Երեքշաբթի, 30 Սեպտեմբերի 2014 17:25
Տարվա 8 ամիսների արդյունքներով Ամերիաբանկը գերակատարել է մի շարք ծրագրված ցուցանիշներ և պատրաստ է նոր արգելքների հաղթահարմանը
ԱրմԻնֆո. Ամերիաբանկը հաջողությամբ շարունակում է մանրածախ բիզնեսի զարգացումը: Ընթացիկ տարում բանկն ընդյալնել է մանրածախ ծառայությունների շարքը, համալրելով այն նոր ու հետաքրքիր առաջարկներով, միաժամանակ պարզեցնելով այդ ծառայությունների տրամադրման պայմանները: Դրանով Ամրիաբանկը տարվա 8 ամիսների արդյունքներով գերակատարել է նախկինում ծրագրված մի շարք ցուցանիշներ: Այդ ուղղությամբ իրականացված ձեռքբերումներով է ասօր կայացած մամուլի ասուլիսում լրագրողների հետ կիսվել Ամերիաբանկի մանրածախ գործառնույթունների գծով տնօրեն Արմամ Բարսեղյանը:
Նա տեղեկացրել է, որ բանկի հաճախորդների բազան տարվա 8 ամիսներին տարեկան արտահայտությամբ աճել է 22%: Միևնույն ժամանակ, բանկի քարտերի թիվն աճել է 30%, իսկ պլաստիկ տրանսակցիաների ծավալը` 23%: Բանկի քարտային վարկերն աճել են 38%, ավտովարկերը` 11%, հիփոթեքային վարկերը` 8%, ՓՄՁ ոլորտին տրամադրված վարկերը` 65%, իսկ իրավաբանական անձանց տրամադրված օվերդրաֆտները`50%:
Ըստ Բարսեղյանի, բանկի պարտավորությունների կառուցվածքում ցպահանջ ավանդները տարեկան կտրվածքով աճել են 37%, սեպտեմբերի 1-ին կազմելով 41 մլն.դոլար, իսկ ժամկետային ավանդներն աճել են 23%, անցնելով 188 մլն.դոլարից: «Թվարկվածից երևում է, որ բոլոր հիմնական ուղղություններով ապահովվել են աճի տեմպեր, ինչը մեզ թույլ է տալիս տարեկան կտրվածքով էապես ավելացնել մեր մրցակցային դիրքը շուկայում»,-հայտարարել է նա:
Պատասխանելով ԱրմԻնֆո գործակալության թղթակցի այն հարցին, Բարսեղյանը նշել է, որ 2014 թվականին բանկը նախատեսում է մանրածախ վարկավորման պորտֆելն ավելացնել 30%, հաղթահարելով 100 մլն.դոլարի շեմը: Ընդ որում, մանրածախ բիզնեսի առաջնահերթ հատվածներով, որոնք են` սպառողական վարկավորումը, քարտային վարկավորումը, ավտովարկավորումը և ՓՄՁ մանրածախ վարկավորումը, բանկը ծրագրում է համապատասխան պորտֆելների 50% աճ:
Ինչ վերաբերվում է ամառային ակցիաներին, ապա նա հիշեցրել է, որ ներդրվել են «Անկանխիկ ազատություն» (քարտերի թիվը և անկանխիկ գործարքների աճը խթանելու համար) և «Բումերանք» (ՓՄՁ ոլորտի վարկավորման ծավալներն ավելացնելու համար) ծառայությունները: Ելնելով այդ ծառայությունների բարձր պահանջարկից, Ամերիաբանկը մինչև տարեվերջ երկարաձգել է նշված ակցիաների ժամկետները:
Ըստ ԱրմԻՆֆո գործակալության` Հայաստանի Բանկերի Ֆինանսական Վարկանիշների, Ամերիաբանկն իր ակտիվներով և ընդհանուր պարտավորությունների զբաղեցնում է առաջին տեղը Հայաստանի բանկային շուկայում, կանոնադրական կապիտալով` 2-րդ տեղը, ընդհանուր կապիտալով` 5-րդ տեղը, զուտ շահույթով` 2-րդ տեղը, վարկային ներդրումների ծավալով` 3 – րդ տեղը, վարկային քարտերի վրայի մնացորդներով` 4-րդ տեղը, հիփոթեքային վարկերով` 2-րդ տեղը, ՓՄՁ և սպառողական վարկերով գտնվում է տասնյակում, ավտովարկերով գտնվում է եռյակում, ցպահանջ ավանդներով` 2-րդ տեղը, ժամկետային ավանդներով` 1-ին տեղը:
Հիշեցնենք, որ «Ամերիաբանկ» ՓԲԸ ունիվերսալ բանկ է, որը ներդրումային, կորպորատիվ և մանրածախ բանկային ծառայություններ է տրամադրում բանկային լուծումների համալիր փաթեթի տեսքով: Ամերիաբանկի բաժնետերն է Ամերիա գրուպ CY Ltd.-ն`, որը տիրապետում է բանկի կապիտալի 100%-ին:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները