Երեքշաբթի, 18 Նոյեմբերի 2014 17:58
Միկրո և փոքր ձեռնարկությունների ֆինանսավորման նպատակով IFC-ն ՖԻՆՔԱ-ԻՆ կտրամադրի 3 մլն.դոլարի ազգային արժույթով վարկ
ԱրմԻնֆո. Համաշխարհային բանկի խմբի անդամ IFC-ն տրամադրում է Հայաստանում գործող առաջատար վարկային կազմակերպությանը` ՖԻՆՔԱ-ին /«ՖԻՆՔԱ» ՈՒՎԿ ՓԲԸ /, 3 միլիոն ԱՄՆ դոլար վարկ՝ ընդլայնելու միկրո և փոքր ձեռնարկություններին տրամադրվող վարկավորման ծավալները, ինչը հնարավորություն է ընձեռում խթանել վերջիններիս գործունեության աճը, ստեղծել նոր աշխատատեղեր և նպաստել տնտեսության զարգացմանը: Համապատասխան պայմանագիրն ստորագրվել է նոյեմբերի 18-ին, ՖԻՆՔԱ գլխավոր տնօրեն Հրաչյա Թոխմախյանի և IFC Եվրոպայի և Կենտրոնական Ասիայի ֆինանսական հաստատությունների խմբի ծրագրերի ղեկավար Մանուել Ռայես Ռեթանայի միջև:
Լրոգրողների հետ զրույցում Հ.Թոխմախյանը տեղեկացրել է, որ վարկը կտրամադրվի հայկական դրամով: «Վարկը թույլ կտա «ՖԻՆՔԱ» ՈՒՎԿ-ին ավելացնել ցածր եկամուտ ունեցող ձեռներեցներին տրամադրվող վարկավորման ծավալները, իսկ հանրապետության բոլոր մարզերում ՖԻՆՔԱ-ի մասնաճյուղերի լայն ցանցը հասանելի կդարձնի վարկավորումը անգամ հեռավոր գյուղական համայնքներին: Բացի այդ, վարկն Ընկերությանը թույլ կտա բարձրացնել իր գործունեությնա արդյունավետությունը, ստեղծել նոր աշխատատեղեր և ներգրավել տնտեսության զարգացմանն, ընդհանրապես»,-նշել է կազմակերպության ղեկավարը:
«Ընկերության առաքելությանը համաձայն` մենք շարունակում ենք մեր աջակցությունը ցուցաբերել միկրո ձեռնարկատերերին, - նշեց «ՖԻՆՔԱ» ՈՒՎԿ ՓԲԸ գլխավոր տնօրեն Հրաչյա Թոխմախյանը՝ հավելելով, - սա IFC-ի երկրորդ վարկն է ՖԻՆՔԱ-ին, որը, ՍԴՄԱ գլխավոր համաձայնագրի հետ միասին, կօգնի մեզ ՀՀ ազգային արժույթով տրամադրվող վարկերի միջոցով բարելավել հազարավոր փոքր ձեռնարկատերերի կենսամակարդակը»:
Նրա խոսքով, IFC-ն և ՖԻՆՔԱ-ն կնքեցին նաև Սվոպերի և դերիվատիվների միջազգային ասոցիացիայի (ՍԴՄԱ) գլխավոր համաձայնագիրը, որը թույլ կտա ՖԻՆՔԱ-ին նվազեցնել արտարժութային ռիսկերն ու աջակցել իր վարկառուներին ավելի արդյունավետ կառավարել իրենց ֆինանսական գործունեությունը, որը հիմնականում իրականացվում է ազգային արժույթով: Այս ՍԴՄԱ համաձայնագիրը առաջինն է Հայաստանում, որը IFC-ն կնքել է ոչ բանկային կազմակերպության հետ: ՀՀ ազգային արժույթով իր առաջին վարկը IFC-ն ՖԻՆՔԱ-ին տրամադրել է 2013թ-ին, որը վերջինիս հնարավություն է տվել վարկավորել ավելի քան 3,000 հաճախորդի, որոնց 40%-ը կազմում են կին ձեռնարկատերերը:
«Վարկավորման հասանելիությունը փոքր ձեռնարկատիրության հիմնական խնդիրներից մեկն է Հայաստանում: ՖԻՆՔԱ ընկերության հետ համագործակցությունը մեր ռազմավարության կարևորագույն տարրերից է, որի նպատակն է` ավելացնել այդ ձեռներեցներին տրամադրվող վարկերի ծավալները»,-նշել է IFC ներկայացուցիչը, հավելելով, որ այս նախաձեռնությունը նոր հնարավորությունյեր կստեղծի մասնավոր հատվածի համար, նպաստելով Հայաստանում կյանքի պայմաների բարելավմանը և աղքատության նվազեցմանը:
Մեկնաբանելով ԱրմԻնֆո գործակալության հարցը, Մ.Ռեթանան տեղեկացրել է, որ ներկայումս IFC ներդրումային պորտֆելը Հայաստանում կազմում է մոտ 125 մլն.դոլար, իսկ իրականացվող ծրագրերի թիվը հասնում է 50-ի: IFC ընդհանուր ներդրումները կազմում են 22 մլրդ.դոլար:
Նշենք, որ ՖԻՆՔԱ ընկերությունը հիմնադրվել է 1999 թվականին ամրիկյան FINCA International Inc ոչ առևտրային կազմակերպության կողմից: Սկզբում գործում էր որպես բարեգործական հիմնադրամ, իսկ 2006 թվականին վերաձևակերպվեց` ՈւՎԿ-ի: Ներկայումս ընկերությունը հանդիսանում է FINCA Microfinance Holding -ի դուստր ընկերությունը: 2014 թվականի նոյեմբերի 1-ի դրությամբ ՖԻՆՔԱ ՓԲԸ վարկային պորտֆելը կազմում է 61.7 մլն.դոլար, իսկ ընկերության հաճախորդների բազան հասնում է 56 հազարի:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%