Հինգշաբթի, 9 Հոկտեմբերի 2014 19:06

Ռուբեն Վարդանյան. Համախմբումն անխուսափելի է. հայկական բանկերը պետք է խոշորանան

ԱրմԻնֆո. Հայկական բանկերի համախմբումն, անշուշտ, մոտ ժամանակներս անխուսափելի կդառնա, այսօր լրագրողների հետ զրույցում այդպիսի կարծիք է հայտնել ՙԱմերիաբանկի՚ Տնօրենների խորհրդի անդամ, գործարար Ռուբեն Վարդանյանը` մեկնաբանելով հարցը, թե ինչպիսին կլինի հակառուսական պատժամիջոցների ազդեցությունը Հայաստանի բանկային համակարգի վրա:

ՙ21 բանկը Հայաստանի նման փոքր երկրի համար մեծ քանակ է: Եվ արդյունավետ աշխատելու և միջազգային չափանիշներին համապատասխանելու համար հայկական բանկերը պետք է խոշորանան, ներդրումներ և բաժնետերեր ներգրավեն: Այնպես որ` համախմբումը հայկական բանկերի համար անխուսափելի է՚,- նշել է Ռ. Վարդանյանը: Ինչ վերաբերում է տոկոսադրույքների վրա ազդեցությանը, գործարարը նշել է, որ փողի արժեքը որոշվում է տարբեր գործոններով, և այս իմաստով Հայաստանը ևս կախված է համաշխարհային կոնյունկտուրայից և այն ամենից, ինչ տեղի է ունենում ԽՍՀՄ նախկին երկրներում, որոնք, այսպես թե այնպես, տնտեսական առումով սերտորեն կապված են միմյանց հետ: ՙԱյնուամենայնիվ, մենք ուղղակի կախվածություն չունենք, մենք գումար ստանալու հնարավորություն ունենք ոչ միայն ռուսական, այլ նաևª միջազգային ֆինանսական ինստիտուտներից: Այս առումով Հայաստանը լավ հնարավորություն ունի ճիշտ դրամավարկային քաղաքականության պայմաններում պահպանել տոկոսադրույքները նույն մակարդակի վրա՚,- ասել է Ռուբեն Վարդանյանը:

Անդրադառնալով Հայաստանի տնտեսության վրա ռուսական ռուբլու տատանման ազդեցությանը` նա ասել է. ՙՌուսաստանը Հայաստանի համար իրացման խոշորագույն շուկա է, խոշոր աշխատաշուկա մեր քաղաքացիների համար: Բնականաբար, այն ամենը, ինչ տեղի է ունենում Ռուսաստանում, անդրադառնում է Հայաստանի վրա, և այդ թվում` ռուբլու տատանումը, բայց դա, կրկնում եմ, ուղղակի կախվածություն չէ՚,- նշել է Ռ. Վարդանյանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ռուբեն Վարդանյան. Համախմբումն անխուսափելի է. հայկական բանկերը պետք է խոշորանան