Ուրբաթ, 4 Հուլիսի 2014 17:59

Հայաստանի ֆինանսական շուկայի տոկոսադրույքները շարունակում են կայուն ձևով նվազել

ԱրմԻնֆո. Հայաստանի ֆինանսական շուկայում արձանագրված տոկոսադրույքների նվազումն 2013 թվականի վերջին շարունակվել է նաև 2014-ի առաջին կիսամյակում: Ըստ ՀՀ Կենտրոնական բանկի ԱրմԻնֆո գործակալությանը տրամադրված տվյալների, առաջնային շուկայում մինչև մեկ տարի շրջանառությամբ պետական պարտատոմսերի միջին եկամտաբերությամբ հունիսի 18 - ին կազմել է 7.79%, 2-րդ եռամսյակում նվազելով 0.26 տոկոսային կետով, իսկ մայիսի ցուցանիշի համեմատ` 0.2 տոկոսային կետով: Միջբանկային շուկայում միջնաժամկետ ռեպո տոկոսադրույքը կազմել է 7.4%, եռամսյակում նվազելով 1.1 տոկոսային կետով, իսկ նախորդ ամսվա համեմատ` 0.4 տոկոսային կետով: Բորսայական միջբանկային վարկերի միջին տոկոսադրույքը կազմել է 6.8%, 2-րդ եռամսյակում նվազելով 1.22 տոկոսային կետով, իսկ հունիսին, մայիսի համեմատ, 0.8 տոկոսային կետով:

Ըստ աղբյուրի, արտարժույթի շուկայում երկրորդ եռամսյակում, ինչպես նաև հունիսին արձանագրվել է համաշխարհային արժույթների համեմատ ՀՀ դրամի ամրապնդում: Այսպես, հունիսի 18 – ի դրությամբ ՀՀ դրամի միջին փոխարժեքը ԱՄՆ դոլարի նկատմամբ կազմել է 410,6 դրամ / 1 դոլար, 2-րդ եռամսյակում նվազելով 0.96%, իսկ մեկ ամսում` 0.67%: Դրամի ռեվալվացիան եվրոյի նկատմամբ 2-րդ եռամսյակում կազմել է 3%, իսկ հունիսին` 2.1%: Դրամի փոխարժեքը Եվրոյի նկատմամբ ձեւավորվել է 556,6 դրամ/1EUR: Ռուսական ռուբլու նկատմամբ դրամը 2-րդ եռամսյակում թուլացել է 4,4%, իսկ հունիսին` 0.1%, ձեւավորվելով 11.9 դրամ/1RUR մակարդակում:

Հիշեցնենք, որ Հայաստանի Կենտրոնական բանկը հունիսի 24-ին վերաֆինանսավորման տոկոսադրույքը նվազեցրել էր 0.25 տոկոսային կետով, մինչև 7%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի ֆինանսական շուկայի տոկոսադրույքները շարունակում են կայուն ձևով նվազել