Երեքշաբթի, 4 Նոյեմբերի 2014 18:26
Առևտրի և Զարգացման Սևծովյան Բանկը (ԱԶՍԲ) 10 մլն ԱՄՆ դոլարի վարկ է հատկացրել Արդշինինվեստբանկին՝ փոքր և միջին բիզնեսի վարկավորման համար:
ԱրմԻնֆո. Առևտրի և Զարգացման Սևծովյան Բանկը (ԱԶՍԲ) 10 մլն ԱՄՆ դոլարի վարկ է հատկացրել Արդշինինվեստբանկին՝ փոքր և միջին բիզնեսի վարկավորման համար: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, սա ԱԶՄԲ-ից ստացված երկրորդ վարկն է, մասնավորապես, 8 մլն.դոլար գումարով առաջին վարկը տրամադրվել էր 2012 թվականին, հիփոթեքային վարկավորման նպատակով:
«Սա արդեն երկրորդ վարկային պայմանագիրն է՝ կնքված ԱԶՍԲ-ի և մեր բանկի միջև, ինչը վկայում է փոխադարձ վստահության մասին: Արդշինինվեստբանկը շարունակելու է կյանքի կոչել Հայաստանում ՓՄԶ-ների զարգացմանն ուղղված իր ռազմավարությունը՝ մրցակցային պայմաններով երկարաժամկետ վարկեր հատկացնելով», - ասել է Արդշինինվեստբանկի վարչության նախագահ Մհեր Գրիգորյանը:
«Աջակցությունը ՓՄԶ-ներին բանկի ռազմավարական առաջնահերթությունն է Հայաստանում, և Արդշինինվեստբանկին հատկացվող վարկային միջոցները թույլ կտան բարելավել փոքր և միջին ձեռնարկությունների մրցունակությունը ներկայիս պայմաններում, երբ առկա է ֆինանսական միջոցների հասանելիության խնդիրը»,-հայտարարել է ԱԶՍԲ նախագահ Իխսան Ուգուր Դիլիկանլին համաձայնագրի ստորագրման ժամանակ:
Այսպիսով, ԱԶՄԲ կողմից Արդշինբանկի ֆինանսավորման ընդհանուր ծավալը կկազմի 18 մլն.դոլար: Ի դեպ 1999 թվականից ի վեր, իր գործունեության սկզբից, Սևծովյան բանկը Հայաստանին ընդհանուր հաշվով հատկացրել է 120 մլն.եվրո, հիմնականում փոքր և միջին ձեռնարկատիրության զարգացման նպատակով:
Նշենք, որ ԱԶՄԲ հիմնադիրներն են Ալբանիան, Հայաստանը, Ադրբեջանը, Բուլղարիան, Վրաստանը, Հունաստանը, Մոլդովան, Ռումինիան, Ռուսաստանը, Թուրքիան և Ուկրաինան: Բանկի գլխամասային գրասենյակը գտնվում է Սալոնիկում (Հունաստան): Սևծովյան բանկն օժանդակում է տնտեսական զարգացմանը և տարածաշրջանային համագործակցությանը, վարկեր, վարկային գծեր և երաշխիքներ տրամադրելով անդամ երկրների պետական և մասնավոր հատվածի ընկերությունների առևտրի ֆինանսավորման նախագծերին: Բանկի կանոնադրական կապիտալը կազմում է 3,45 միլիարդ եվրո:
Հիշեցնենք, որ «Արդշինինվեստբանկ» ՓԲԸ-ն գրանցվել է Կենտրոնական բանկի կողմի 2003 թվականի մարտին-մայիսին և նույն տարում ձեռք է բերել «Արդշինբանկ» ՓԲԸ (24 մասնաճյուղերով) և «Ագրոբանկ» ՓԲԸ (35 մասնաճյուղերով) ակտիվների և պարտավորությունների առյուծի բաժինը: Այդ պահից մինչ օրս բանկի մասնաճյուղերի ցանցն ամենախոշորներից մեկն է երկրում, որը կազմված է 55 մասնաճյուղերից (2 տեղ), ապահոեվելով իր ներկայությունը Հայաստանի բոլոր մարզերում և ԼՂՀ-ում: Ըսդտ վերջին տվյալների, բանկի մեծամասնությունը բաժնետերն է «Բիզնես ներդրումների կենտրոն» ՍՊԸ-ն, 97.23% մասնաբաժնով: Իր հիօմնական ցուցանիշներով Արդշնինվեստբանկն ավանդաբար գտնվում է Հայաստանի առաջատար բանկերի շարքում: Մասնավորապես, ընդհանուր կապիտալով գտնվում է առաջատարների եռյակում, ակտիվներով, վարկային ներդրումներով, ընդհանուր պարտավորություններով, հաճախորդների հանդեպ պարտավորություններով Արդշինինվեստբանկը հանդիսանում է ՓՄՁ ոլորտի վարկավորման առաջատար բանկերից մեկը, այդ ոլորտում կենտրոնացնելով իր վարկային պորտֆելի մոտ 20%-ը:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%