Չորեքշաբթի, 30 Ապրիլի 2014 17:01

Հակառակ շուկայական միտումներին, Ամերիաբանկն առաջին եռամսյակում ավելացրել է ակտիվներն ու պարտավորությունները

ԱրմԻնֆո. 2014 թվականի առաջին եռամսյակի արդյունքներով Ամերիաբանկի ակտիվներն ավելացել են 8%, մինչև 340 մլրդ.դրամ, իսկ պարտավորությունները` 9%, մինչև 300 մլրդ.դրամ: Այս մասին այսօր Ամերիաբանկում կայացած մամուլի ասուլիսում հայտարարել է բանկի գլխավոր տնօրենի տեղակալ Գևորգ Թարումյանը:

Սակայն, ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2014 թվականի առաջին եռամսյակում Հայստանի բանկային համակարգի ակտիվները նվազել են 0.2%, իսկ պարտավորությունները` 0.8%: Բանկի ֆինանսական տնօրենը հավելել է, որ ակտիվների ծավալներով Ամերիաբանկը Հայաստանի բանկային համակարգում զբաղեցնում է առաջին տեղը: Բանկն առաջինն է նաև ընդհանուր պարտավորությունների գծով:

Ամերիաբանկի ակտիվների կառուցվածքում վարկային ներդրումներն առաջին եռամսյակի արդյունքներով կազմել են 53% կամ 181 մլն.դրամ: Բանկի ընդհանուր պարտավորությունների կառուցվածքում ֆիզիկական անձանց հանդեպ պարտավորություններն ապրիլի 1-ին կազմել են 25%, կազմելով 212 մլրդ.դրամ (1 տեղ): Ֆիզիկական անձանց ժամկետային ավանդները եռամսյակում աճել են 9%, իսկ տարեկան աճը կազմել է 40%, մինչև 74 մլրդ.դրամ:

2014 թվականի առաջին եռամսյակը բանկը եզրափակել է 1.4 մլրդ.շահույթով, տարեկան աճը`2%, իսկ առաջին եռամսյակի անկումը`6%: Իսկ բանկային համակարգի չբաշխված շահույթը հաշվետու եռամսյակում կրճատվել է գրեթե մեկ երրորդով:

Ամերիաբանկը հանդիսանում է ունիվերսալ բանկը, որը բանկային լուծումների համալիր փաթեթի տեսքով տրամադրում է ներդրումային, կորպորատիվ և մանրածախ բանկային ծառայություններ: Բանկի միանձնյա սեփականատերն է Ameria Group (CY) Limited ընկերությունը` 100%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.50	-0.01
USD	382.75	0.26
EUR	447.21	-0.30
GBP	517.32	-0.42
CAD	275.70	-0.31
JPY	25.87	-0.06
CNY	53.73	0.02
CHF	478.68	-0.69

Նորություններ

Հակառակ շուկայական միտումներին, Ամերիաբանկն առաջին եռամսյակում ավելացրել է ակտիվներն ու պարտավորությունները