Հինգշաբթի, 12 Հունիսի 2014 16:13

«Ինեկոբանկ» ՓԲԸ-ին շնորհվել է կուտակային կենսաթոշակային համակարգի հաշվի օպերատորի կարգավիճակ

ԱրմԻնֆո. 2014 թվականի հունիսի 2-ին «Ինեկոբանկ» ՓԲԸ-ին շնորհվել է կուտակային կենսաթոշակային համակարգի հաշվի օպերատորի կարգավիճակ: Այս մասին ԱրմԻնֆո գործակալությանը տեղեկացվել է NASDAQ OMX Armenia-ի մամուլի ծառայությունից:

Աղբյուրի համաձայն, այդ կարգավիճակում բանկը կսպասարկի կուտակային կենսաթոշակային համակարգի մասնակիցներին` միջնորդելով Հայաստանի Կենտրոնական Դեպոզիտարիայի կողմից մասնակիցներին մատուցվող ծառայությունները:
«Ինեկոբանկ» ՓԲԸ-ն համալրել է արդեն իսկ գործող 7 հաշվի օպերատորների ցանկը, որոնց թվում են «ՀԱՅՓՈՍՏ» ՓԲԸ-ն և 6 բանկեր՝ «ԱՐԱՐԱՏԲԱՆԿ» ԲԲԸ, «Արդշինինվեսբանկ» ՓԲԸ, "Էյչ-Էս-Բի-Սի Բանկ Հայաստան" ՓԲԸ, «Կոնվերս Բանկ» ԲԲԸ, «ՀԱՅԲԻԶՆԵՍԲԱՆԿ» ՓԲԸ, «ՎՏԲ-ՀԱՅԱՍՏԱՆ ԲԱՆԿ» ՓԲԸ:

Նշենք, որ կենսաթոշակային համակարգի մասնակիցները կարող են նշված հաշվի օպերատորների և «Իմ հաշիվ» հավելվածի միջոցով կառավարել իրենց կենսաթոշակային հաշիվները, մասնավորապես՝ ներկայացնել ֆոնդի և ֆոնդի կառավարչի ընտրության և այլ դիմումներ, ինչպես նաև ստանալ տեղեկատվություն կենսաթոշակային հաշվով կատարված գործառնությունների վերաբերյալ:

Ինեկոբանկը հիմնադրվել է 1996 թվականին: Գործունեության տարիների ընթացքում հաստատվել է որպես բանկային համակարգի արդյունավետ և դինամիկ զարգացող բանկ: Բանկի նպատակն է խթանել մասնավոր հատվածի զարացումը Հայաստանում՝ հանդես գալով որպես միկրո, փոքր և միջին բիզնեսի, ինչպես նաև անհատ հաճախորդների հուսալի և հավատարիմ գործընկեր: 2013 թվականի դեկտեմբերի 31-ի դրությամբ Բանկի ընդհանուր ակտիվները կազմել են 320 մլն ԱՄՆ դոլլար, իսկ համախառն վարկային պորտֆելը 213 մլն ԱՄՆ դոլար: Բանկն ունի 205.000 ակտիվ հաճախորդ, որոնք սպասարկվում են Բանկի 16 մասնաճյուղերում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

«Ինեկոբանկ» ՓԲԸ-ին շնորհվել է կուտակային կենսաթոշակային համակարգի հաշվի օպերատորի կարգավիճակ