Ուրբաթ, 1 Օգոստոսի 2014 14:38

ՎՏԲ-ն բացասական է գնահատում եվրոպական իշխանությունների` կապիտալի շուկայի հասանելիությունը սահմանափակող որոշումը

ԱրմԻնֆո. ՎՏԲ-ն բացասական է գնահատում եվրոպական իշխանությունների որոշումը, որը սահմանափակում է կապիտալի շուկայի հասանելիությունը: ՎՏԲ բանկի հայտարարության համաձայն, որի տեքստն ԱրմԻնֆո գործակալությանն է տրամադրել «ՎՏԲ-Հայաստան բանկի» մամուլի ծառայությունը, այդպիսի գործողությունները հակասում են եվրոպացիների ժողովրդավարական արժեքներին, որոնք հետևցին իրենց ավագ անդրօվկիանոսյան ընկերներին` հակառակ սեփական շահերին:

ՎՏԲ հայտարարության մեջ նշվում է, որ ընդունված որոշումները նույնպես բացարձակ չեն համապատասխանում ազատ շուկայի հիմնարար սկզբունքներին և խտրական են ոչ միայն ՎՏԲ-ի այլ նաև միջազգային ներդրողների հանդեպ: «Փաստացի եվրոպական իշխանությունները իրենց իրավունք են վերապահել նրանց փոխարեն որոշելու, թե որտեղ ներդնել միջոցները: Չնայած եվրոպական պատժամիջոցներին` ՎՏԲ-ն և իր դուստր ձեռնարկությունները շարունակելու են աշխատանքը նույն ռեժիմով` կատարելով իրենց ներդրողների ու բաժնետերերի հանդեպ բոլոր պարտավորությունները և պահպանելով հաճախորդների սպասարկման բարձր որակը: Կապիտալի շուկայում գործարքների պլանավորումը կախված կլինի ֆոնդավորման մեր պահանջարկից, ինչպես նաև շուկայի հնարավորություններից ու կոնյունկտուրայից», - ասվում է հայտարարությունում:

Հիշեցնենք, որ նախօրեին ՀՀ-ում Ռուսաստանի Դաշնության դեսպանատունը հանդես էր եկել պաշտոնական դիրքորոշմամբ` ի պատասխան ՀՀ-ում ԱՄՆ դեսպանատան հայտարարության: Հայաստանում ՌԴ դեսպանությունը կարծում է, որ «դիվանագիտական ներկայացուցչությանը վայել չէ մատնանշել երկրի իշխանություններին, թե ում հետ և ինչպես կապեր պահպանել`հատկապես բառապաշարում թույլ քողարկված սպառնալիքներ օգտագործելով ինքնիշխան պետության հանդեպ»: «Կարծում ենք, որ Հայաստանի գործարար շրջանակներն ի վիճակի են ինքնուրույն գլուխ հանել բիզնես վարելու հարցերից և ուրիշի հուշումների կարիքը չունեն՚, -ասվում է ՌԴ դեսպանատան հայտարարությունում: ՌԴ դեսպանատունը ստիպված էր ուշադրություն դարձնել դրան` ԱՄՆ պատժամիջոցների ցուցակում հայտնված ռուսական ընկերությունների և ֆիզիկական անձանց հետ համագործակցությունից բխող ռիսկերի վերաբերյալ Հայաստանում ԱՄՆ դեսպանատան կողմից երկրի պետական և գործարար կառույցների շրջանում տարածված հայտարարության առնչությամբ: ՀՀ-ում ՌԴ դեսպանատունը մտահոգություն է հայտնել Հայաստանում ռուսական բիզնեսի աշխատանքը բարդացնելու ամերիկյան փորձերի առնչությամբ: «Հայաստանի տարածքում ներկայացված ռուսական բոլոր ընկերությունները`ներառյալ ՎՏԲ-Հայաստան բանկը և Առէկսիմբանկ–Գազպրոմբանկի Խումբը, գտնվում են վերջինիս իրավասության ներքո, աշխատում են այդ երկրի օրենսդրության շրջանակներում, ստանում են շահույթ և հարկեր վճարում նույնպես Հայաստանում ու ապահովում բնակչության զգալի մասի զբաղվածությունը», - նշվում է ՌԴ դեսպանության դիրքորոշման մեջ:

Օգտվելով առիթից` ՌԴ դեսպանատունն իր դիրքորոշման մեջ ևս մեկ անգամ նշում է ԱՄՆ կողմից հակառուսական պատժամիջոցների կիրառման շինծու և անօրինական լինելը, որոնք չեն հանգեցնի որևէ այլ բանի, քան ռուս-ամերիկյան հարաբերությունների հետագա վատթարացման և միջազգային գործերում խիստ անբարենպաստ մթնոլորտի առաջացման:

Ավելացնենք, որ «ՎՏԲ-Հայաստան բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004 թվականի ապրիլին: Այժմ Ռուսաստանում մեծությամբ երկրորդ ՎՏԲ բանկը տնօրինում է «ՎՏԲ Հայաստան բանկի» բաժնետոմսերի 100 տոկոսը: Վերջինս ավանդաբար ՀՀ բանկային համակարգի առաջատարների թվում է` ըստ հիմնական ցուցանիշների: «ՎՏԲ Հայաստան բանկը» անփոխարինելի առաջատար է մասնաճյուղային ցանցի ընդգրկմամբ, ունի 67 ստորաբաժանում, որոնց մեծ մասը գտնվում են մարզերում` ապահովելով ներկայություն բոլոր մարզերում` առանց բացառության:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՎՏԲ-ն բացասական է գնահատում եվրոպական իշխանությունների` կապիտալի շուկայի հասանելիությունը սահմանափակող որոշումը