Չորեքշաբթի, 16 Հուլիսի 2014 17:53
ԱՀԸ-ն 2011 թվականից ի վեր տեղաբաշխել է ավելի քան 10 մլրդ.դրամ ծավալով 11 թողարկումների պարտատոմսեր
ԱրմԻնֆո. «Ազգային Հիփոթեքային Ընկերություն» ՎՎԿ ՓԲԸ-ն 2011 թվականից ի վեր տեղաբաշխել է ավելի քան 10 մլրդ.դրամ ծավալով 11 թողարկումների պարտատոմսեր: Այս մասին այսօր կայացած մամուլի ասուլիսում հայտարարել է Ընկերության գործադիր տնօրեն Մհեր Եդիգարյանը: Ընկերության առաջին 9 տրանշերի պարտատոմսերը եղել են կարճաժամկետ, իսկ վերջին երկուսը` միջնաժամկետ:
«Ներկայումս ընկերությունն առաջին քայլերն է անում հիփոթեքային և կապիտալի շուկաների միավորման ուղղությամբ: Ինչպես ցույց է տալիս միջազգային փորձը, սա հիփոթեքային վարկավորման մատչելիությունը բարձրացնելու ամենաարդյունավետ եղանակն է»,-նմշել է Մ.Եդիգարյանը:
Նա տեղեկացրել է, որ առաջիկայում ընկերությունը ծրագրում է 10 տարի և ավելի ժամկետով երկարաժամկետ պարտատոմսերի թողարկում: «Դա թույլ կտա ունենալ «երկար» փողեր, որոնք հետագայում կտեղաբաշխվեն վարկային շուկայում»,-նշել է Մ.Եդիգարյանը:
Նա նշել է, որ ներկայումս ընկերությունը գործիքների տրամադրման նպատակով թողարկում է միայն սովորական կորպորատիվ պարտատոմսեր, բայց առաջիկա 2 տարիներին ծրագրում է ներդնել հայկական շուկայի համար նորություն հանդիսացող գործիքներ, որոնք ապահովված են պարտատոմսերի վարկերով:
Մամուլի ասուլիսին ներկա` Բորսայի ղեկավար Կոնստանտին Սարոյաննն էլ իր հերթին է նշել, ԱՀԸ վերաբերյալ տվյալները, որպես հայկական շուկայի ավելի ակտիվ մասնակցի, ներկայացված են Նյու-Յորքի ֆոնդային բորսայի էկրանների վրա, Թայմս Սքվերում:
Հիշեցնենք, որ ս.թ. հունիսի 27-ին ընկերության պարտատոմսերը տեղեբաշխվել են ՆԱՍԴԱՔ ՕԷՄԷՔՍ Արմենիայի տեղաբաշխման հարթակում: Պարտատոմսերի համար ներկայացված գնման հայտերի ընդհանուր գումարը (ընդհանուր պահանջարկը) կազմել է 2,597,801,450 ՀՀ դրամ: Պարտատոմսերն ամբողջությամբ տեղաբաշխվել են, որի արդյունքում Ընկերության ներգրավել է 1,207,800,730 ՀՀ դրամ: Տեղաբաշխված արժեթղթերի կտրման գինը կազմել է 10,000.08 ՀՀ դրամ: Միջին կշռված եկամտաբերությունը կազմել է 11.824%, իսկ կտրման եկամտաբերությունը՝ 11.9998%:
Նշենք, որ «Ազգային Հիփոթեքային Ընկերություն» վերաֆինանսավորում իրականացնող վարկային կազմակերպություն Փակ Բաժնետիրական Ընկերությունը գրանցվել և լիզենզավորվել է ՀՀ կենտրոնական բանկի խորհրդի 2011 թվականի հոկտեմբերի 19-ի թիվ 1/1167 Ա որոշմամբ (գրանցման վկայականի համարը` թիվ 26, 16.06.2009թ վարկային գործունեության լիցենզիա թիվ 26): Ընկերության միակ հիմադիրն ու բաժնետերը հանդիսանում է ՀՀ կենտրոնական բանկը:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%