Չորեքշաբթի, 10 Սեպտեմբերի 2014 19:02
ՎՏԲ-Հայաստան Բանկի ֆինանսավորմամբ Երևանում կառուցվել է բազմաֆունկցիոնալ բնակելի համալիր
ԱրմԻնֆո. Երևանում այսօր տեղի է ունեցել ժամանակակից բազմաֆունկցիոնալ բնակելի համալիրի պաշտոնական բացումը ք. Երևան, Մալաթիա-Սեբաստիա վարչական շրջան, Ծիծեռնակաբերդի նրբանցք ½ հասցեով, որը ֆինանսավորել է ՎՏԲ-Հայաստան Բանկը: 39050 ք/մ մակերեսով 23-հարկանի բնակելի համալիրը գտնվում է Ծիծեռնակաբերդի խճուղում և ներառում է ոչ միայն բնակարաններ, այլ նաև գրասենյակային տարածքներ, ավտոկայանատեղի:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, կառուցապատումն իրականացրել է «Լոգիկոն» ընկերությունների խմբին պատկանող «Դի Էնդ Էյջ Գրուպ» ընկերությունը: Համալիրի բացմանը ներկա էին Երևանի քաղաքապետը, բարձրաստիճան պաշտոնյաներ, «Դի Էնդ Էյջ Գրուպ» ՍՊԸ, «Լոգիկոն Դիվելոպմենտ» ՍՊԸ, ՎՏԲ-Հայաստան Բանկի ղեկավարությունը:
«ՎՏԲ-Հայաստան Բանկի կողմից ֆինանսավորվող նոր բնակելի համալիրի կառուցումը թույլ է տվել ստեղծել նոր աշխատատեղեր կառուցման և շահագործման ընթացքում: Մենք մեծ կարևորություն ենք տալիս բնակարանային կառուցապատման ոլորտին ֆինանսական օգնություն ցուցաբերելուն, քանի որ դա ոչ միայն նպաստում է ոլորտի ընդհանուր զարգացմանը, այլ նաև օգնում է քաղաքացիներին ձեռք բերել հասանելի ու հարմարավետ բնակարան»,-նշել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսևը:
«ՎՏԲ-Հայաստան Բանկի ֆինանսավորման շնորհիվ մենք կարճ ժամանակահատվածում ավարտին հասցրինք Մալաթիա-Սեբաստիա վարչական շրջանում գտնվող բնակելի համալիրի կառուցումը: Այն կառուցվել է միջազգային չափանիշներին համապատասխան, տեղակայված է Երևանի աշխույժ թաղամասերից մեկում և ունի 292 բնակարան: Դրանց պոտենցիալ գնորդները կարող են լինել ոչ միայն Երևանի բնակիչներ, այլ նաև սփյուռքի, ինչպես նաև Հայաստանում աշխատող արտասահմանյան քաղաքացիներ»,-ասել է «Դի Էնդ Էյջ Գրուպ» ՍՊԸ տնօրեն Վահե Պետրոսյանը:
«Դի Էնդ Էյջ Գրուպ» ՍՊԸ հիմնվել է 2006թ.: 2013թ. ընկերությունը ձեռք է բերվել «Լոգիկոն» ընկերությունների խմբի կողմից:
Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները