Երեքշաբթի, 11 Նոյեմբերի 2014 17:56

Հայաստանի ՓՄՁ ոլորտը ֆինանսավորելու նպատակով ԵԱԶԲ-ն Արդշինինվեստբանկին կտրամադրի 10 մլն.դոլարի վարկ

ԱրմԻնֆո. Եվրասիական զարգացման բանկը (ԵԱԶԲ) այսօր «Արդշինինվեստբանկ» ՓԲԸ-ի հետ վարկային պայմանագիր է կնքել, որի շրջանակներում հայկական բանկին 5 տարի ժամկետով կտրամադրի $10 մլն փոքր և միջին բիզնեսի ներկայացուցիչներին ֆինանսավորելու նպատակով: Փաստաթուղթն ստորագրել են ԵԱԶԲ Վարչության նախագահի տեղակալ Դմիտրի Կրասիլնիկովը և «Արդշինինվեստբանկ» ՓԲԸ վարչության նախագահ Մհեր Գրիգորյանը:

Ինչպես հայտնեցին Եվրասիական զարգացման բանկի մամուլի ծառայությունից, Արդշինինվեստբանկը կկարողանա ինքնուրույն ընտրել իր հաճախորդներին, որոնք պետք է համապատասխանեն ԵԱԶԲ-ի հետ համաձայնեցված պահանջներին, նրանց նպատակային վարկեր տրամադրելու եւ փոքր ու միջին բիզնեսը զարգացնելու համար: Նախագծի իրականացումը կսատարի փոքր եւ միջին բիզնեսի կայուն զարգացման համար բարենպաստ պայմանների ստեղծմանը եւ զարգացմանը, մրցակցային միջավայրի զարգացմանը եւ ՓՄՁ-ների մրցունակության բարձրացմանը թե ներքին, թե արտաքին շուկաներում:

Նախագիծն իրականացվում է ԵԱԶԲ-ի կողմից ֆինանսական ինստիտուտներին վարկային գծերի տրամադրման ճանապարհով ՓՄՁ-ների աջակցության եւ զարգացման ծրագրի շրջանակներում:

«Փոքր և միջին ձեռնարկությունների զարգացումն ընդհանուր տնտեսության զարգացման կարևորագույն պայմանն է, և մենք համոզված ենք, որ տվյալ նախագիծը դրական ազդեցություն կունենա այս գործընթացի վրա: Բացի այդ, 2013-2017 թթ. բանկի ռազմավարությանը համաձայն, ՓՄՁ-ների հետագա վարկավորման նպատակով բանկային սեկտորի ֆինանսավորումը Հայաստանում Բանկի գործունեության առաջնային ուղղություններից է», - ասել է Եվրասիական զարգացման բանկի Վարչության նախագահի տեղակալ Դմիտրի Կրասիլնիկովը:

«Ես բարձր եմ գնահատում այն փաստը, որ ԵԱԶԲ-ի կողմից տրամադրված միջոցները կօժանդակեն Հայաստանի մասնավոր հատվածի զարգացմանը՝ փոքր և միջին ձեռնարկություններին երկարատեւ վարկեր ստանալու համար ավելի լայն հնարավորություններ ընթեռնելու շնորհիվ: Այսօր ԵԱԶԲ-ն իր ուժերն է միավորում ֆինանսական խոշորագույն կազմակերպություններից մեկի հետ, որը լավ դիրքեր է զբաղեցնում տեղական շուկայում և սպասարկում է այդ թվում փոքր, միկրո ու միջին բիզնեսի հաճախորդներին: Այս պայմանագրի ստորագրումը լավ սկիզբ է ԵԱԶԲ-ի և Արդշինինվեստբանկի համագործակցության համար, որը, անկասկած, ամրապնդվելու և լայնանալու միտումներ է ունենալու», - ասաց «Արդշինինվեստբանկ» ՓԲԸ վարչության նախագահ Մհեր Գրիգորյանը:

ԵԱԶԲ-ն միջազգային ֆինանսական կազմակերպություն է, որն ստեղծվել է 2006 թվականին, անդամ երկրների` Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի շուկայական տնտեսությունները զարգացնելու նպատակով: Բանկի կանոնադրական կապիտալը կազմում է ավելի քան 1.5 մլրդ.դոլար:

Հիշեցնենք, որ Արդշինինվեստբանկը հիմնվել է 2002 թվականին և հանդիսանում է Հայաստանի խոշորագույն բանկերից մեկը: Բանկն ունի 55 մասնաճյուղ (2 տեղ), որից 42-ը գտնվում է մարզերում, իսկ 6-ը` ԼՂՀ-ում: Արդշինինվեստբանկի մեծամասնական բաժնետերն է «Բիզնես ներդրումների կենտրոն» ՍՊԸ-ն, որի մասնակցությունը բանկի կապիտալում կազմում է 97.23%: Բանկն իր ընդհանուր կապիտալով, ակտիվներով, վարկային ներդրումներով և ընդհանուր պարտավորություններով գտնվում է գտնվում է Հայաստանի առաջատար բանկերի եռյակում: Բանկը հանդիսանում է ՓՄՁ ոլորտի վարկավորման շոկայի ամենաակտիվ մասնակիցներից մեկը, այդ ոլորտոմ կենտրոնացնելով վարկային պորտֆելի մոտ 20%-ը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի ՓՄՁ ոլորտը ֆինանսավորելու նպատակով ԵԱԶԲ-ն Արդշինինվեստբանկին կտրամադրի 10 մլն.դոլարի վարկ