Ուրբաթ, 15 Օգոստոսի 2014 18:23

Հայաստանի համախառն միջազգային պահուստները 2014 թվականի 2-րդ եռամսյակում 9,4%-ով կրճատվել են

ԱրմԻնֆո. Հայաստանի համախառն միջազգային պահուստները 2014 թվականի 2-րդ եռամսյակում 9,4%-ով կրճատվել են (1-ին եռամսյակում 12,5% անկման և 2013 թվականի 2-րդ եռամսյակում 1,5% անկման դիմաց), հուլիսի 1-ին կազմելով 1.784 մլրդ դոլար: ՀՀ ԿԲ-ից ԱրմԻնֆո գործակալությանը ներկայացրած նախնական տվյալների համաձայն, տարեկան արտահայտությամբ այդ ցուցանիշն ավելացել է 26,6%-ով:

Աղբյուրի համաձայն, միջազգային պահուստների կառուցվածքում զուտ արտաքին ակտիվները 2-րդ եռամսյակում կրճատվել են 12,8%-ով` մինչև 1.169 մլրդ դոլար: Մեկ տարում այդ ցուցանիշը նվազել է 32,8%-ով: Միևնույն ժամանակ ԱՄՀ-ում (SDR) փոխառության հատուկ իրավունքների չափը նույն ամսաթվին կազմել է 505.8 հազար դոլար (327.2 հազար SDR), 2014 թվականի 2-րդ եռամսյակում կրճատվելով 12,4%-ով` տարեկան կտրվածքով գրեթե 13 անգամ անկման պայմաններում: Նշենք, որ Հայաստանի համախառն միջազգային պահուստները 2013 թվականին ավելացել են 25%-ով, 2014 թվականի հունվարի 1-ի կազմելով 2.252 մլրդ դոլար: Զուտ արտաքին ակտիվների տարեկան աճը եղել է 50,5%, կազմելով 1.607 մլրդ դոլար, իսկ SDR չափը ԱՄՀ-ում կրճատվել է 17 անգամ` կազմելով 1.9 մլն դոլար (1.2 մլն SDR):

Նշենք, որ բանկային ոսկու բաժինը Հայաստանի համախառն միջազգային պահուստներում զրոյացվել է 2003 թվականի դեկտեմբերին: Հնգամյա կտրվածքով (2008-2012 թթ.) Հայաստանի համախառն արտաքին ակտիվներն ավելացել են 28%-ով, ընդ որում 2008 թվականին անկումը կազմել է 15,2%, ինչից հետո 2009 թվականին արձանագրվել է 42,4% աճ, 2010 թվականին` դարձյալ 10% անկում, 2011 թվականին` աննշան աճ` 3,6%, իսկ 2012 թվականին` դարձյալ 7% անկում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի համախառն միջազգային պահուստները 2014 թվականի 2-րդ եռամսյակում 9,4%-ով կրճատվել են