Հինգշաբթի, 8 Մայիսի 2014 18:17
2014 թվականի առաջին եռամսյակում գործարար ակտիվության ինդեքսը Հայաստանում աճել է մինչև 55.7 միավոր
ԱրմԻնֆո. 2014 թվականի առաջին եռամսյակից ՀՀ Կենտրոնական բանկը կհաշվարկի և կհրապարակի գործարար միջավայրի միասնական ինդեքս, որն իրենից կներկայացնի նախկինում հաշվարկվող գործարար ակտիվության ինդեքսի (ԳԱԻ) և գործարար մթնոլորտի ինդեքսի (ԳՄԻ) ընդհանուր ագրեգացիան: Ինչպես այսօր ԶԼՄ-ների համար կազմակերպված սեմինարի ընթացքում այսօր նշել է ՀՀ ԿԲ վիճակագրության վարչության ղեկավար Մարտին Գալստյանը, երկրի տնտեսական իրավիճակի նոր ինդիկատորը կանվանվի` գործարար մթնոլորտի ինդեքս (ԳՄԻ) և կհաշվարկվի Տնտեսական համագործակցության և զարգացման կազմակերպության (ОЭСР, Organisation for Economic Co-operation and Development, OECD) մեթոդաբանության հիման վրա:
Մ.Գալստյանը նշել է, որ նոր մեթոդաբանությամբ հաշվարկվող ԳՄԻ 2014 թվականի առաջին եռամսյակի արդյունքներով կազմել է 55.7 միավոր, նախորդ եռամսյակի համեմատ աճելով 4.4 կետով: Տարեկան վաղեմության ցուցանիշի հետ համեմատությունը նպատակահարմար չէ անհմադրելիության պատճառով: ԳՄԻ եռամսյակային աճը պայմանավորված է րա բոլոր բաղադրիչների աճով: Մասնավորապես, արդյունաբերությնա ոլորտի ԳՄԻ աճել է 3.5 կետով, կազմելով 56.3 միավոր: Առևտրի ցուցանիշն աճել է 5 կետով, կազմելով 56.8 միավոր, իսկ ծառայությունների ոլորտի ցուցանիշն աճել է 2.9 կետով, կազմելով 55 միավոր: ԳՄԻ ամենադինամիկ աճն արձանագրվել է շինարարության ոլորտում` 6.9 կետով, մինչև 54.5 միավոր:
Կենտրոնական բանկն արդյունաբերության, շինարարության, առևտրի և ծառայությունների ոլորտների ձեռնարկություններում ամեն եռամսյակի ընթացքում անցկացված հարցումների միջոցով հաշվարկում է երկրում տիրող գործարար մթնոլորտի ինդեքսը: Ինդեքսների հաշվարկը կատարվում է հարցվողների փաստացի գնահատականների և սպասումների միջինացման մեթոդով` արտադրության ծավալների և ապրանքների կամ ծառայությունների նկատմամբ պահանջարկի, ինչպես նաև պահուստների ծավալների հիման վրա: Յուրաքանչյուր ոլորտի համար մշակված է հարցրեի որոշակի ցանկ, որի հիման վրա կազմվում են նաև համապատասխան ենթաինդեքսները: Վերջիններս միջինացվում են և կազմավորում գործարար մթնոլորտի վերջնական ինդիկատորները: Այդ ինդեքսների ստացման նպատակը բիզնեսի ընթացիկ իրավիճակի և հեռանկարների որոշելն է, ղեկավարվելով տնտեսական գործունեության մասնակիցների սուբյեկտիվ գնահատականերով: Հարցումները ԿԲ կողմից անց են կացվում 2005 թվականից, 1000 հարցվողների շրջանում:
TUMO և Astana Hub. դու՝ ինձ, ես՝ քեզ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները