Հինգշաբթի, 8 Մայիսի 2014 19:19
ՎՏԲ-Հայաստան Բանկի հաճախորդները կարող են կատարել բոլոր հիմնական կոմունալ վճարումները բանկոմատային ցանցի միջոցով
ԱրմԻնֆո. ՎՏԲ-Հայաստան Բանկը հայտարարում է կոմունալ վճարումների ցուցակի զգալի ընդլայնման և ամբողջ բանկոմատային համակարգի միջոցով կոմունալ վճարումների ընդունման առցանց ռեժիմի անցնելու մասին:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, բանկոմատների նոր ֆունկցիոնալ հնարավորությունները թույլ են տալիս բանկի քարտապաններին 2014 թվականի մայիսից առցանց կատարել կոմունալ ծառայությունների վճարում ՀՀ հետևյալ կոմունալ օպերատորների օգտին`«ՎիվաՍել-ՄՏՍ», «Օրանժ-Հայաստան», «Բիլայն» (ֆիքսված ու բջջային կապ), «Հայաստանի էլեկտրացանցեր», «Գազպրոմ-Հայաստան» (Հայռուսգազարդ), «Երևան Ջուր», «Հայջրմուղկոյուղի», «Շիրակ-ջրմուղկոյուղի», «Լոռի ջրմուղկոյուղի», «Արմավիր ջրմուղկոյուղի», «Յուքոմ»:
Ծառայությունը հասանելի է ՀՀ ողջ տարածքում տեղակայված բանկի բոլոր 137 բանկոմատների համար: Դրանց միջոցով կատարված վճարումները շուրջօրյա առցանց ռեժիմով փոխանցվում են կոմունալ օպերատորին` անկախ բանկի գործառնական ժամերից: Այսպես, վճարելով բջջային կապի համար բանկոմատների միջոցով բանկի ոչ աշխատանքային ժամերին` հնարավոր է անմիջապես վերականգնել կապը: Բացի այդ, օպերատորների օգտին վճարում կատարելիս միջնորդավճարներ հաճախորդների համար նախատեսված չեն:
Վճարում կատարելու համար հաճախրդից չի պահանջվում լրացուցիչ պայմանագրերի կամ համաձայնագրերի կնքում բանկի կամ օպերատորի հետ, բավական է լինել ՎՏԲ-Հայաստան Բանկի քարտապան: Վճարում կատարելու համար պետք է բանկոմատի էկրանին ընտրել «Կոմունալ վճարումներ» մենյուն և հետևել հրահանգներին: Ավելի մանրամասն տեղեկություն կարելի է ստանալ` զանգահարելով բանկի միասնական տեղեկատվական ծառայություն 87-87 հեռախոսահամարով:
«Մեզ համար կարևոր է բանկի հաճախորդների հարմարավետության մշտական բարելավումը, և ՎՏԲ-Հայաստան Բանկի բանկոմատների միջոցով կոմունալ օպերատորների օգտին առցանց վճարումների ծառայության ներդրումը ևս մեկ քայլ է այդ ուղղությամբ: Մեր բանկոմատները թույլ են տալիս առանց դժվարությունների կատարել կոմունալ վճարումներ Երևանում ու Հայաստանի բոլոր շրջաններում: Նոր մեթոդի գլխավոր առավելություններն են` շուրջօրյա օնլայն ռեժիմ, միջնորդավճարների ամբողջական բացակայություն, վճարումների ամենամեծ քանակ և բանկոմատների լայն ցանց Հայաստանի ողջ տարածքում»,-նշել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսևը:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, բանկոմատների ցանցով ՎՏԲ-Հայաստան Բանկը հանդիսանում է Հայաստանի բանկային համակարգի առաջատարը, 2014 թվականի ապրիլի 1-ի դրությամբ ունենալով 137 բանկոմատ, որոնցից 65 – տեղակայված է Երևանում, իսկ 72 - ը` մարզերում: Բանկի ակտիվ քարտերի թիվը կազմում է ավելի քան 323 հազար, որից ավելի քան 320 հազարը Visa քարտեր են: ՎՏԲ-Հայաստան Բանկ բացառապես թողարկում է Visa քարտեր, և բոլորովին վերջերս է սկսել թողարկել MasterCard համակարգի քարտեր, դառնալով բանկային համակարգի առաջատարն ինչպես թողարկված քարտերի ընդհանուր թվով, այնպես էլ միայն Visa քարտերի թվով: Դրա հետ մեկտեղ բանկն սպասարկում է նաև տեղական ArCa քարտերը: Բանկի քարտերի թվի աճի հիմնական դրայվերն է կորպորատիվ հաճախորդների խոշոր աշխատավարձային նախագծերը: Բանկը շուկայի առաջատարն է նաև կենսաթոշակային քարտերի թվով` ավելի քան 75 հազար քարտ:
«ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները