Չորեքշաբթի, 1 Հոկտեմբերի 2014 17:01
ՓՄՁ ոլորտի վարկավորման նպատակով EBRD Արմսվիսբանկին կտրամադրի 5 մլն. դոլարին համարժեք գումարի ՀՀ դրամով վարկ
ԱրմԻնֆո. Արմսվիսբանկը Վերակառուցման և Զարգացման Եվրոպական Բանկի (EBRD) հետ հոկտեմբերի 1-ին կնքել է պայմանագիր, որի համաձայն, ՓՄՁ ոլորտի ֆինանսավորման նպատակով Արմսվիսբանկին կտրամադրվի 5 մլն.դոլարին համարժեք ՀՀ դրամի չափով վարկ: Փաստաթուղթն ստորագրել են` Արմսվիսբանկի գործադիր տնօրեն-Տնօրինությւան նախագահ Գևորգ Մաչանյանը և EBRD Կենտրոնական Ասիայի, Կովկասի և Մոնղոլիայի ֆինանսական ինստիտուտների գծով տնօրեն Մայք Թեյլորը (Мike Taylor):
Ինչպես պայմանագրի ստորագրմանը նվիրված միջոցառման ընթացքում նշել է Գ.Մաչանյանը, վարկը յուրահատուկ է նրանով, որ բանկն առաջին անգամ է վարկ ներգրավում ՀՀ դրամով, և դրամով էլ այն կտեղաբաշխվի: ՓՄՁ ոլորտի վարկավորման ծրագրի շրջանակներում վարկերը կտրամադրվեն տարեկան մինչև 14% տոկոսադրույքով և 5 տարի մարման ժամկետով: Նշված ծրագրի շրջանակներում վարկի առավելագույն չափը կկազմի 300 մլն.դրամ: Առաջարկից կարող են օգտվել այն ձեռնարկությունները, որոնց աշխատակիցների թիվը չի գերազանցում 250-ը:
Ըստ Գ.Մաչանյանի, Արմսվիսբանկը EBRD հետ համագործակցում է 2010 թվականից, իսկ նշված վարկային պայմանագիրը թվով երրորդն է: Առաջին պայմանագիրի գումարը նույնպես կազմել է 5 մլն.դոլար և նույնպես վերաբերվել է ՓՄՁ ոլորտին: Այդ նույն տարում, առևտրի ֆինանսավորման ծրագրի (Trade Facilitation Programme -TFP) շրջանակներում EBRD բացեց 3 մլն.դոլարի վարկային գիծ, որը համագործակցության տարիներին եռապատկվեց, դառնալով 9 մլն. դոլար: TFP շրջանակներում EBRD Արմսվիսբանկին շնորհեց հաստատող բանկի կարգավիճակ: Մինչև տարեվերջ բանկը EBRD-ից կներգրավի 5 մլն.դոլարի ևս մեկ վարկ, որն ուղղված կլինի էներգախնայողության ծրագրերի իրականացմանը: «Բանկը բարձր է գնահատում EBRD հետ համագործակցությունը, քանի որ այն ենթադրում է շահավետ պայմաններով ֆինանսական միջոցների ներգրավում, փորձի փոխանակում, մասնագետների վերապատրաստում»,-նշել է Գ.Մաչանյանը:
Մ.Թեյլորն էլ ընդգծել է հայկական բանկերի կողմից ազգային դրամով վարկեր ներգրավելու կարևորությունը, քանի որ դա նպաստում է հայրենական տնտեսության ապադոլարայնացմանը և ՓՄՁ ոլորտի համար վարկային միջոցների մատչելիությանը:
Նշենք, որ «Արմսվիսբանկը» հիմնադրվել է 2004 թվականի հոկտեմբերի 7-ին, աշխարհահռչակ «Franck Muller Watchland» ժամացույցների գործարանի հիմնադրի, սեփականատիրոջ և գլխավոր գործադիր տնօրեն Վարդան Սիրմակեսի կողմից: Բանկի բաժնետերերն են` Վարդան Սիրմակեսը (Շվեյցարիա)` 80% և «Belegingsmachepij Jongo» LLC-ն`20%: Բանկը մասնագիտացվում է բանկային գործունեության հետևյալ ուղղություններով` կորպորատիվ և ներդրումային բանկային ծառայություններ:. Բանկի ակտիվները 2014-ի օգոստոսի 31-ին կազմել են 69.6 մլրդ դրամ, տարեկան կտրվածքով աճելով 13%: Կանոնադրական կապիտալը նույն ժամանակահատվածում աճել է 44%, մինչև 10.1 մլրդ. դրամ: Բանկի ընդհանուր կապիտալը նույն ժամանակահատվածում կազմել է 21.3 մլրդ դրամ, տարեկան աճը` 59%: Բանկի վարկային պորտֆելը հաշվետու ժամանակահատվածում աճել է 14%, մինչև 31.4 մլրդ դրամ: Բանկի արժեթղթերի պորտֆելի ծավալը կազմել է 31.4 մլրդ դրամ, տարեկան կտրվածքով աճելով 47%: Բանկի շահույթը 2014 թվականի առաջին 8 ամիսներին կազմել է մոտ 5.6 մլրդ.դրամ, տարեկան աճը` 53%: Բանկի ROA-ն առաջին կիսամյակում կազմել է 3.27% (նախորդ տարվա նույն ժամանակահատվածի 2.24%-ի փոխարեն), իսկ ROE –ն կազմել է 13,14% (նախորդ տարվա նույն ժամանակահատվածի 10.19%-ի փոխարեն):
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները