Ուրբաթ, 3 Հոկտեմբերի 2014 14:05
Անելք Բանկը շորունակում է ընդլայնել «Պարզ-Արագ» վարկային փաթեթի մանրածախ պրոդուկտների շարքը
ԱրմԻնֆո. «Անելիք Բանկ» ՓԲԸ, հավատարիմ մնալով իր կողմից որդեգրած ռազմավարությանը, ֆիզիկական անձանց առաջարկում է նոր Պարզ-Արագ վարկեր` ոսկու գրավով, որի առավելագույն գումարը ՀՀ դրամով կազմում է 8 մլն, իսկ ԱՄՆ դոլարով` 50 հազար: Ինչպես ԱրմԻնֆո գործակալությանը տեղեկացվել է Բանկի լրատվական ծառայությունից, վարկը տրամադրվում է մինչև 110% վարկ/գրավ շահավետ հարաբերակցությամբ և մատչելի` տարեկան սկսած 14% տոկոսադրույքով:
«Տվյալ վարկատեսակից օգտվող հաճախորդներին կտրամադրվի նաև վճարային քարտ, որի դիմաց քարտի սպասարկման տարեկան վճար և քարտային հաշվի նվազագույն մնացորդ սահմանված չէ»,-նշել է «Անելիք Բանկ» ՓԲԸ Մանրածախ գործառնությունների զարգացման վարչության պետ Արմեն Համբարձումյանը և ավելացրել, որ հետագայում ևս Բանկը շարունակելու է իր հաճախորդներին առաջարկել մատչելի և շահավետ բանկային պրոդուկտներ:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, մի շարք մանրածախ վարկային պրոդուկտների ակտիվ ներդրման շնորհիվ Անելիք բանկը ցուցադրեց բանկային համակարգի համար ամենաբարձր աճի տեմպերը, ընդ որում, ինչպես սպառողական, այնպես էլ մանրածախ վարկավորման հատվածներում: Այսպես, բանկի սպառողական վարկավորման ծավալը 2014 թվականի առաջին կիսամյակում աճել է 35% (շուկայում ընդհանուր անկումը կազմել է 28.5%), իսկ ֆիզիկական անձանց վարկերը` 40% (շուկայի ընդհանուր աճը կազմել է 8.2%): Երկրորդ եռամսյակում բանկի սպառողական վարկավորման ծավալն ավելացել է 19%, ֆիզիկական անձանց վարկավորման ծավալը`21%, իսկ տարեկան կտրվածքով այս ցուցանիշները համապատասխանաբար աճել են` 48.5% և 53.3%: Մատչելի և պահանջված վարկային մի շարք պրոդուկտների ագրեսիվ, բայց մտածված, ներդրման շնորհիվ Անելիք Բանկը 2014-ի հուլիսի 1-ին ձևավորեց 19.3 մլրդ.դրամի սպառողական վարկերի պորտֆել, դեռ առաջին եռամսյակում ցատկելով դեպի առաջատարների տասնյակը, իսկ երկրորդ եռամսյակում հաստատվելով TOP -10-ում:
Նշենք, որ Անելիք Բանկի միակ սեփականատերն է լիբանանյան Credit Bank SAL, բանկը, որը 2013-ի չորրորդ եռամսյակում իր բաժնեմասը 89.95%-ից հասցրեց 100%-ի:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%