Չորեքշաբթի, 10 Սեպտեմբերի 2014 12:56
Մասնավոր տրանսֆերտները Հայաստանից ավելի արագ տեմպերով են արտահոսում, քանի ներհոսում, և այս ամենը բնակչության շարունակվող միգրացիայի պայմաներում
ԱրմԻնֆո. Բանկային համակարգով դեպի Հայաստան ֆիզիկական անձանց մասնավոր տրանսֆերտների ներհոսքը 2014 թվականի հունվար-հուլիսին 2013-ի նույն ժամանակահատվածի համեմատ նվազել է 2.8%, իսկ արտահոսքը` 12%: 2013-ի նույն ժամանակահատվածքում ներհոսքն աճել էր 5 անգամ, իսկ արտահոսքը` 8 անգամ: Արդյունքում, զուտ ներհոսքը 2014-ի հունվար-հուլիսին տարեկան կտրվածքով աճել է 0.7%, կազմելով 771.2 մլն.դոլար:
Ըստ ՀՀ Կենտրոնական բանկի ամենամսյա հրապարակման, հունվար-հուլիսին դեպի Հայաստան տրանսֆերտների ներհոսքը 2013-ի նույն ժամանակահատվածի համեմատ նվազել է` 1.22 մլրդ.դոլարից մինչև 1.19 մլրդ.դոլար (որից 967.9 մլն.դոլարը եղել է ոչ կոմերցիոն բնույթի), իսկ արտահոսքը` 461.3 մլն.դոլարից մինչև 492.8 մլն.դոլար (196.6 լն.դոլար` ոչ կոմերցիոն բնոյթի):
Ներհոսող տրանսֆերտների կառուցվածքում առյուծի բաժինը շարունակում է պատկանել Ռուսաստանին, չնայած, որ նրա մասնաբաժինը նվազել է`84.6% - ից մինչև 82.3%: Այնուհետև հաջողրդում են` Միացյալ Նահանգները - 4,7% - ից մինչև 5.8%, Ղազախստանը - 1,4% - ից մինչև 1,3% - ի, Գերմանիան - 0.8% - ից մինչև 1 , 2%, Ֆրանսիան - 0.8% - ից մինչև 0.9%, Ուկրաինան - 1.6% - ից մինչև 0.8%, ԱՄԷ - 0.6% - ից մինչև 0.5 %, Իսպանիան - 0.4% (անփոփոխ), Թուրքիան – անփոփոխ 0.1%-ով և իսկ Չինաստանը – անփոփոխ 0.09%: Արտահոսքի կառուցվածքում առաջատարն է Ռուսաստանը` 56.9%, որին հաջորդում են` Միացյալ Նահանգները - 10.1%, Չինաստանը - 4%, Ուկրաինան - 3,4%, Գերմանիան - 2,7%, ԱՄԷ - 2.1 %, Ֆրանսիան - 2%, Իսպանիան - 1.4%, Թուրքիան - 1.2%, Ղազախստանը - 0.9%:
Ռուսաստանի եկող տրանսֆերտների ծավալը 2014-ի հունվար-հուլիսին 2013-ի նույն ժամանակահտածի համեմատ նվազել է 0.1%, մինչև 796 մլն.դոլար, տարեկան արտահոսքը դեպի Ռուսաստան աճել է 12%, մինչև 111.8 մլն.դոլար: ԱՄՆ-ից ներհոսքն աճել է 27%, մինչև 56 մլն.դոլար, իսկ արտահոսան աճել է 17%, մինչև 19.8 մլն.դոլար: Ղազախստանից ներհոսքն աճել է 27%, մինչև 15.9 մլն.դոլար, իսկ արտահոսքն աճել է 64%, մինչև 1.8 մլն.դոլար: Ոկրաինայից ներհոսքը կազմել է 8 մլն.դոլար, նվազելով 16%, սկ արտահոսքը` 23.5%, մինչև 6.5 մլն.դոլար: Գերմանիայից ներհոսքն աճել է 61%, մինչև 11.9 մլն,դոլար, իսկ արտահոսքն աճել է 23%, մինչև 5.4 մլն.դոլար:
Նշենք, որ 2013 թվականին դեպի Հայաստան բանկային համակարգով տրանսֆերտների ներհոսքը կազմել է 1.869 մլրդ.դոլար, աճելով 10.8%: Իսկ արտահոսքը 2013-ի ունվար-հուլիսին տարեկան կտրվածքով աճել է 9.8%, կազմելով 324.2 մլն.դոլար: րդյունքում, մասնավոր տրանսֆերտների զուտ բերհոսքը 2014-ի հունվարի 1-ի դրությամբ կազմել է 1.545 մլրդ.դոլար, տարեկան կտրվածքով աճելով 9.7%:
Հիշեցնենք, որ ՀՀ Կենտրոնական բանկը, համաձան 2014 թվականի երկրորդ եռամսյակի դրամավարկային քաղաքականության, հերթական անգամ 2014 թվականի համար վազեցրեց ֆիզիկական անձանց մասնավոր տրանսֆերտների ներհոսքի կանխատեսումները: Մասնավոր տրանսֆերտների ներհոսքի աճն ընթացիկ տարում կկազմի 4.5-6.5%: Մինչ այդ ԿԲ ֆիզիկական անձանց ներհոսքի աճի կանխատեսումները նվազեցրել էր մինչև 7-9%: ԿԲ կողմից կատարված կանխատեսումների նվազեցոմները պայմանավորված էին ՌԴ ՀՆԱ աճի դանդաղոմներով: Ըստ ՌԴ ԿԲ նախկին կանխատեսոմների, 2014-ին ՌԴ ՀՆԱ աճը պետք է կազմեր 0.6%, բայց ներկայումս այդ կանխատեսումը կազմում է 0.4%:
Ըստ ՀՀ Ազգային վիճակագրական ծառայության տվյալների, 2013-ին Հայաստանից արտասահման է մեկնել 1.494 մլն.մարդ, 2012-օի համեմատ աճելով 17.5%, իսկ վերադարձողների թիվը կազմել է 1.452 մլն.մարդ, տարեկան աճը` 18.8%: Այսպիսով, բնակչության հոսքի բացասական սալդոն տարեկան կտրվածքով կազմել է 42 հազար: Միևնույն ժամանակ, 2013-ին երկիրը լքել է 787 հազ.մարդ, իսկ վերադարձել է 745 հազ.մարդ, բացասական սալդոն կազմել է 41.8 հազար: 2013-ին Ռուսաստան է մեկնել 670 հազ.ՀՀ քաղաքացի, 2012-ի համեմատ աճը` 20%: Նախորդ տարի այն կազմել էր 540 հազար: 2013-ի արդյունքներով ՌԴ-ում օրինական հիմունքներով աշխատող ՀՀ քաղաքացիների թիվը կազմել է 130 հազար, 2012-ի համեմատ աճելով 4%:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%