 54.1%, մինչև 70.9 մլրդ.դրամ: Արդյունքում, 2013 թվականը բանկը եզրափակել է 6.5 մլրդ.դրամ շահույթով, ապահովելով տարեկան 53.6% աճ:

Նշենք, որ Արդշինինվեստբանկի 97.23% բաժնետերը հանդիսանում է ՙԲիզնես ներդրումների կենտրոն՚ ՍՊԸ, իսկ 2.77%-ըª ղեկավարությունը: Բանկը հիմնականում ներգրավված է կորպորատիվ հաճախորդների և ՓՄՁ ֆինանսավորման ոլորտում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Արդշինինվեստբանկը 2014 թ. առաջին եռամսյակի արդյունքների համաձայն շարունակում է կայուն աճ արձանագրել