Չորեքշաբթի, 16 Հուլիսի 2014 19:41
ԱՐԱՐԱՏԲԱՆԿԸ 10 մլն դոլարի վարկային պայմանագիր է ստորագրել The OPEC Fund for International Development (OFID) -ի հետ
ԱրմԻնֆո. ԱՐԱՐԱՏԲԱՆԿԸ փոքր և միջին ձեռնարկություններին վարկավորելու նպատակով 10 մլն ԱՄՆ դոլար է ներգրավել The OPEC Fund for International Development (OFID) ֆինանսական կազմակերպությունից: Վարկային պայմանագրի շրջանակներում բանկը կտրամադրի մինչեւ 500 000 ԱՄՆ դոլար սահմանաչափով վարկեր արտադրության, սպասարկման, առևտրի և գյուղատնտեսության ոլորտներում գործունեություն ծավալող ՓՄՁ-ներին: Շրջանառու միջոցների համալրման, կապիտալ ներդրումների, հիմնական միջոցների ձեռքբերման նպատակով վարկերը կտրամադրվեն մինչև չորս տարի մարման ժամկետով` 10-11 տոկոս դրույքաչափով: Այս մասին ԱրմԻնֆո գործակալությանը տեղեկացվել է ԱՐԱՐԱՏԲԱՆԿԻ մամուլի ծառայությունից:
Պայմանագիրը ստորագրել են Նավթարդյունահանող երկրների կազմակերպության (OPEC) Միջազգային զարգացման հիմնադրամի (OFID) գլխավոր տնօրեն Սուլեյման Ջազիր Ալ Հերբիշը և ԱՐԱՐԱՏԲԱՆԿ ԲԲԸ վարչության նախագահ Աշոտ Օսիպյանը:
Նշենք, որ The OPEC Fund for International Development (OFID) ֆինանսական կազմակերպության հետ սա բանկի առաջին համագործակցության ծրագիրն է: Համագործակցության մեկնարկը Սուլեյման Ջազիր Ալ Հերբիշը բացատրել է այն փաստով, որ ԱՐԱՐԱՏԲԱՆԿԸ Հայաստանում ՓՄՁ վարկավորման ոլորտի խոշոր խաղացողներից է և մասնաճյուղային լայն ցանցի առկայության շնորհիվ կապահովի ֆինանսական հոսքերի հասանելություն մարզերում գործող ՓՄՁ-ների համար:
ԱՐԱՐԱՏԲԱՆԿԻ վարչության նախագահ Աշոտ Օսիպյանն, իր հերթին, բարձր է գնահատել կազմակերպության օժանդակությունը Հայաստանում փոքր և միջին բիզնեսի զարգացման հարցում: Միաժամանակ, նա վստահեցրել է, որ ԱՐԱՐԱՏԲԱՆԿԻ հետ The OPEC Fund for International Development-ի համագործակցությունը կողմերի համար կլինի ոչ միայն արդյունավետ, այլև շարունակական:
Նշենք OFID-ը զարգացման ֆինանսական գործակալություն է, որը հիմնադրվել է 1976թ. OPEC-ի (Նավթարդյունահանող երկրների կազմակերպություն) անդամ երկրների կողմից և ֆինանսական աջակցություն է տրամադրում OPEC-ի անդամ չհանդիսացող երկրներին: OFID-ն Մասնավոր սեկտորի և առևտրի ֆինանսավորման ծրագրերի շրջանակում ընդհանուր առմամբ 42 միլիոն ԱՄՆ դոլարի չափով ֆինանսավորում է տրամադրել հայաստանյան չորս բանկերի և հասարակական սեկտորում ներգրավված չորս ծրագրերի` երկրի տնտեսության տարբեր ոլորտներում ՓՄՁ վարկավորման նպատակով:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, ՓՄՁ վարկավորման ծավալներով ԱՐԱՐԱՏԲԱՆԿԸ գտնվում է Հայաստանի լավագույն բանկերի տասնյակում: 2014 թվականի ապրիլի 1 – ի դրությամբ բանկի վարկային պորտֆելը կազմել է 157.5 մլն.դոլար, ընդ որում, ՓՄՁ մասնաբաժինը կազմել է 47%: Բանկի ակտիվները նույն օրվա դրությամբ կազմել են 318.9 մլն.դոլար (տարեկան աճը`14.1%): Բանկի ընդհանուր կապիտալի մարտի վերջին կազմել է $ 49.8 մլն (տարեկան աճը`18.1%): Բանկի զուտ շահույթը 2014-ի առաջին եռամսյակում կազմել է 2,7 մլն.դոլար: ԱՐԱՐԱՏԲԱՆԿԻ մեծամասնական բաժնետերերն են`«Ֆլեշ» ընկերությունը (նախագահ Բարսեղ Բեգլարյան)` 64,24%, EBRD-ն` 25% +1 բաժնետոմս, Rural Impulse Fund II -ը (հանդիսանում է բելգիական Incofin Investment Management - Incofin IM անդամ)` 10%:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%