Ուրբաթ, 24 Հոկտեմբերի 2014 17:23
«Առէկսիմբանկ-Գազպրոմբանկի խումբ» ՓԲԸ-ում 9 ամիսներում S.W.I.F.T. համակարգով իրականացված արժութային փոխանցումների ծավալն ավելացել է 63%-ով:
ԱրմԻնֆո. «Առէկսիմբանկ-Գազպրոմբանկի խումբ» ՓԲԸ-ում 2014 թվականի 9 ամիսների ընթացքում` 2013 թվականի միևնույն ժամանակահատծավի համեմատ, S.W.I.F.T. համակարգով իրականացված արժութային փոխանցումների ծավալն ավելացել է 63%-ով: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, դեպի Հայաստան կատարված փոխանցումներն ավելացել են 35%-ով, իսկ Հայաստանից դուրս` 78%-ով:
Աղբյուրի համաձայն, փոխանցումների գծով առաջատար է մնում Ռուսաստանի Դաշնությունը, երկրորդ տեղը զբաղեցնում է ԱՄՆ-ն և հետո միայն` ՄԱԷ և Չինաստանը:
Հիշեցնենք, որ «Առէկսիմբանկ-Գազպրոմբանկի խումբ» ՓԲԸ-ն իրականացնում է առանց հաշվի բացման միջազգային դրամական փոխանցումներ «MONEYGRAM», «ANELIK», «БЫСТРАЯ ПОЧТА», «UNISTREAM», «AVERS», «INTELEXPRESS», «SIGUE MONEY TRANSFER», «RIA MONEY TRANSFER» համակարգերով, «Գազպրոմբանկ-Էքսպրես» առանց հաշվի բացման անվանական դրամական փոխանցումներ` Ռուսաստանից Հայաստան, ինչպես նաև բանկոմատների միջոցով արագ դրամական փոխանցումներ Ռուսաստանի և Հայաստանի միջև` միևնույն քարտային հաշվին կցված երկու միջազգային քարտերով: Նշենք, որ «Գազպրոմ» ԲԲԸ-ն 207 թվականի նոյեմբերին ձեռք բերեց հայկական Առէկսիմբանկի բաժնետոկսերի 80%-ը, 2008 թվականի հուլիսին այդ մասնաբաժինը դարձրեց 94.15%, իսկ սեպտեմբերին Ռայֆֆայզենբանկից գնեց մնացած 5.85%-ը, դառնալով «Առէկսիմբանկ-Գազպրոմբանկի խումբ» ՓԲԸ բաժնետոմսերի 100%-ի սեփականատերը:
S.W.I.F.T. վճարային համակարգը ֆինանսական հաղորդակցությունների միջազգային առաջատար համակարգ է, որն օպերատիվ և անվտանգ ֆինանսական հաղորդակցություններ է ապահովում ողջ աշխարհով: Համակարգը հիմվել է 1973 թվականին, բելգիական օրենսդրությամբ, 15 երկրների 239 բանկերի կողմից, որի կենտրոնական գրասենյակը գտնվում է Բրյուսելում: Ներկայումս S.W.I.F.T. համակարգի անդամ են հանդիսանում ավելի քան 10 հազար կազմակերպություններ, այդ թվում, մոտ 1 հազար կորպորացիաներ, 6 հազար բանկեր, ինչպես նաև սպասարկման 180 հազար կետեր: S.W.I.F.T. համակարգով օրական անցում է ավելի քան միլիոն տրանսակցիան, միջբանկային վճարներ, արժեթղթեր, ինչպես նաև կատարվում ավելի քան 8 մլն. վճարներ, որոնց ընդհանուր գումարը կազմոմ է ավելի քան 6 տրլն.դոլար: Համակարգն օրական սպասարկում է ավելի քան 1 տրիլիոն դոլարի փոխանցումներ:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները