Հինգշաբթի, 17 Ապրիլի 2014 17:30

2013 թվականին ՍԻԼ Ինշուրանսն ապահովագրական պրեմիաների ծավալով դարձել է ամենադինամիկ աճող ապահովագրական ընկերությունը

ԱրմԻնֆո. 2013 թվականին «ՍԻԼ Ինշուրանս» ընկերությունն իր ապահովագրական պրեմիաների ծավալով դարձել է ամենադինամիկ աճող ապահովագրական ընկերությունը: Ըստ Արմինֆո գործակալության`Հայաստանի ապահովագրական ընկերությունների Ռենկինգի, 2013-ին ընկերության ապահովագրական պրտֆելն աճել է մոտ 70%, մինչև 2.5 մլրդ.դրամ, նախորդ տարվա արդյունքներով ապահովագրական պրեմիաների աճի տեմպերով դառնալով շուկայի առաջատարը: Իսկ ապահովագրական պրեմիաների ծավալով «ՍԻԼ Ինշուրանսը» գտնվում է 5-րդ հորիզոնականում:

2013-ին ընկերության պաահովագրական պորտֆելի աճը հիմնականում ապահովվել է բժշկական ապահովագրության հատվածում վարած ագրեսիվ քաղաքականության շնորհիվ, 2013-ին արձանագրելով 535 մլն.դրամի ցուցանիշ, իսկ տարեկան կտրվածքով գրանցելով ավելի քան 18 անգամ աճ: «Մենք կիրառեցինք վաճառքների ագրեսիվ քաղաքականություն: Այդ քաղաքականության շրջանակներում վերջին 2 տարում բացեցինք ապահովագրական պրոդուկտների վաճառքի 40 նոր կետ: Դա թույլ տվեց զգալիորեն բարելավել մեր դիրքերը շուկայում»,-ասել է տնօրենը: Ներկայումս, հավելել է նա, ընկերությունն ունի վաճառքի 60 կետ: Նա նաև նշել է, որ ընկերության ապահովագրական պրոդուկտները կարելի է ձեռք բերել նաև Հայէկոնոմբանկի բոլոր մասնաճյուղերից, ինչպես նաև ԱրմենՏել ընկերության սպասարկման բոլոր գրասենյակներից (Beeline ապրանքանիշ):

Վերջին տարիներին ընկերությունն էապես բարելավել է իր դիրքերը ավտո-կասկո ապահովագրության հատվածում, կնքված պայմանագերի քանակով զբաղեցնելով 2-րդ, իսկ ապահովագրության պրեմիաների ծավալով`4-րդ տեղերը շուկայում (322 մլն.դրամ): Իսկ ԱՊՊԱ հատվածում պայմանագրերի քանակով և պրեմիաների ծավալով 5-րդ տեղում է, մեկ տարում բարձրանալով մեկ տեղով:

Ըստ Արմինֆո գործակալության`Հայաստանի ապահովագրական ընկերությունների Ռենկինգի, «ՍԻԼ Ինշուրանս» ապահովագրական ընկերության ակտիվները 2014 թվականի հունվարի 1-ի դրությամբ կազմել են 3 մլրդ.դրամ (6 տեղը շուկայում), տարեկան կտրվածքով աճելով 15.8%:

Նշենք, որ «ՍԻԼ Ինշուրանս» ապահովագրական ընկերությունը Հայաստանի ապահովագրական շուկայում գործում է 2000 թվականից: Ընկերության բաժնետերերն են` Սուքիասյաների ընտանիքը` 80% և Հայէկոնոմբանկը` 20% բաժնեմասերով: Ընկերությունն ունի 487 ֆիզիկական անձ-գործակալ և 35 իրավաբանական անձ-գործակալ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2013 թվականին ՍԻԼ Ինշուրանսն ապահովագրական պրեմիաների ծավալով դարձել է ամենադինամիկ աճող ապահովագրական ընկերությունը