Երկուշաբթի, 1 Դեկտեմբերի 2014 15:30
Անելիք Բանկը ներդնում է նոր վարկատեսակ ավտոսեփականատերերի համար
ԱրմԻնֆո. Անելիք Բանկը շարունակում է ներդնել նոր բանկային պրոդուկտներ, որոնք առավելագույնս հարմարեցված են մեր հաճախորդների պահանջմունքներին: Ինչպես ԱրմԻնֆո գործակալությանը տեղեկացվել է Անելիք Բանկի մամուլի ծառայությունից, մշակվել և ներդրվել է նոր վարկատեսակ, որը կայուն եկամուտ ունեցող ավտոսեփականատերերին հնարավորություն է տալիս մեքենայի գրավադրմամբ ստանալ վարկ մինչև 7 մլն ՀՀ դրամի կամ մինչև 50 հազար ԱՄՆ դոլարի չափով: Տվյալ վարկատեսակի վարկ/գրավ առավելագույն հարաբերակցությունը, կախված մեքենայի տեսակից, կազմում է 80%, իսկ տարեկան տոկոսադրույքը` սկսած 16%-ից:
«Այս վարկատեսակի առավելություններից կնշեմ տրամադրվող գումարի չափը, որը կարող է հասնել մինչև 50 հազար ԱՄՆ դոլարի, ինչպես նաև սահմանված ցածր տոկոսադրույքը: Այս պրոդուկտը մեր «ՊԱՐԶ-ԱՐԱԳ ԱՎՏՈ» վարկատեսակից տարբերվում է վարկառուի եկամուտների հիմնավորման անհրաժեշտությամբ: Այնպես որ, այն հաճախորդներն, ովքեր չունեն եկամուտները հիմնավորող փաստաթղթեր, կարող են օգտվել մեր Բանկի «ՊԱՐԶ-ԱՐԱԳ ԱՎՏՈ» վարկատեսակից»,-ասել է «Անելիք Բանկ» ՓԲԸ Հասարակության հետ կապերի պատասխանատու Աստղիկ Մարտիրոսյանը:
Ըստ ՍրմԻնֆո գործակալության` Հայաստանի Բանկերի Ֆինանսական Վարկանիշի, 2014 թվականի հոկտեմբերի 1-ի դրությամբ Անելիք Բանկն առաջին տեղն է զբաղեցնում մանրածախ վարկային պորտֆելի տարեկան աճով, որը կազմել է 64.6%, իսկ միայն 2014-ի հունվար-սեպտեմբերին` 47.4%, ինչը բանկին թոըյլ է տվել ընդհուպ մոտենալ առաջատարների տասնյակին: Անելի Բանկի կողմից մատչելի ու պահանջված մանրածախ պրոդուկտների ագրեսիվ և մտածված ներդրման շնորհիվ հոկտեմբերի 1-ին բանկի սպառողական վարկերի պորտֆելի ծավալն ավելացավ 20 մլրդ դրամով (մոտ 50 մլն դոլար, կամ վարկային պորտֆելի 36%), տարվա առաջին 9 ամիսներին աճելով 42%, ինչը բանկին թույլ տվեց ամրապնդվել առաջատարների տասնյակում: Մասնավորապես, ավտովարկավորնաբ պորտֆելը տարեսկզբից աճել է գրեթե 20%, անցնելով 2 մլրդ դրամից (մոտ 6 մլն դոլար): Բանկի ընդհանուր վարկային պորտֆելը տարեկան կտրվածքով աճել է 50.2%, անցնելով 51 մլրդ դրամից, կազմելով ակտիվների մոտ 70% -ը:
Նշենք, որ Անելիք Բանկի միանձնյա սեփականատերն է լիբանանյան Credit Bank- S.A.l., բանկը, որը 2013-ի 4-րդ եռամսյակում իր մասնաբաժինը 89,95%-ից հասցրեց 100%-ի:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները