Երեքշաբթի, 30 Սեպտեմբերի 2014 19:49
Անելիք Բանկը հոկտեմբերի 1-ից իջեցնում է «Բանկ-հաճախորդ» համակարգի, SWIFT միջազգային վճարային համակարգով փոխանցումների սակագները և դրույքաչափերը
ԱրմԻնֆո. Անելիք Բանկն իր հաճախորդներին առավել նպաստավոր պայմաններ և հավելյալ հնարավորություններ տրամադրելու նպատակով վերանայել է մի շարք ծառայություների դիմաց գանձվող միջնորդավճարները` դրանք դարձնելով առավել մատչելի և մրցակցային: Մասնավորապես, վերանայվել են «Բանկ-հաճախորդ» համակարգի, SWIFT միջազգային վճարային համակարգով իրավաբանական ու ֆիզիկական անձանց կողմից կատարվող փոխանցումների, ինչպես նաև մի շարք այլ ծառայությունների սակագներ:
Ինչպես ԱրմԻնֆո գործակալությանը տեղեկացվել է Բանկի լրատվական ծառայությունից, այսուհետ «Բանկ-հաճախորդ» համակարգով գործարքներ կատարելու իրավասության տրամադրման համար իրավաբանական անձանցից գանձվող տարեկան վճարը կկազմի 20,000 ՀՀ դրամ, իսկ ֆիզիկական անձանցից` 5,000 ՀՀ դրամ: Հիշեցնենք, որ նախկինում նշված ծառայության համար բանկի հաճախորդները վճարում էին ամսեկան համապատասխանաբար 4,000 ՀՀ դրամ և 900 ՀՀ դրամ:
Սակագնային նման փոփոխությունը թույլ է տալիս հաճախորդներին կրճատել սպասարկման վճարի գծով իրենց տարեկան պարտավորությունները ավելի քան երկու անգամ: Տեղեկացնենք նաև, որ այսուհետ «Բանկ-հաճախորդ» համակարգով հաճախորդների հաշիվների դիտման իրավասության տրամադրման համար նրանցից տարեկան կամ ամսական սպասարկման վճար չի գանձվելու: Համակարգին միանալու համար (թե դիտման իրավասության և թե գործարքներ կատարելու իրավասության տրամադրման համար) անհրաժեշտ է կատարել մեկանգամյա վճար` իրավաբանական անձանց դեպքում 10,000, իսկ ֆիզիկական անձանց դեպքում` 5,000 ՀՀ դրամ: Նշենք նաև, որ SWIFT համակարգով իրականացվող միջազգային փոխանցումները հոկտեմբերի 1-ից հնարավոր կլինի կատարել` սկսած 3000 ՀՀ դրամից նախկին 7,500 ՀՀ դրամի փոխարեն:
«Անելիք Բանկը մշտապես իրականացրել է ճշգրտված և շուկային համահունչ սակագնային քաղաքականություն: Վստահ եմ, որ սակագների այս փոփոխությունները Բանկի հաճախորդներին հնարավորություն կտան առավել նպաստավոր պայմաններով իրականացնել իրենց գործարքները»,- նշել է «Անելիք Բանկ» ՓԲԸ-ի վարչության նախագահի տեղակալ-Բիզնեսի զարգացման գծով տնօրեն Հայկ Մկրտչյանը:
Նշենք, որ Անելիք Բանկի ընդհանուր կապիտալը 2014 թվականի հուլիսի 1-ին կազմել է
12.3 մլրդ դրամ, ակտիվները`69.2 մլրդ դրամ, վարկային ներդրումները`47,4 մլրդ դրամ (ակտիվների 68.5%-ը), պարտավորությունները կազմել են 56.9 մլրդ դրամ: Վերջինների կառուցվածքում ժամկետային ավանդները կազմել են 56.9% կամ 32.4 մլրդ դրամ, որից ավելի քան 85%-ը կազմում են ֆիզիկական անձանց միջոցները: Բանկն ունի 13 մասնաճյուղ, որից 6-ը գտնվում է Երևանում: 2014 թվականի 3-րդ եռամսյակում Լիբանանի CreditBank SAL բանկը, որը հանդիսանում է Անելիք Բանկի միանձնյա սեփականատերը, կանոնադրական կապիտալը հասցրեց 1 մլրդ դրամի` ուղղակի ներդրման միջոցով: Հատկացված միջոցները կուղղվեն բանկի ռազմավարական ծրագրերի իրականացմանը, ինչպես նաև մատուցվող ծառայությունների շրջանակի ընդլայնմանը: Լիբանանանյան CreditBank SAL բանկն Անելիք Բանկի բաժնետեր դարձավ 2009-ի փետրվարին, ձեռք բերելեվ բաժնետոմսերի 51%-ը, իսկ 2013-ի հոկտեմբերից դարձավ բանկի միանձնյա սեփականատերը և հատկապես այդ ժամանակ որպես բանկի ռազավարական առաջնահերթություն ընդունվեց մասնրածախը և ՓՄՁ ոլորտի վարկավորումը: Մոսկովյան «ԱնելիքՌու» բանկը նույնպես 2012-ի դեկտեմբերին օտարվեց Անելիք բանկից, նույնպես հանձնվելով լիբանանյան CreditBank SAL բանկի տիրապետությանը:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները