Երկուշաբթի, 5 Մայիսի 2014 12:37
ՎՏԲ-Հայաստան Բանկի հաճախորդները շահեցին դրամական պարգևներ ապառիկ վարկավորման վերաբերյալ ակցիայի շրջանակներում
ԱրմԻնֆո. «ՎՏԲ-Հայաստան Բանկ» ՓԲԸ ս.թ. ապրիլի 30-ին ամփոփեց 2013 թվականի դեկտեմբերի 23-ից 2014 թ. մարտի 31-ը ապառիկ վարկավորման շրջանակներում անցկացված «Շահավետ վարկ» ակցիայի արդյունքները:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ակցիայի պայմանների համաձայն` 2014թ. ապրիլի 30-ին ՎՏԲ-Հայաստան Բանկի 12.383 մասնակիցների միջև «Կենտրոն» հեռուստաընկերության ուղիղ եթերում խաղարկվեց 10 դրամական պարգև: Խաղարկության հաղթողները որոշվեցին հատուկ հանձնաժողովի ներկայությամբ պատահական վիճակահանությամբ:
Աղբյուրի համաձայն, նշված ժամանակաշրջանում հաճախորդները, որոնք ապառիկ կարգով ձեռք են բերել տարաբնույթ ապրանքներ ՎՏԲ-Հայաստան Բանկի հետ ակցիայի ընթացքում համագործակցող 650 խանութ-սրահներց 200 000 ՀՀ դրամ և ավել գնումներ կատարելիս ավտոմատ կերպով դարձել են ՎՏԲ-Հայաստան Բանկի 10 հատ 300 հազ. դրամ դրամական մրցանակի խաղարկման մասնակից:
Հաղթող մասնակիցները մայիսի 6-ից սկսած մինչև մայիսի 31-ը անձնագրով կարող են մոտենալ Բանկի մոտակա մասնաճյուղ և ստանալ իրենց դրամական պարգևը վճարային քարտի տեսքով: Մրցանակների ստացման և այլ հարցերի դեպքում կարելի է զանգահարել ՎՏԲ-Հայաստան Բանկի միասնական տեղեկատու 87-87 հեռախոսահամարով:
«ՎՏԲ-Հայաստան Բանկը շարունակում է անցկացնել ակտիվ մարքետինգային քաղաքականություն: Ապառիկ վարկավորումը ՀՀ-ում պահանջարկ վայելող պրոդուկտ է: Այն թույլ է տալիս հաճախորդներին ձեռք բերել ցանկալի ապրանքը` չվճարելով գնման պահին դրա ամբողջ արժեքը: Մենք հետագայում նույնպես աշխատելու ենք ապառիկ վարկավորման զարգացման ուղղությամբ»,-նշել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսևը:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, սպառողական վարկավորման գծով ՎՏԲ-Հայաստան Բանկը 2014 թվականի հունվարի 1-ի դրությամբ հանդիսանում է բանկային համակարգի առաջատարնը, արձանագրելով 70,6 մլրդ.դրամի արդյունք (վարկային պորտֆելի մոտ 35%-ը), տարեկան աճը` 38%:
Նշենք, որ ՎՏԲ-Հայաստան Բանկի ապառիկ վարկավորման ծրագիրը մեկնարկել է 2012 թվականին և տվյալ պահին առաջատար դիրքերում է Հայաստանի ապառիկ վարկավորման շուկայում: «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները