Հինգշաբթի, 13 Նոյեմբերի 2014 19:57
Արդշինինվեստբանկը վերադարձրել է իր «ավանդական» Արդշինբանկ անվանումը
ԱրմԻնֆո. Արդշինինվեստբանկը վերադարձրել է իր «ավանդական» Արդշինբանկ անվանումը: Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, «Արդշինինվեստբանկ» ՓԲԸ թիվ 83 լիցենզիայի վերաձևակերպման և բանիի վերանվանման մասին որոշումն ընդունվել է ՀՀ ԿԲ Խորհրդի նոյեմբերի 13-ի նիստում:
Հիշեցնենք, որ «Արդշինինվեստբանկ» ՓԲԸ-ն Կենտրոնական բանկի կողմից գրանցվել է 2003 թվականի մարտ-մայիս ամիսներին և նույն տարում ձեռք է բերել Արդշինբանկի ակտիվների և պարտավորությունների առյուծի բաժինը, մասնաճյուղերի (24) հետ միասին, իսկ նոյեմբերին ձեռք է բերել «Ագրոբանկ» ՓԲԸ բիզնեսի հիմնական մասը մասնաճյուղերի (35) հետ միասին: Այդ պահից ի վեր Արդշինինվեստբանկն ունի 55 մասնաճյուղ և հանդիսանում է երկրի խոշորագույն բանկերից մեկը: Բանկը երկրորդ տեղն է զբաղեցնում մասնաճյուղերի ընդհանուր թվով, ինչպես նաև մարզերում ունեցած մասնաճյուղերով (42, այդ թվում 6 –ը` ԼՂՀ-ում), իր ներկայությունն ապահովելով Հայաստանի բոլոր մարզերում և ԼՂՀ-ում: Վերջին տվյալներով բանկի մեծամասնական բաժնետերն է «Բիզնես ներդրումների կենտրոն» ՍՊԸ-ն, որի մասնաբաժինը կազմում է 97.23%: Արդշինինվեստբանկն ավանդաբար գտնվում է Հայաստանի բանկային համակարգի առաջատարներից թվում: Մասնավորապես, հիմնական ցուցանիշներով բանկը գտնվում է առաջատարների եռյակում, մասնավորապես, ընդհանուր կապիտալով, ակտիվներով, վարկային ներդրումներով, համախառն պարտավորություններով, հաճախորդների հանդեպ պարտավորություններով:
Ըստ Արդշինինվեստբանկի (այժմ Արդշինբանկի) տվյալների, 2014 թվականի հոկտեմբերի 1-ին բանբկի ընդհանուր կապիտալը կազմել է 47,1 մլրդ դրամ (2 տեղը շուկայում), ակտիվները կազմել են 273.1 մլրդ դրամ (4 տեղ), հաճախորդներին տրամադրված վարկերը կազմել են 183 մլրդ դրամ (3 տեղ), ընդհանուր պարտավորությունները` 226 մլրդ.դրամ (3 տեղ), իսկ պարտավորությունները հաճախորդների հանդեպ կազմել են 176 մլրդ դրամ (2 տեղ): Տարվա առաջին 9 ամիսներին բանկի զուտ շահույթը կազմել է 4,1 մլրդ դրամ, և այս ցուցանիշով բանկը շուկայում գտնվում է 3 տեղում:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները