Հինգշաբթի, 10 Հուլիսի 2014 16:35

HSBC Բանկ Հայաստանը մրցանակներ է շնորհել առևտրի ֆինանսավորման լավագույն հաճախորդներին

ԱրմԻնֆո. HSBC Բանկ Հայաստանը հուլիսի 10 –ին մրցանակներ է շնորհել առևտրի ֆինանսավորման լավագույն հաճախորդներին, որոնք 2013 թվականին ցույց են տվել լավագույն արդյունքները.

2013 թվականի արդյունքներով Grand Prix-ին է արժանացել «Արմենիա Վայն» խոշորագույն գինեգործական ընկերությունը: Ընկերությունը հիմնվել է 2008 թվականին մասնագիտանում է գինեգործության, կոնյակագործության և ողու արտադրության ոլորտներում: Ընկերությունն ունի իր սեփական խաղողի այգիները, ինչպես նաև խաղող է մթերում Արագածոտնի, Վայոց Ձորի մարզերից (արտադրանքը` «Արենա» գինիները): Մրցանակը շնորհվեց ընկերության գլխավոր գործադիր տնօրեն, գինեգործ-խորհրդատու Ժան-Բատիստ Սուլեին (Jean-Baptiste Soula): Ընկերությունն իր արտադրանքն արտահանում է Ռուսաստան, Բելառուս, Բուլղարիա, Չեխիա, Լիտվա, Միացյալ Նահանգներ և Կանադա: Արտահանման ամենամեծ ծավալներն ընկնում են Ռուսաստանին: HSBC Հայաստան Բանկի հետ ընկերության համագործակցույթունն սկսվել է 2013 թվականին: Ի դեպ, այս անվանակարգի հաղթողներն ունեն առևտրի ֆինանսավորման ամենադիվերսիֆիկացված պորտֆելը, համարվում են լավագույն բանակցողները և HSBC տարբեր բանկերում կիրառում են առևտրի ֆինանսավորման ամենազանազան գործիքներ:

«Միջազգային առևտրի մրցանակ»-ը բաժին է ընկել «Դերժավա-Ս» ընկերությանը, որը հանդիսանում է Հայաստանի խոշորագույն ներկրողներից մեկը: Ընկերությունը հիմնադրվել է 1995 թվականին և հանդիսանում է բացառիկ մատակարարն ու դիստրիբյուտորն այնպիսի համաշխարհային բրենդերի, ինչպիսիք են` հայտնի LACOSTE (Ֆրանսիա), MARS (ԱՄՆ), «WRIGLEY» (ԱՄՆ) և «COLGATE-PALMOLIVE" (ԱՄՆ) ընկերությունները: Ընկերության արտադրանքի ներկրման աշխարհագրությունն ընդգրկում է Եվրոպայի և Ասիայի բազմաթիվ երկրներ, ինչպես նաև Ռուսաստանը: Համագործակցությունը HSBC հետ սկսվել է 2001 թվականից:

«Նոր հաճախորդ» մրցանակը շնորհվել է Ucom ընկերությանը, որը հիմնվել է 2007 թվականին, Հայաստանում, և ապահովում է բարձր արագությամբ ինտերնետ ծառայություններ, IP հեռուստատեսություն և ֆիքսված հեռախոսակապի ծառայություններ: Ընկերությունը մշտապես ներդրումներ է կատարում ցանցի արդիականացմանը և ծառայությունների շարքի ընդլայնմանը: UCOM-ը առևտրի ֆինանսավորման գործարքներ է կնքում HSBC խմբի բազմաթիվ բանկերի հետ: Ընկերությունն ունի նաև մատակարարների լայն աշխարհագրություն, ընդգրկելով Անգլիան, Ֆրանսիան, Շվեյցարիան, Շվեդիան, Չեխիան, ԱՄՆ և Թայվանը: Համագործակցություն HSBC հետ սկսվել է 2013 թվականից:

«Բանկի գլխավոր գործադիր տնօրենի հատուկ մրցանակը» շնորհվել է «Առողջ սունկ» ՍՊԸ-ին, որը մասնագիտանում է սնկաբուծությամբ, զբաղեցնելով Հայաստանի սնկի շուկայի 80%-ը, իսկ Վրաստանի սնկի շուկայի` 90% - ը: 2010 թվականին ընկերությունը Վրաստանում հիմնադրել է «Tetri Kudi» ՍՊԸ-ն: Համագործակցությունը HSBC հետ ընկերությունն սկսել է 2004 թվականից: Այս անվանակարգում պարգևատրվում են այն ընկերույթունները, որոնք ունեն HSBC Բանկն Հայաստանի հետ աշխատելու բազմամյա փորձ:

Նշենք, որ HSBC-ն առևտրի ֆինանսավորմամբ է զբաղվում արդեն մեկուկես դար (սկսած 1865 թ.): Դեռ 19-րդ դարի կեսերին HSBC առևտրի գործարքներ է ֆինանսավորել Եվրոպայի, Ասիայի և Ամերիկայի գործարարների միջև: Այսօր բանկը հանդիսանում է առևտրի ֆինանսավորման միջազգային առաջատար, ընդգրկելով այդ շուկայի 10%-ը: Աշխարհագրական լայն ներկայությունը Խմբին հնարավորություն է տալիս ներթափանցել միջազգային շուկայի մոտ 77%-ին: HSBC հաճախորդները կարող են իրենց գործարքները կնքել ավելի քան 60 երկրներում: Խումբն ամբողջ աշխարհով մեկ րոպեի ընթացքում կտարում է 1 մլն.դոլարի առևտրի գործարք: Առևտրի ֆինանսավորման գծով HSBC-ում ներգրավված է 5800 աշխատող: HSBC Բանկ Հայաստանի բաժնետերերն են` HSBC Europe B.V.`70% և Wings Establishment-ը` 30%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

HSBC Բանկ Հայաստանը մրցանակներ է շնորհել առևտրի ֆինանսավորման լավագույն հաճախորդներին