Չորեքշաբթի, 1 Հոկտեմբերի 2014 19:31
2015 թվականին Ամերիաբանկն ակնկալում է առևտրի ֆինանսավորման պորտֆելի 50 տոկոսանոց աճ
ԱրմԻնֆո. 2015 թվականին Ամերիաբանկն ակնկալում է առևտրի ֆինանսավորման պորտֆելի 50 տոկոսանոց աճ: Այս մասին հոկտեմբերի 1-ին լրագրողների հետ զրույցում հայտարարել է Ամերիաբանկի առևտրի ֆինանսավորման դեպարտամենտի ղեկավար Սուրեն Քոչարյանը, այդ ոլորտին նվիրված կոնֆերանսի շրջանակներում:
ԱրմԻնֆո գործակալությանթղթակցի հետ զրույցում նա նշել է, որ բանկն ամեն տարի արձանագրում է այդ պորտֆելի 30-50% աճ, ընդ որում, ինչպես աճում են ծավալները, այնպես էլ գործարքների քանակը: Տվյալ պահին բանկի առևտրի ֆինանսավորման պորտֆելը կազմոմ է 130 մլն.դոլար, տարեկան կտրվածքով աճելով` 47%: Իսկ բանկի մասնաբաժինը Հայաստանի առևտրի ֆինանսավորման շուկայում կազմում է 50%:
«Բանկն առևտրի ֆինանսավորումով սկսել է զբաղվել 2008 թվականից և 6 տարում հասել է մեծ ձեռքբերումների, մի շարք մրցանակներ նվաճելով միջազգային ֆինանսական հեղինակավոր կազմակերպությունների կողմից»,-ասել է Ս.Քոչարյանը, հիշեցնելով, որ վերջին մրցանակը` «Տարվա գործարք 2013»-ը, բանկին շնորհել է EBRD-ն, առևտրի աջակցման ծրագրի շրջանակներում (Trade Facilitation Programme):
Ընդհանուր առմամբ, Ամերիաբանկը կանխատեսում է, որ Հայաստանում կաճեն առևտրի ֆինանսավորման ծավալները, կապված արտահանման ծավալների աճի հետ, ինչը պայմանավորված կլինի Ռուսաստանի դեմ կիրառված պատժամիջոցներով: «Դա կխթանի հայկական արտահանումը, և որպես հետևանք,նաև առևտրի ֆինանսավորման գործիքների կիրառելիությունը»,-նշել է Ս.Քոչարյանը, հավելելով, որ առևտրի ֆինանսավորման ոլորտը վերջին տարիներին Հայաստանում զարգանում է բավականին բարձր տեմպերով: «Առևտրի ֆինանսավորման գործիքներն ավելի մատչելի են և գործարարներին առաջարկվում են ավելի բարենպաստ պայմաներ, ինչպես արտահանման, այնպես էլ ներմուծման համար: Այս կապակցությամբ ցանկանում եմ նշել, որ բանկը մեծ ուշադրություն է դարձնում ՓՄՁ ոլորտի զարգացմանը, մշակելով առևտրի ֆինանսավորման արտոնյալ պայմաններ, միաժամանակ նվազեցնելով տոկոսադրույքները և երկարաձգելով մարման ժամկետները: Ընդ որում, այդ հաճախորդների հետ բանկն աշխատում է անհատապես, առաջարկելով ֆինանսավորման անհատական մոդելներ և հաշվի առնելով տվյալ բիզնեսի սպեցիֆիկան ու պահանջները»,-հավելել է Ս.Քոչարյանը:
Նա նշել է նաև, որ բանկն առաջատար դիրքեր է զբաղեցնում ֆակտորինգի շուկայում, մի շարք մրցանակներ նվաճելով միջազգային կազմակերպություններից: «Այդ փաստը բանկին պարտավորեցնում է մշտապես բարելավել իր դիրքերը և ներդրումներ կատարել Հայաստանի ֆակտորինգի շուկայում, ինչպես նաև Հայաստանույկ ներդնել ֆակտորինգի միջազգային փորձը, ադապտացնելով դրանք տեղական բիզնեսին»,-նշել է Ս.Քոչարյանը, հավելելով, որ 2014 թվականին բանկն իր ֆակտորինգային պորտֆելը մեծացրել է 124%-ով, իսկ գործարքների քանակը` 50%-ով:
Նշենք, որ EBRD-ն Երևանում, ԵՄ հետ համատեղ, կազմակերպել է Հայաստանում առևտրի ֆինանսավորմանը նվիրված երկօրյա կոնֆերանս: Միջոցառման նպատակը ՓՄՁ ոլորտի ներկայացուցիչներին առևտրի ֆինանսավորման գործիքների առավելություններին ծանոթացնելն է, ինչպես նաև դրանց մատչելիության հարցրի քննարկումը: Կոնֆերանսին մասնակցում է ավելի քան 150 մասնագետ, այդ թվում նաև տարբեր երկրների առաջնակարգ փորձագետներ:
Նշենք, որ Ամերիաբանկն ունիվերսալ բանկ է, որը ներդրումային, կորպորատիվ և մանրածախ բանկային ծառայություններ է մատուցում բանկային լուծումների համալիր փաթեթի տեսքով: Բանկի բաժնետերն է Америя Групп CY Ltd ընկերությունը, որի մասնակցությունը բանկի կապիտալում կազմում է 100%:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները