Երկուշաբթի, 7 Հուլիսի 2014 17:06
ՓՄՁ և էներգարդյունվետության նախագծերը ֆինանսավորելու նպատակով EBRD-ն Արմսվիսբանկին կտրամադրի 10 մլն.դոլարի վարկ`
ԱրմԻնֆո. Վերակառուցման և Զարգացման Եվրոպական Բանկը (EBRD) «Արմսվիսբանկ» ՓԲԸ-ին կտրամադրի 10 մլն.դոլարի վարկ, որը կուղղվի ՓՄՁ և էներգարդյունվետության նախագծերի վարկավորմանը: Այս մասին այսօր լրագրողներին հայտնել է «Արմսվիսբանկ» ՓԲԸ գործադիր տնօրեն-Տնօրինության նախագահ Գևորգ Մաչանյանը:
Նրա խոսքով, վարկի ընդհանուր գումարի 5 մլն.դոլարը կուղղվի ՓՄՁ ոլորտի ֆինանսավորմանը, իսկ մնացած 5 մլն.դոլարը` էներգարդյունավետության ոլորտի ձեռնարկությունների ֆինանսավորմանը: «Այդ ձեռնարկությունների համար կգործի ծախսերի դոտացիոն բաղադրիչը, որի մասին մանրամասն կհաղորդենք առաջիկայում»,-նշել է Գ.Մաչանյանը: Նա նշել է, որ նոր պայմանագրի ստորագրումը նախատեսվում է այս տարվա սեպտեմբերին:
Իր գործունեության ընթացքում բանկն ընդհանուր հաշվով ֆինանսավորել է մոտ 38 փոքր ՀԷԿ-երի, ինչպս սեփական, այնպես էլ Գերմանական KfW բանկի միջոցներով:
Արմսվիսբանկը համագործակցում է EBRD-ի հետ դեռևս 2010 թվականից, TFT շրջանակներում և հանդիսանում է միջազգային կառույցենրի հետ համագործակցող ամենաակտիվ հայկական բանկերից մեկը:
Հիշեցնենք, որ EBRD-ն Արմսվիսբանկին «TFT-ի լավագույն ակադեմիական հաջողություններ» սերթիֆիկատը շնորհել էր 2014 թվականի մայիսին, Վարշավայում: Սերթիֆիկատը տրվել էր Արմսվիսբանկի աշխատակիցների լավագույն ակադեմիական հաջողությունների համար, որոնք 2013 թվականին մասնակցել էին առևտրի ֆինանսավորման էլեկտրոնային ուսումնական ծրագրին:
Նշենք, որ «Արմսվիսբանկ» ՓԲԸ- ն հիմնադրվել է 2004 թվականի հոկտեմբերի 7-ին, «Franck Muller Watchland» ժամացույցների հանրահայտ գործարանի հիմնադիր, համասեփականատեր և գլխավոր գործադիր տնօրեն Վարդան Սիրմակեսի կողմից (Շվեյցարիա), որւը տիրապետում է բանկի բաժնետոմսերի 80%-ին, ինչպես նաև «Belegingsmachepij Jongo» ըտնկերությունը` 20%: Բանկը մասնագիտացված է բանկային գործունեության 3 ոլորտներում` կորպորատիվ բանկինգ, ներդրումային բանկինգ և պրիվատ բանկինգ: Արմսվիսբանկի ակտիվները 2014-ի հուլիսի 1ին կազմել են 72.3 մլրդ դրամ, տարեկան կտրվածքով աճը` 24%: Բանկի կանոնադրական կապիտալը նույն ժամանակահատվածում աճել է 44%, կազմելով 10.1 մլրդ դրամ, ընդհանուր ակտիվները կազմել են 21 մլրդ դրամ, տարեկան աճը`56%: Բանկի վարկային պորտֆելը հաշվետու ժամանակահատվածում աճել է 11%, կազմելով 30.1 մլրդ դրամ: Բանկի արժեթղթերի պորտֆելը կազմել է 32.3 մլրդ դրամ, տարեկան աճը`70%: Բանկի շահույթը 2014-ի առաջին կիսամյակում կազմել է մոտ 1.2 մլրդ դրամ, տարեկան աճը` 67%: Բանկի ROA-ն հաշվետու ժամանակահատվածում կազմել է 3.38%, նախորդ տարվա նույն ժամանակահատվածի 3.18% -ի փոխարեն, իսկ ROE-ն կազմել է 13.61%, նախորդ տարվա առաջին 6 ամիսների 13,84% - ի փոխարեն:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%