Չորեքշաբթի, 23 Հուլիսի 2014 16:36

Idram-ը հրավիրել է PayPal-ին Հայաստան

ԱրմԻնֆո. Աշխարհում խոշորագույն PayPal էլեկտրոնային վճարային համակարգն արդեն հասանելի է Հայաստանում: Ինչպես այսօր մամուլի ասուլիսի ժամանակ հայտնել է ՙIdram՚ ընկերության տնօրեն այանե Ստեփանյանը, Հայաստնի օգտատերերի համար հնարավորություն է ստեղծվում փոխարկել PayPal-ի հաշվին եկած գումարները, ինչպես նաև կանխիկացնել այդ միջոցները ՙIdram՚ ընկերության մասնաճյուղերում: Մինչ այդ Հայաստանի օգտատերերը կարող էին PayPal օգտագործել`միայն այդ համակարգում գրանցելով միջազգային վճարային համակարգերի իրենց բանկային քարտերը:

Նա հաղորդել է, որ այժմ արդեն գործարկվել է paypal.idarm.am մասնագիտացված կայքը, որտեղ հաշված վայրկյաններում կարելի է PayPal հաշվի կանխիկացման գործարք իրականացնել: Դրա համար անհրաժեշտ է կայքի համապատասխան բաժնում մուտքագրել ստացողի անունը: Մոտ ժամանակներս, նրա խոսքով, կգործարկվի նաև Idram-ի հաշվից PayPal դրամապանակի լիցքավորման ծառայությունը:

Idram-ի ղեկավարը նաև հիշեցրել է, որ Idram-ի միջոցով, PayPal-ից բացի, հայաստանցի օգտատերերին հասանելի են նաև Google Wallet և WebMoney վճարային համակարգերի ծառայությունները: Մոտ ապագայում Idram-ը նախատեսում է ապահովել միջազգային այլ համակարգերի մուտքը Հայաստանի էլեկտրոնային կոմերցիայի շուկա, ինչպես նաև բարձրացնել արդեն երկրում գործող ընկերությունների ծառայությունների հասանելիությունը տեղի արտադրողների համար, ինչ հնարավոր կլինի ամերիկյան ePrime Global ընկերության հետ համագործակցության շնորհիվ:

ՙՀայաստանի օգտատերերը միջազգային էլեկտրոնային դրամապանակների կանխիկացման և էլեկտրոնային այլ արժույթների փոխարկման ժամանակ բախվել են բազմաթիվ խնդիրների, սակայն ePrime Global-ի հետ մեր համագործակցության շնորհիվ շուտով հնարավոր կլինի հայկական էլեկտրոնային փողերը փոխարկել ցանկացած օտարերկրյա դրամական միավորի: Բացի այդ, Idram-ի միջոցով միջազգային համակարգերի բազմաթիվ ծառայություններ հասանելի կլինեն նաև հայաստանյան շուկայում՚,- նշել է . Ստեփանյանը`ավելացնելով, որ 10-ամյա հոբելյանի կապակցությամբ Idram ընկերությունը մտադիր է հայաստանյան շուկայի համար աննախադեպ և նորարարական նոր առաջարկներով հանդես գալ:

ՙԻդրամ՚ ՍՊԸ-ն` ՙԻդրամ՚ վճարային համակարգի օպերատորը, հիմնադրվել է 2008 թվականի մայիսի 8-ին: Ընկերությունը Հայաստանի Հանրապետության կենտրոնական բանկի կողմից լիցենզավորվել է 2009 թվականի դեկտեմբերի 29-ին, իսկ 2012 թվականի մարտի 6-ին առաջինը Հայաստանում Կենտրոնական բանկի խորհրդի կողմից ստացել է էլեկտրոնային փող թողարկելու թույլտվություն:

PayPal-ն էլեկտրոնային վճարումների և դրամական փոխանցումների աշխարհում առաջատար միջազգային համակարգերից մեկն է`ստեղծված 1998 թվականին ԱՄՆ-ում: 2002 թ. հոկտեմբերից PayPal ընկերությունը կլանվել է eBay ընկերության կողմից, և այդ պահից ի վեր հանդիսանում է վերջինիս ստորաբաժանումը: Վերջին տվյալներով (2014 թ.) PayPal-ն աշխատում է 203 երկրում, ունի ավելի քան 137 մլն գրանցված օգտատեր, աշխատում է 26 ազգային արժույթով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Idram-ը հրավիրել է PayPal-ին Հայաստան