Երեքշաբթի, 21 Հոկտեմբերի 2014 19:24
ՎՏԲ-Հայաստան Բանկի ակտիվ քարտապանը «Ամառը ՎՏԲ-ի հետ» ակցիայի շրջանակնբերում շահել է դեպի Մալթա երկու անձի համար ուղևորության ուղեգիր
ԱրմԻնֆո. Հոկտեմբերի 21-ին ՎՏԲ-Հայաստան Բանկը և Visa ընկերությունն ամփոփել են «Ամառը ՎՏԲ-ի հետ» մարկետինգային արշավի արդյունքները: Պատահական ընտրանքի մեթոդով իրականացված խաղարկության արդյունքում ՎՏԲ-Հայաստան Բանկի Visa քարտի ակտիվ քարտապանններից մեկը` Գայանե Բաբայանը շահել է դեպի Մալթա երկու անձի համար ուղևորության ուղեգիր: Ակցիայի շրջանակներում խաղարկվել է նաև ՎՏԲ-Հայաստան Բանկի կողմից 100 մրցանակ, այդ թվում, կենցաղային տեխնիկա գնելու 50 հավաստագիր և ՎՏԲ-Հայաստան Բանկի բանկային պրոդուկտների ձևակերպման 50 հավաստագիր, ընդ որում, արտոնյալ պայմաններով` -1% վարկի և +1% ավանդի համար:
Ակցիան անց էր կազվում հուլիսի 20-ից մինչև սեպտեմբերի 30-ը, ՎՏԲ-Հայաստան Բանկի Visa քարտերի քարտապաների միջև: Ակցիային կարող էին մասնակցել ՎՏԲ-Հայաստան Բանկի բոլոր Visa քարտապանները, ինչի համար պարզապես անհրաժեշտ էր ՎՏԲ-Հայաստան Բանկի քարտով ցանկացած գումարի գնումներ կատարել Հայաստանի և նրա սահմաններից դուրս գործող ցանկացած առևտրի կամ սպասարկման կետերում: ՎՏԲ-Հայաստան Բանկի Visa քարտով արված յուրաքանչյուր գնման դիմաց քարտապանները ստանում էին բոնուսային միավորներ գնման գումարից և հնարավորություն` շահելու նվերներ:
Գնումների կամ ծառայությունների համար ՎՏԲ-Հայաստան Բանկի առևտրի և սպասարկման կետերում քարտով վճարած յուրաքանչյուր 1000 ՀՀ դրամի դիմաց Visa քարտապանը ստանում էր 2 բոնուսային միավոր, ՀՀ տարածքում և արտասահմանում այլ բանկերի առևտրի և սպասարկման կետերում քարտով վճարած յուրաքանչյուր 1000 ՀՀ դրամի դիմաց` 1 միավոր: Մեկ գործարքի համար հաճախորդը կարող էր ստանալ ոչ ավել, քան 50 բոնուսային միավոր: Միավորները հաշվարկվել են Հայաստանի տարածքում և նրա սահմաններից դուրս գնված ապրանքների և ծառայությունների դիմաց Visa քարտերի բոլոր վճարներով, բացառությամբ բանկոմատներով իրականացված կոմունալ և այլ վճարներից: Արշավի արդյունքում ՎՏԲ-Հայաստան Բանկի ամենից շատ բոնուսային միավորներ հավաքած 100 հաճախորդներն ավտոմատ կերպով դարձան խաղարկության մասնակիցներ:
«Վաճառքի կետերում Visa քարտերով կատարված գործարքների քանակի ու շրջանառության աճը այն բանի ապացույցն է, որ ՎՏԲ-Հայաստան Բանկի հաճախորդներն ավելի հաճախ են նախընտրում վճարել Visa քարտերով ամենօրյա գնումներ կատարելիս, իսկ բանկի մարքետինգային ակցիաները, որոնք ուղղված են անկանխիկ վճարումների խթանմանը, ճանաչելիության արդյունավետ գործիք են: Մասնավորապես «Ամառը ՎՏԲ-ի հետ» և «Ձմեռը ՎՏԲ-ի հետ» ակցիաները մեկ անգամ չէ, որ ապացուցել են իրենց արդյունավետությունը` դառնալով բանկի հաճախորդների ամռան ու ձմռան մշտական «ուղեկիցը»: Այս տեսակ արշավներն օգնում են արագացնել անցումը կանխիկից անկանխիկ վճարման և հասանելի դարձնել անկանխիկ վճարումները որքան հնարավոր է ավելի շատ մարդկանց համար: Visa-ի` 2014թ. երկրորդ եռամսյակի տվյալներով, 2013թ. նույն ժամանակահատվածի համեմատ առևտրի ցանցում շրջանառության աճը կազմել է 26%, իսկ առևտրի ցանցում շրջանառության և ընդհանուր ծավալի հարաբերակցությունը, ներառած կանխիկ վճարումները, 2014թ. երկրորդ եռամսյակի տվյալներով անցել է 10%: Մի կողմից, այս ցուցանիշները ցույց են տալիս անկանխիկ վճարումների մասնաբաժնի ավելացման դրական դինամիկա, մյուս կողմից` մենք տեսնում ենք, որ շուկան դեռևս առաջարկում է բավականին շատ հնարավորություններ նմանատիպ միջոցառումների հաջող իրականացման համար»,- ասել է Կովկասյան տարածաշրջանի երկրներում Visa տարածաշրջանային մենեջեր Իրինա Կամխաձեն:
«Մարքետինգային արշավն անցկացվում էր ՎՏԲ-Հայաստան Բանկի Visa քարտերով անկանխիկ վճարումների ծավալի խթանման և Visa ժամանակակից վճարային քարտերի գործառնության մասին Հայաստանի սպառողների իրազեկման նպատակով: Ակցիայի արդյունքներն արձանագրեցին վճարումների քանակի ու ծավալի աճ ինչպես առևտրի կետերում, այնպես էլ համացանցում: Բանկի Visa քարտապանները էլ ավելի հաճախ են օգտագործում Visa քարտերը անկանխիկ վճարումների լայն սպեկտրի համար, և օրեցօր քարտերը դառնում են Հայաստանի սպառողների համար վճարում կատարելու սովորական միջոց»,-ասել է «ՎՏԲ Հայաստան Բանկ» ՓԲԸ Գլխավոր տնօրեն-Տնօրինության նախագահ Յուրի Գուսևը:
ՎՏԲ-Հայաստան Բանկի մանրածախ բիզնեսի զարգացման դեպարտամենտի տնօրեն Արտակ Խաչատրյանն էլ իր հերթին է նշել, որ ակցիայի գործելու ընթացքում (2014թ. հուլիսի 20-ից մինչև սեպտեմբերի 30-ը) ՎՏԲ-Հայաստան Բանկի Visa քարտերով անկանխիկ գործարքների քանակն աճել է 50%-ով, այդ թվում` շրջանառությունը Visa քարտերով ավելացել է 66%-ով նախորդ տարվա նույն ժամանակաշրջանի համեմատ: Ակցիայի շրջանակներում ՎՏԲ-Հայաստան Բանկի Visa քարտերով կատարված գործարքների միջին քանակը կազմել է օրական 10 հազար: «Նման ակցիա բանկն անց է կացնում արդեն 5-րդ անգամ: Հաջորդ տարի նախատեսում ենք անցկացնել Visa քարտերով առնվազն 3 նման ակցիա, իսկ հետագայում մտադիր ենք գործարկել օլիմպիական խաղերի հետ կապված քարտային ակցիաներ»,-տեղեկացրել է Ա.Խաչատրյանը: Պատասխանելով ԱրմԻնֆո գործակալության թղթակցի հարցին, նա տեղեկացրել է, որ ներկայուսմ բանկն ունի ավելի քան 350 հազար ակտիվ քարտ, որոնց մեծ մասը Visa քարտեր են, և որոնց քարտապանների թիվը հասնում է 280 հազարի: Բանկի մասնաբաժինը Հայաստանի քարտային շուկայում կազմում է 25%: ներկայումս բանկն ունի 150 բանկոմատ և 180 Pos-տերմինալ:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ակտիվ քարտերի թվով ՎՏԲ-Հայաստան Բանկը հանդիսանում է Հայաստանի բանկային համակարգի առաջատարը, սպասարկելով տեղական ArCa քարտերը, թողարկելով և սպասարկելով միջազգային Visa քարտերը, ինչպես նաև 2013 թվականի վերջից ձեռնամուխ լնելով նաև MasterCard քարտերի թողարկմանը: Կենսաթոշակային քարտերի թվով նույնպես բանկը առաջատարն է շուկայում: Պլաստիկ տրանսակցիաների ծավալներով բանկը հանդիսանում է շուկաի առաջատարը: Բանկն ունի սեփական պրոցեսինգային կենտրոն, որով ապահովում է մրցակցային իր առավելությունները ՀՀ քարտային շուկայում: «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ինչպես նաև VISA International միջազգային վճարային համակարգի լիիրավ անդամ 2003թ.-ից: Բանկի Visa քարտապանների քանակը գերազանցում է 280 հազ., ինչն ապահովում է հայկական շուկայում առաջին տեղը քարտերի թվով: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Նշենք, որ Visa-ն հանդիսանում է գլոբալ վճարային համակարգ, որը աշխարհի ավելի քան 200 երկրների քարտապաններին, առևտրասպասարկման ձեռնարկություններին, ֆինանսական և կառավարական հաստատություններին հնարավորություն է տալիս արագ, ապահով և հուսալի օգտվել էլեկտրոնային վճարումների ցանցից: Էլեկտրոնային վճարումները իրականացվում են VisaNet գլոբալ ինովացիոն պրոցեսինգային համակարգի միջոցով, որը կարող է իրականացնել ավելի քան 20 000 գործարք վայրկյանում, զերծ պահելով սպառողներին խաբեություններից: Visa-ն բանկ չէ, չի թողարկում վճարային քարտեր, չի սահմանում սակագներ և տոկոսադրույքներ սպառողների համար, ինչպես նաև չի տրամադրում վարկեր քարտապաններիրն: Իր հերթին Visa-ի ինովացիոն որոշումները թույլ են տալիս ֆինանսական կազմակերպություններին իրենց հաճախորդներին առաջարկել ֆինանսական գործիքների լայն ընտրանի, այդ թվում դեբետային, կանխավճարային և վարկային քարտային պրոդուկտներ:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%