Հինգշաբթի, 14 Օգոստոսի 2014 19:10
Moody’s միջազգային վարկանիշային գործակալությունը ՎՏԲ-Հայաստան Բանկին Ba1/Ba3/NP/D- վարկանիշներ է շնորհել
ԱրմԻնֆո. Moody's միջազգային վարկանիշային գործակալությունը ՎՏԲ-Հայաստան Բանկին շնորհել է հետևյալ վարկանիշները` տեղական արժութով երկարաժամկետ ավանդների համար` Ba1 վարկանիշ, արտարժույթով երկարաժամկետ ավանդների համար` Ba3 վարկանիշ, կարճաժամկետ ավանդների համար Not Prime վարկանիշ, ինչպես նաև բանկի ֆինանսական կայունության («ԲՖԿՎ») «D-» վարկանիշ: Բանկի տեղական արժութով երկարաժամկետ ավանդների համար կախատեսումը «Նեգատիվ» է, արտարժույթով երկարաժամկետ ավանդների և բանկի ֆինանսական կայունության վարկանիշի կախատեսումը «Կայուն»:
Ինչպես ԱրմԻնֆո գործակալությանը ահղորդեցին բանկի մամուլի ծառայությունից, ՎՏԲ-Հայաստան Բանկին Moody’s վարկանիշային գործակալության կողմից շնորհված Ba1 տեղական արժույթով երկարաժամկետ ավանդների վարկանիշը հիմնված է ՎՏԲ Բանկ ԲԲԸ մայր բանկի կողմից աջակցման բարձր հավանակության գնահատականի վրա:
Արդյունքում` ՎՏԲ-Հայաստան Բանկի ավանդային վարկանիշները վարկունակության հիմնական գնահատական Ba3 վարկանիշից բարձրացել են երկու կետով:
ՎՏԲ-Հայաստան Բանկը ԲՖԿՎ «D-» վարկանիշին արժանացել է որպես կայուն շահութաբերություն և միջինից բարձր արդյունավետության ցուցանիշներ ունեցող խոշորագույն բանկերից մեկը Հայաստանում: Գործակալությունը նշում է, որ «D-» բանկային ֆինանսական կայունության վարկանիշն ապահովվում է ՎՏԲ-Հայաստան Բանկի խորը ինտեգրմամբ ՎՏԲ խումբ, Հայաստանի կորպորատիվ ու մանրածախ ոլորտներում կայուն դիրքերով, կապիտալի համարժեքության բարձր ցուցանիշով, արդյունավետությամբ ու շահութաբերությամբ:
«ՎՏԲ-Հայաստան Բանկին վարկանիշի շնորհումը մեզ համար շատ կարևոր իրադարձություն է: Ուզում եմ նշել, որ բանկի վարկանիշները սահմանափակված են Հայաստանի «երկրի առաստաղի» վարկանիշով, որը տվյալ պահին հաստատված է Ba3/NP մակարդակում, և վերջինիս բարձրացման դեպքում կարող են վերանայվել», - ասել է ՎՏԲ–Հայաստան Բանկի Գլխավոր տնօրեն-Տնօրինության նախագահ Յուրի Գուսևը: ՎՏԲ Բանկ ԲԲԸ դուստր ընկերությունների դեպարտամենտի ղեկավար, ավագ փոխնախագահ Միխայիլ Յակունինն իր հերթին նշել է, որ ՎՏԲ-Հայաստան Բանկը տրամադրում է ունիվերսալ ծառայություններ, մասնաճյուղային ցանցի շնորհիվ շուկան հասանելի է, և բանկը ակտիվ է Հայաստանի համար տնտեսապես կարևոր ճյուղերում: «Վստահ եմ, որ Moody’s-ի վարկանիշը կնպաստի Հայաստանում ու արտասահմանում մեր հին ու նոր գործընկերների հետ հարաբերությունների զարգացմանը», - ասել է նա:
«ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է ‚ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
Հայաստան ներմուծվող ցորենի ավելի քան 99,9%-ը ստացվում է Ռուսաստանից