Երկուշաբթի, 30 Հունիսի 2014 19:52
ACBA-Credit Agricole Bank-ը, «Հայաստան» Համահայկական հիմնադրամը և World Vision Armenia-ն գործարկել են Գավառի մանկատան բարեգործական կրթական նախագիծը
ԱրմԻնֆո. ACBA-Credit Agricole Bank-ը, «Հայաստան» Համահայկական հիմնադրամը և World Vision Armenia-ի հայկական ներկայացուչությունն ստորագրել են եռակողմ համագործակցության պայմանագիր, որի շրջանակներում Գավառի մանկատան երեխաների համար կգործարկվի համատեղ բարեգործական կրթական նախագիծը: Հունիսի 30-ին պայմանագիրն ստորագրել են ACBA-Credit Agricole Bank-ի գլխավոր գործադիր տնօրեն Հակոբ Անդրեասյանը, «Հայաստան» Համահայկական հիմնադրամի տնօրեն Արա Վարդանյանը և World Vision Armenia-ի տնօրեն Ժիրայր Էդիլյանը:
Ինչպես լրագրողներին հայտարարել են պայմանագրի կողմերը, այն բարեգործական ծրագիր է ACBA-Credit Agricole Bank-ի և «Հայաստան» Համահայկական հիմնադրամի «Visa Բարերար» քարտային նախագծի շրջանակներում և առաջին անգամ է իրականացվում World Vision Armenia-ի հետ: Ծրագիրն ընտրվել է հեռախոսային հարցումների արդյունքում, որն անց է կացվել «Visa Բարերար» քարտային նախագծի ամենաակտիվ քարտապանների շրջանում: Հարցվողները քվեարկել են ուսումնական կենտրոնի ստողծման օգտին, որով կզբաղվի World Vision Armenia-ն:
Ծրագրի շրջանակներում Գավառի մանկատան 9-18 տարեկան մոտ 100 երեխաներին հնարավերություն է ընձեռվել ստանալ հանրակրթական և մասնագիտական գիտելիքներ: Մասնավորապես, նախատեսվում է կազմակերպել հայող լեզվի, օտար լեզուների, մաթեմատիկայի, պատմության և այլ առարկաների, ինչպես նաև մասնագիտական դասընթացներ: Ծրագրի արժեքը կազմում է 41 մլն.դրամ, ժամկետը` 3 տարի:
Լրագրողների հետ զրույցում Ժ.Էդիլյանը նշել է, որ ներկայուսմն Գավառի մանկատանը կա մոտ 100 երեխա: «Նրանք այցելում են հանրակրթական դպրոց, ինչպես նաև արտադասարանական խմբակներ, բայց նրանց ստացած գիտելիքները բավարար չեն, որպեսզի ուսումնական հաստատությունն ավարտելուց հետո ստանան աշխատանք և ամբողջովին ինտեգրվեն հասարակությունում: Նրանց անհրաժեշտ են ֆունդամենտալ գիտելիքներ և հստակ մասնագիտական կողմնորոշում»,-նշել է է.Էդիլյանը:
Նրա խոսքով, ուսումնառության ընթացքում յուրաքանչյուր աշակերտին կընձեռվի անհատական մոտեցում, կախված նրա ընդունակութոյւններից, հետաքրքրություններից, առողջական վիճակից և անհատական որակներից: Հատուկ ուշադրություն կդարձվի սահմանափակ հնարավորություններով երեխաներին: Ժ.Էդիլյանը նշել է, որ նախատեսվում է նաև երեխաներին բուհական ընդունելությունների պատրաստելու հնարավորություններ: «Ծրագրի շրջանակներում մենք աշխատում ենք երեխաներին սովորեցնել այն մասնագիտություններին, որոնք ներկայումս պահանջված են աշխատանքի շուկայում: Բացի այդ, նրանց կտրվի նաև որոշ ձեռնարկատիրական ունակություններ ձեռք բերելու հնարավորություն»,-հավելել է Ժ.Էդիլյանը:
ACBA-Credit Agricole Bank-ի գլխավոր գործադիր տնօրենն էլ իր հերթին է նշել, որ նոր ծրագիրը գործարկվել է «Visa Բարերար» քարտային ծրագրի շրջանակներում և ունի հատուկ նշանակություն, քանի որ իր կողմից ղեկավարվող կառույցն անտարբեր չի մնա մանկատան երեխաների հետագա ճակատագրին: «ACBA-Credit Agricole Bank-ը աշակերտներին ուսումնական ձեռնարկներով ապահովելու, և անգամ աշխատանքի, նույնիսկ մեր բանկում, տեղավորելու հարցում կլինի հետևողական»,-հայտարարել ՝ Հ.Անդրեսայանը: Նա նաև նշել է, որ եթե մանկատան երեխաներն ապագայում զբաղվեն ձեռներեցությամբ, ապա բանկը պատրաստ է նրանց start-up-ների ֆինանսավորմանը: Մենք ողջունում ենք World Vision Armenia-ի մասնակցությունն այս նախագծին և պատրաստ ենք հետագա համատեղ ծրագրերի, որոնք ուղղված կլինեն սոցիալական պատասխանատվության բարձրացմանը»,-ընդգծել է Հ.Անդրեասյանը:
«Հայաստան» Համահայկական հիմնադրամի ղեկավարն էլ իր հերթին է նշել, որ կրթական կենտրոնի ստեղծման գաղափարը հայտնվեց Գավառի մանկատան երեխաների հետ շփումների արդյունքում: «Մենք ծանոթացանք նրանց հետաքրքրություններին ու գերադասություններին և միայն դրանից հետո դիմեցինք World Vision Armenia-ին, առաջարկելով իրականացնել կրթական կենտրոնի ստեղծման ծրագիրը»,-տեղեկացրել է Ա.Վարդանյանը:
ACBA-Credit Agricole Bank-ը, «Հայաստան» Համահայկական հիմնադրամը և Visa ընկերությունը դեռ 2012 թվականին էին հայտարարել «Visa Բարերար» բարեգործական քարտի թողարկման մասին: Քարտի թողարկումը նվիրված էր «Հայաստան» Համահայկական հիմնադրամի 20-ամյակին: Նախագծի նպատակը Հայաստանի մանկատներում գտնվող երեխաներին ֆինանսական օգնություն ցուցաբերելու նպատակով միջոցների ներգրավումն է: Դառնալով «Visa Բարերար» քարտի քարտապան, ցանկացողները ստանում են «Հայաստան» Համահայկական հիմնադրամին առանց լրացուցիչ ծախսերի պարբերաբար բարեգործական վճարներ կատարելու հնարավորություն: Դրա համար անհրաժեշտ է քարտով վճարել ամենօրյա գնումների դիմաց: Հիմնադրամի հաշվին փոխանցվում է յուրաքանչյուր գործարքի 0.3 %-ը, ինչպես նաև քարտի տարեկան սպասարկման վճարի 50%-ը: Բացի այդ, քարտապանները կարող են իրականացնել լրացուցիչ վճարներ: Քարտը կարող է թողարկվել ինչպես քարտապանի նախաձեռնությամբ, այնպես էլ բանկի աշխատավարձային նախագծերի շրջանակներում: Նախագծին ավելի մեծ թվով անձանց ներգրավելու համար «Visa Բարերար» աշխատավարձային քարտերը բանկում սպասարկվում են անվճար: Ներկայուսմ բանկն ունի 19 հազար «Visa Բարերար» քարտ:
Ըստ ԱրմԻնֆո գործակալության՝ «Հայաստանի բանկերը քարտային բիզնեսում» վերլուծական տեղեկագրի, ակտիվ քարտերի թվով ACBA-Credit Agricole Bank-ը գտնվում է Հայաստանի բանկային համակարգի առաջատարերի հնգյակում՝ մոտ 160 հազար քարտ, որից 90 հազարը կազմում են տեղական ArCa քարտերը՝ 47 հազարը՝ Visa քարտերը և ավելի քան 20 հազար՝ MasterCard համակարգի քարտերը: Քարտերի ընդհանուր թվում աշխատավարձային քարտերը կազմում են ավելի քան 57%: Տարեկան կտրվածքով ակտիվ քարտերի թիվն ավելացել է 15%, ինչը գրեթե միատեսակ թվաքանակով ապահովվել է տրամադրված տեղական ArCa և միջազգային Visa քարտերի շնորհիվ: Տեղական քարտերի թվով բանկը գտնվում է առաջատարների եռյակում, իսկ աշխատավարձային քարտերով՝ զբաղեցրել է երկ՝ մոտ 140 մլրդ դրամ, տարեկան աճը՝ 15%, որեղ բանկային տրանսակցիաները կազմել են շուրջ 115 մլրդ դրամ: Բանկն ունի 187 բանկոմատ և 1210 սեփական POS-թերմինալ: Բանկը թողարկում և սպասարկում տեղական ArCa և միջազգային VISA և MasterCard քարտեր և արդեն 4 տարի է, ինչ հանդիսանում է AmEx համակարգի բացառիկ գործընկերը:
Նշենք, որ ACBA-Credit Agricole Bank-ը Հայաստանում գործում է 1995 թվականից: 2006 թվականի սեպտեմբերից բանկի մեծամասնական բաժնետերն է Եվրոպայի խոշորագույն բանկային Credit Agricole S.A. խումբը, որի մասնաբաժինը բանկի կապիտալում կազմում է 15,56%: Նրան հաջորդում են՝ «SACAM International» (Credit Agricole S.A. անդամ) ընկերությունը՝ 12,44%, ինչպես նաև Հայաստանի մարզային գյուղացիական փոխօգնության 10 միություններ:
Հիշեցնենք, որ «Հայաստան» համահայկական հիմնադրամը հիմնվել է 1992 թվականին, ՀՀ Նախագահի հրամանագրով: Հիմնադրամի նպատակն է՝ համախմբել Հայաստանում, Լեռնային Ղարաբաղում և արտասահմանում գտնվող հայերին ու համախոհներին, որոնք պատրաստ են իրենց ջանքերն ուղղել Հայաստանի Հանրապետության և Արցախի կայուն զարգացմանը: World Vision-ը Հայաստանուն սկսել է գործել 1988 թվականից: Առաջին ծրագրերն ուղղվեցին Սպիտակի երկրաշարժից տուժածների օգնությանը: Հետագա տարիներին կազմակերպությունը երկրում իրականացրել է մի շարք խոշոր երկարաժամկետ ծրագրեր: Ներկայումս կազմակերպությունն աշխատում է Հայաստանի ավելի քան 200 համայնքներում, Շիրակի, Արագածոտնի, Գեղարքունիքի, Սյունիքի, Տավուշի և Լոռու մարզերում, ինչպես նաև Երևանում, աջակցություն ցուցաբերելով ավելի քան 33 հազար երեխաների ու նրանց ընտանիքներին:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները