Չորեքշաբթի, 18 Հունիսի 2014 19:46

Միկրո- և փոքր ձեռնարկությունների ֆիանսավորման նպատակով Հարավարևելյան Եվրոպայի եվրոպական հիմնադրամը Արարատբանկին տրամադրել է 12 մլն.դոլարի վարկ

ԱրմԻնֆո. Հարավարևելյան Եվրոպայի եվրոպական հիմնադրամը (EFSE) միկրո- և փոքր ձեռնարկությունների ֆիանսավորման նպատակով Արարատբանկին տրամադրել է 12 մլն.դոլարի վարկ: Համապատասխան պայմանագիրն ստորագրել են Արարատբանկի Վրչության նախագահ Աշոտ Օսիպյանը և EFSE տնօրենների խորհրդի նախագահ Մոնիկա Բեքը, Երևանում ընթացող EFSE տարեկան համաժողովի շրջանակներում:

«Համագործակցության 4 տարիների ընթացքում Արարատբանկն իրեն դրսևորեց որպես հուսալի և հաջողված գործընկեր: Աջակցելով Բանկի կողմից երկարաժամկետ վարկեր տրամադրելու հնարավորությանը, EFSE կշարունակի համագործակցությունը, կատարելով միկրո- և փոքր ձեռնարկությունների ֆիանսավորման իր առաքելությունը»,-լրագրողների հետ զրույցում նշել է Մ.Բեքը:

Իր հերթին Ա.Օսիպյանը նշել է, որ Արարատբանկը, հանդիսանալով EFSE գործընկերային հաստատությունը, մշտապես աջակցել է Ֆիմնադրամի նպատակային խմբին` միկրո- և փոքր ձեռնարկություններին: «Նոր վարկը Բանկին հնարավորություն կտա մարման ավելի երկար ժամկետով վարկեր տրամադրել և կօգնի բարելավել ՓՄՁ վարկավորման պայմանները»,-նշել է Օսիպյանը: Նրա խոսքով, սա թվով արդեն չորորդ վարկն է, որը վկայում Բանկի և Հիմնադրամի միջև կաուն համագործակցության մասին: «Մեր նախորդ համաձայնագրերի շրջանակներում մենք վարկեր ենք տրամադրել ՓՄՁ ֆինանսավորման 967 նախագծերի համար: EFSE միջոցները թոյլ տվեցին մեր հաճախորդներին առաջարկել ընդունելի և շահավետ պայմաններով երկարաժամկետ վարկեր, ինչպես նաև դիվերսիֆիկացնել մեր պորտֆելը»,-հավելել է բանկիրը: Նա նշել է, որ վարկը կօգտագործվի ենթավարկավորման նպատակով` 10-11% տոկոսադրույքով և 5 տարի մարման ժամկետով:

Հիշեցնենք, որ EFSE կողմից Արարատբանկին 5 մլն.դոլարի առաջին վարկը տրամադրվել է 2010 թվականի հոկտեմբերին:

2014 թվականի ապրիլի 1 – ին Արարատբանկի վարկային պորտֆելը կազմել է 61.5 մլն դրամ, ընդ որում, ՓՄՁ տեսակարար կշիռը կազմել է 55,2%: Բանկի ակտիվները նույն օրվա դրությամբ կազմել է 131,8 մլն դրամ (եռամսյակի աճը` 5.2%): Բանկի սեփական կապիտալը մարտի վերջին կազմել է 20.6 մլն դրամ (եռամսյակի աճը`4.8%): Զուտ եկամուտը կազմել է 1,1 մլն դրամ: Ըստ ԱրմԻնֆ գործակալության` Հայաստանի Բանկերի Ֆինանսական Վարկանիշի, ՓՄՁ վարկավորման ծավալով Արարատբանկը գտնվում է առաջատար բանկերի տասնյակում: Բանկի մեծամասնական բաժնետերերն է «Ֆլեշ» ընկերությունը (նախագահ Բարսեղ Բեգլարյան), որի մասնաբաժինը բանկի կապիտալու կազմում է 69,24%: Մյուս բաժնետերերն են` EBRD - 25% +1 բաժնետոմս, Rural Impulse Fund II (Բելգիական Incofin Investment Management-Incofin IM խմբի անդամ) - 5%:

Հարավարևելյան Եվրոպայի եվրոպական հիմնադրամի (EFSE) ստեղծումը նախաձեռնել է Գերմանական Զարգացման Բանկը (KfW), Տնտեսական համագործակցության և զարգացման դաշնային նախարարության (BMZ) և Եվրոպական հանձնաժողովի ֆինանսական աջակցությամբ: Հիմնադրամի գործունեությունն ուղղված է Ալբանիայի, Հայաստանի, Ադրբեջանի, Բելառուսի, Բոսնիա և Հերցեգովինայի, Բուլղարիայի, Խորվաթիայի, Մակեդոնիայի, Կոսովոյի, Վրաստանի, Մոլդովայի, Մոնտենեգրոյի, Ռումինիայի, Սերբիայի, Ուկրաինայի և Թուրքիայի տնտեսական զարգացման աջակցմանը և բարգավաճմանը: Քանի որ միկրո-և փոքր բիզնեսում հաջողության և զարգացման մեջ առանցքային դերակատարում ունի ֆինանսների նկատմամբ մատչելիության գործոնը, ապա EFSE կենտրոնանում է տեղական ֆինանսական հաստատություններին աջակցելու վրա`նրանց համարժեք և կայուն ֆինանսավորման ունակություններն ամրապնդելու համար: Ներդրումային գործունեության աջակցությունն իրականացվում է EFSE զարգացման Հիմնադրամի միջոցով, որը գործընկեր վարկային հաստատություններին աջակցում է տեխնիկական օգնությամբ, խորհրդատվություններով և թրեյնինգներով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Միկրո- և փոքր ձեռնարկությունների ֆիանսավորման նպատակով Հարավարևելյան Եվրոպայի եվրոպական հիմնադրամը Արարատբանկին տրամադրել է 12 մլն.դոլարի վարկ