Երկուշաբթի, 19 Մայիսի 2014 14:36

Ա.Ջավադյան. Հայաստանի բանկերը ՓԲԸ կարգավիճակից աստիճանաբար կանցնեն ԲԲԸ կարգավիճակի

ԱրմԻնֆո. Հայաստանի բանկերը փակ բաժնետրական ընկերության կարգավիճակից աստիճանաբար, քայլ առ քայլ, կանցնեն բաց բաժնետիրական ընկերության կարգավիճակի: Այս մասին այսօր ՀՀ խորհրդարանում հայտարարել է ՀՀ Կենտրոնական բանկի նախագահ Արթուր Ջվադյանը, պատասխանելով ԱԺ պատգամավոր, ՀՀ նախկին վարչապետ Հրանտ Բագրատյանի հարցին:

Ներդրումային բանկի ստեղծման մասին Բագրատյանի մյուս հարցին Ջավադյանը պատասխանել է, որ ներկայիս բանկերը դրանով չեն զբաղվելու, քանի որ այստեղ կա սնանկացման ռիսկ: «Մենք ունենք ունիվերսալ բանկեր, որոնք զբաղվում են ներդրումային ծառայություններով, և ԿԲ կգնա հատկապես այդ ճանապարհով, դրա համար էլ պարզեցվել են նման կառույցների ստեղծման ընթացակարգերը»,-հայտարարել է ԿԲ նախագահը: Խոսելով ունիվերսալ բանկերի մասին, որոնք զբաղվոմ են նաև ներդրումային ծառայություններով, Ջավադյանը նկատի ուներ Արմսվիսբանկին և Ամերիաբանկին (խմբ.ԱրմԻնֆո):

Վերջին տվյալներով Հայաստանում գործում է 21 առևտրային բանկ, որոնցից միայն 3-ն է (Զարգացման Հայկական բանկը, Հայէկոնոմբանկը և Արարատբանկը) բաց բաժնետիրական ընկերություն, Պրոմեթեյ բանկն ունի ՍՊԸ կարգավիճակ, իսկ մնացած 17 բանկերը հանդիսանում են փակ բաժնետրական ընկերություններ: Կարգավիճակի վերջին փոփոխութոյւնները տեղի է ունեցել 2007 թվականին, երբ Արարատբանկը ՓԲԸ-ից դարձավ ԲԲԸ: Նշենք նաև, «բաց» կարգավիճակով բանկերի բաժնետոմսերը քիչ են շրջանառվում բորսայում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.87	0.05
USD	381.55	0.05
EUR	450.11	2.50
GBP	515.63	3.20
CAD	278.54	1.45
JPY	24.47	0.23
CNY	54.29	0.08
CHF	484.57	3.67

Նորություններ

Ա.Ջավադյան. Հայաստանի բանկերը ՓԲԸ կարգավիճակից աստիճանաբար կանցնեն ԲԲԸ կարգավիճակի