Երեքշաբթի, 30 Սեպտեմբերի 2014 18:55
ԿԲ արագացրել է Հայաստանում աշխատավարձերի բարձրացման և գործազրկության կրճատման 2014 թվականի աճի ակնկալվող տեմպերը
ԱրմԻնֆո. ՀՀ Կենտրոնական բանկը վերանայել է Հայաստանում աշխատավարձերի բարձրացման և գործազրկության կրճատման 2014 թվականի աճի ակնկալվող տեմպերը` արագացման կողմը: Ըստ ՀՀ ԿԲ 2014 թվականի 3-րդ եռամսյակի դրամավարկային քաղաքականության ծրագրի, անվանական աշխատավձի աճը 2014-ին ակնկալվում է 11.6%, նախկինում կանխատեսված 11%-ի փոխարեն:
ՀՀ ԿԲ տվյալներով, անվանական աշխատավարձերի աճի տեմպերի արագացումը երկրում պայմանավորված կլինի աշխատավարձի նվազագույն շեմի բարձրացումով, որոշ մասնավոր ձեռնարկություններում աշխատավարձերի բարձրացումով, կապված կուտակային կենսաթոշակային համակարգի ներդրման հետ, ինչպես նաև պեական կառույցներոմ աշխատավարձերի էական բարձրացումով, ինչը նախատեսվում է ընթացիկ տարվա 2-րդ կիսամյակում: Հարկ է նշել, որ պետական հատվածոմ աշխատավարձերի բարձրացումն, իր հերթին, կպայմանավորի մասնավոր հատվածում աշխատավարձերի որոշակի բարձրացում, կապված միջոլորտային մրցակցության հետ:
Ըստ կանխատեսման, նշված ծրագրով նախատեսվող գործազրկության մակարդակը 2014 թվականի արդյունքներով, 2013 թվականի համեմատ, կբարձրանա 0.3 տոկոսային կետով, կազմելով 16.5%: Նախորդ կանխատեսումներով գործազրկության միջին մակարդակը 2014 թվականի արդյունքներով, 2013-ի համեմատ, պետք է կրճատվեր 0.3 տոկոսային կետով, կազմելով 15.8%: ԿԲ ակնկալում է, որ 2015-2016 թվականներին գործազրկության մակարդակը տնտեսական աճին զուգահեռ աստիճանաբար կսկսի կրճատվել: Նույն տարիներին, ակնկալվող տնտեսական աճի և գործազրկության կրճատման ֆոնի ներքո, ինչպես նաև կառավարության համապատասխան ծրագրերի իրականացման շնորհիվ, անվանական աշխատավարձերը երկրում կշարունակեն շարունականորեն աճել:
Ըստ ՀՀ Ազգային վիճակագրական ծառայության տվյալների, անվանական աշխատավարձը Հայաստանում 2013 թվականի հունվար – դեկտեմբերին 2012-ի նույն ժամանակահատվածի համեմատ աճել է 6.5%, կազմելով 158.967 դրամ կամ 388 դոլար (զինծառայողների 20102-2013 թվականների աշխատավարձերի հետ միասին): Միևնույն ժամանակ, աշխատավարձը բյուջետային կազմակերպություններում նույն ժամանակահատվածում աճել է 6.5%, մինչև 140.419 դրամ ($ 343), իսկ ոչ բյուջետային կազմակերպություններում`7%, մինչև 185.410 դրամ ($ 453):
Ըստ ՀՀ աշխատանքի և սոցիալական հարցերի նախարարության տվյալների, գործազրկության մակարդակը Հայաստանում 2013 թվականին կազմել է 16.2%, 2012-ի 17,3% փոխարեն: Ըստ ՀՀ Ազգային վիճակագրական ծառայության տվյալների, 2013 թվականի վերջին աշխատանք փնտրող անձանց թիվը կազմել է 65.2. հազար մարդ, տարեկան կտրվածքով աճելով` 10.2%: Դրանցից 57.9 հազըզբաղվածություն չունեցող անձինք են (տարեկան անկումը`10,4%), այդ թվում, 56 հազար մարդ ունեցել է գործազուրկի կարգավիճակ (տարեկան անկումը` 10,3%): Գրանցված գործազուրկների մեջ կանայք 2013 թվականի վերջին կազմել են 41.3 հազար, կամ 73.7%-ը (տարեկան անկումը` 9%): Գործազրկության ցուցանիշներով առաջատարներն են Երևանը`16.7 հազար քաղաքացի և Շիրակի մարզը` 8 հազար: Գործազուրքկների ընդհանուր թվում 16-24 տարեկանները կազմել են 5.5 հազար, 25-30 տարեկանները` 7.6 հազար:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները