Երկուշաբթի, 6 Հոկտեմբերի 2014 19:49

ՀՀ ԿԲ կանխատեսում. 2014 թվականին մասնավոր ներդրումները Հայաստանի տնտեսությունում կավելանան 1,8%-ով

ԱրմԻնֆո. ՀՀ կենտրոնական բանկը 2014 թվականի ներդրումային ակտիվությունը Հայաստանում գնահատում է որպես թույլ` չնայած սպասվող որոշ բարելավմանը: Այդ առնչությամբ ԿԲ փոխել է ընթացիկ տարվա մասնավոր ներդրումների աճի կանխատեսումը: Ինչպես նշվում է ՀՀ ԿԲ դրամավարկային քաղաքականության ծրագրում, 2014 թվականին երկրի տնտեսությունում մասնավոր ներդրումների ծավալը 1,8%-ով կավելանա` 2013 թվականի համեմատ: Նախորդ կանխատեսման համաձայն, մասնավոր ներդրումների աճը պետք է կազմեր շուրջ 4%:

ԿԲ համաձայն, ընթացիկ տարում երկրում արձանագրվել է թույլ ներդրումային ակտիվություն, ինչի մասին վկայում է հունվար-հունիս ամիսներին շինարարության ճյուղում արձանագրված անկումը: 2015-2016 թթ. շինարարության ճյուղի կայունացմանն ու մի շարք մասնավոր նախագծերի իրագործմանը զուգընթաց կարձանագրվի մասնավոր ներդրումների 5-6% աճ: Հարկ է նշել, որ երկրում ներդրումների վերսկսմանը կնպաստի նաև ընդհանուր ազգային խնայողությունների աճը, որն սպասվում է կուտակային կենսաթոշակային համակարգի ներդրման արդյունքում: Բացի այդ, ներդրումների աճին կնպաստի նաև Հայաստանի անդամակցումը ԵԱՏՄ-ին, որը ենթադրում է մի շարք համատեղ նախագծերի իրագործում մանսակից երկրների հետ:

Միագումար պահանջարկի աճի գծով 2-րդ կիսամյակի արդյունքներով ԿԲ կանխատեսումը պահպանել է 5%: Ավելի վաղ ԿԲ այդ ցուցանիշի աճը կանխատեսել էր 6,1%: 2016 թվականից ԿԲ ընդլայնող քաղաքականության ազդեցության թուլացմանը զուգընթաց միագումար պահանջարկի աճի տեմպերը կդանդաղեն և կկայունանան` տնտեսական աճին համապատասխան:

Նվազեցվել է նաև ընթացիկ տարվա մասնավոր սպառման աճի կանխատեսումը` 4%, ավելի վաղ կանխատեսված 4,6%: Դա պայմանավորված է ՌԴ-ից մասնավոր փոխանցումների, տնտեսական ակտիվության և մասնավոր ծախսերի սպասվածից ավելի ցածր մակարդակով: Այդուհանդերձ, 2014 թվականի արդյունքներով Հայաստանում մասնավոր սպառման աճի տեմպերը զգալիորեն կգերազանցեն մեկ տարվա վաղեմության ցուցանիշը, որը գնահատվել է 0,9%:

Մասնավոր ծախսերի աճի կանխատեսումն իրական արտահայտությամբ վերանայվել է դեպի արագացում` 4,5%: 3-րդ եռամսյակում սպասվող աշխատավարձերի աճը պետական հատվածում, խթանող դրամավարկային քաղաքականությունը, ինչպես նաև թույլ ինֆյացիոն միջավայրը կհանգեցնեն բնակչության եկամուտների և գնողունակության աճի: Հաշվետու տարավ ընթացքում կպահպանվի մասնավոր հատվածի խածսերի ռեցեսիոն խզումը, որը կզրոյանա միայն տարեվերջին: 2015 թվականին սպասվող մասնավոր խածսերի աճի տեմպերի արագացումը, որը պայմանավորված է 2014 թվականի ընդլայնող հարկաբյուջետային և դրամավարկային քաղաքականությունների բարենպաստ ազդեցությամբ, իր հերթին կպայմանավորի ելքը դեպի մասնավոր խածսերի ոչ մեծ դրական խզում, կանխատեսվող ժամանակահատվածում հետագա զրոյացմամբ: 2016- 2017 թթ. մասնավոր ծախսերի աճը կկայունանա 4%-ի սահմաններում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ կանխատեսում. 2014 թվականին մասնավոր ներդրումները Հայաստանի տնտեսությունում կավելանան 1,8%-ով