Երեքշաբթի, 2 Դեկտեմբերի 2014 19:40

Անելիք Բանկի ավանդային ընդհանուր պորտֆելը մեկ տարում աճել է 50%

ԱրմԻնֆո. Այս տարվա երրորդ եռամսյակի տվյալներով, Անելիք Բանկի ավանդային պորտֆելը, նախորդ տարվա նույն ժամանակահատվածի համեմատությամբ ավելացել է մոտ 50 տոկոսով` կազմելով շուրջ 39 մլրդ ՀՀ դրամ: Ինչպես ԱրմԻնֆո գործակալությանը տեղեկացվել է Անելիք Բանկի մամուլի ծառայությունից, տվյալ ցուցանիշը պայմանավորված է հիմնականում ֆիզիկական անձանցից ներգրաված ժամկետային ավանդային պորտֆելով, որտեղ բացի գումարայինից գրանցվել է նաև ներդրված ավանդների քանակի աճ:

«Ավանդային պորտֆելի զգալի աճը, որտեղ իր մեծ մասնաբաժինն ունեն հատկապես ֆիզիկական անձանցից ներգրաված ավանդները, վկայում է մեր Բանկի հանդեպ տարեցտարի ավելացող վստահության մասին: Վստահությունն Անելիք Բանկի նկատմամբ պայմանավորված է Բանկի շուրջ քառորդդարյա գործունեությամբ, հաճախորդների նկատմամբ ցուցաբերվող անհատական մոտեցմամբ և, իհարկե, սպասարկման պատշաճ մակարդակով: Այս ցուցանիշի գրանցմանը նպաստել են նաև ամռանը ներդրված «Ամառային» ավանդատեսակը, ինչպես նաև դեպի Հուրգադա 2 անձի համար նախատեսված 2 ուղեգրերի խաղարկության ակցիան»,-ասել է «Անելիք Բանկ» ՓԲԸ Հասարակության հետ կապերի պատասխանատու Աստղիկ Մարտիրոսյանը, ավելացնելով, որ երրորդ եռամսյակում գրանցվել է նաև ֆիզիկական անձ ավանդատուների թվի ավելի քան 22% աճ:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2014 թվականի հոկտեմբերի 1-ին Անելիք բանկը ժամկետային ավանդների եռամսյակային և տարեկան աճի տեմպերով հայտնվել է համակարգի առաջատարների շարքում, ընդհուպ մոտենալով առաջատարների տասնյակին:

Նշենք, որ Անելիք Բանկի միակ սեփականատերն է լիբանանյան Credit Bank S.A.L. բանկը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Անելիք Բանկի ավանդային ընդհանուր պորտֆելը մեկ տարում աճել է 50%