Երկուշաբթի, 19 Մայիսի 2014 14:36

ՀՀ ԿԲ նախագահ. Բանկերը կընդլայնեն գործիքների շարքը և կնվազեցնեն դրույքներն այն դեպքում, եթե գործարար-միջավայրը դառնա թափանցիկ, առանց կրկնակի ստանդարտների և օլիգոպոլ համաձայնագրերի

ԱրմԻնֆո. Բանկերը կընդլայնեն գործիքների շարքը և կնվազեցնեն դրույքներն այն դեպքում, եթե գործարար-միջավայրը Հայաստանում դառնա թափանցիկ, առանց կրկնակի ստանդարտների և օլիգոպոլ համաձայնագրերի: Այսօր ՀՀ խորհրդարանում նման հայտարարությամբ է հանդես ելել ՀՀ Կենտրոնական բանկի նախագահ Արթուր Ջավադյանը:

«Այդ դեպքում ես վստահեցնում եմ, որ բանկերը կսկսեն կիրառել ավելի շատ գործիքներ, իսկ դրույքները կունենան էապես նվազելու միտումներ, քան այսօր են»,-պարզաբանել է նա: Նրա խոսքով, բանկային համակարգում ներկայիս մրցակցությունը վերջին 6 տարիներին արդեն թույլ է տվել բիզնես-վարկերի դրույքների 6-7 տոկոսային կետով նվազում: «Ընդհանուր առմամբ, վարկային պորտֆելի այդ նվազումը կազմել է 3.4%, և ես այն համարում եմ ոչ բավարար, չնայած, որ սփրեդն ավելի է նվազել, ընդ որում, ավանդների տոկոսադրույքների աճի հաշվին, իսկ դա արդեն վկայում է դրամի նկատմամբ պահանջարկի մասին` դոլարային տնտեսության պայմաններում: Բանկերը դարձել են ավելի պահպանողական, իրացվելիությունը բանկային համակարգում բարձր է, և անհրաժեշտ են թափանցիկ ձեռնարկություններ»,-ընդգծել է նա:

Իսկ պատգամավորներից մեկը նշել է, որ ներկայիս տոկոսադրույքերը չեն խթանում բիզնեսի զարգացումը: Վերջին տարիներին մեծ շահույթ ունեցող բիզնեսներն իրենց բեռնեցին վարկերով, որպեսզի հետագայում վերցնեն նոր վարկեր, կամ վերաձևակերպեն վարկային պայմանագիրը: Արդյունքում, խոշոր բիզնեսում ստեղծվում է ոչ իրացվելի վիճակ, ինչը կարող է բերել լուրջ հետևանքների:

Ըստ ՀՀ ԿԲ տվյալների, 2014 թվականի մարտին Հայաստանի ֆինանսական շուկայում ավանդների տոկոսադրույքները միջին հաշվով կազմել են 8.5%, 2013-ի դեկտեմբերի համեմատ նվազելով 0.2 տոկոսային կետով, իսկ տարեկան կտրվածքով անկումը`0.5 տոկոսային կետով: Մինչդեռ, վարկերի տոկոսադրույքները 2013-ի դեկտեմբերի համեմատ և տարեկան կտրվածքով նվազել են 0.1 տոկոսային կետով, միջին հաշվով կազմելով 14,3%: Ավանդների և վարկերի էժանացումը տարեսկզբից հանգեցրեց մարժայի 0.2 տոկոսային կետով նվազեցմանը, մինչև 5.8 %, տարեկան կտրվածքով աճը` 0,8 տոկոսային կետով: Ինչպես վարկերի, այնպես էլ ավանդների տոկոսադրույքների էժանացումը պայմանավորված է եղել ֆինանսական շուկայի դրամային գործիքների կրճատումով: Այսպես, դրամային ավանդների տոկոսադրույքները տարեսկզբի և նախորդ տարվա համեմատ կրճատվեցին 0,7 տոկոսային կետով, մինչև 10.5 %: Դրամային ավանդների էժանացումը նշված ժամանակահատվածներում համապատասխանաբար կազմել է 0.5 տոկոսային կետ և 0,3 տոկոսային կետ, մինչև 15,7 %: Ընդ որում, դոլարային ավանդները տարեսկզբից թանկացել են 0.3 տոկոսային կետով, մարտին կազմելով 6,5%: Դոլարային վարկերի տոկոսադրույքները եռամսյակում աճել են 0.1 տոկոսային կետով, իսկ տարեկան կտրվածքով անկումը` 0.2 տոկոսային կետով: Երկարաժամկետ վարկերի տոկոսադրույքները, այդ թվում հիփոթեքը, մարտին կազմել են 14%, տարեսկզբից նվազելով 0.3 տոկոսային կետով, իսկ տարեկան կտրվածքով մնալով անփոփոխ: Ընդ որում, կորպորատիվ վարկերի տոկոսադրույքները մարտին միջին հաշվով կազմել են 12%, տարեսկզբից նվազելով 0,1 տոկոսային կետով, տարեկան կտրվածքով աճելով համաչափորեն:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ