Ուրբաթ, 12 Դեկտեմբերի 2014 16:29

ՀՀ ԿԲ ամենօրյա միջամտությունների ընթացքում այս շաբաթ արդեն վաճառել է 30 մլն. դոլար, միայն մի փոքր դանդաղեցնելով դրամի արժեզրկման տեմպերը

ԱրմԻնֆո. ՀՀ Կենտրոնական բանկն արժույթի շուկայում իրականացրած ամենօրյա միջամտությունների ընթացքում այս շաբաթ (դեկտեմբերի 8-12-ը) մասնակից-բանկերին արդեն վաճառել է 30 մլն.դոլար` օրական 6 մլն. դոլար: Ինչպես ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից, միջին կշռված (ինդիկատիվ) փոխարժեքն այդ ժամանակահատվածում 456,63 դրամից բարձրացել է մինչև 470,22 դրամ/դոլար, իսկ նվազագույն սահմանը` 455 դրամից մինչև 469,76 դրամ/դոլար:

Ըստ ՀՀ ԿԲ դեկտեմբերի 8-ի հայտարարության, արժույթի շուկայում հավասարակշռությունը վերականգնելու և արժույթի տատանումները մեղմելու համար մեգառեգուլյատորը մտադիր է մինչև տարեվերջ կատարել ամենօրյա միջամտություններ: Վաճառվող արժույթի առավելագույն ծավալի հայտարարման իրականացվող քաղաքականությունը թույլ կտա նորմալացնել Հայաստանի արժույթի շուկայում ստեղծված իրավիճակը: Իր ամենօրյա ներդրումների մասշտաբները Կենտրոնական բանկը փուլերով կնվազեցնի, մինչև որ հասնի դրամի հավասարակշռված փոխարժեքին: Ի դեպ, առաջին շաբաթվա ընթացքում (դեկտեմբերի 8-12-ը) ամօրյա միջամտությունների ծավալը կազմել է 6 մլն.դոլար:

ՀՀ ԿԲ ղեկավար Արթուր Ջավադյանն օրերս հաղորդել էր, որ ԿԲ մտադիր չէ փոխել իր դիրքորոշումը և կհետևի ազատ լողացող փոխարժեքի քաղաքականությանը, որի շրջանակներում, անհրաժեշտության դեպքում, շուկայում կիրականացվեն արժութային միջամտություններ: Նրա ակնկալիքով, ԿԲ-ի այդ քայլը զգալիորեն կմեղմի փոխարժեքի տատանումները, հավասարակշռելով այն կայուն մակարդակում:

Ըստ վերջին տվյալների, դեկտեմբերի 12-ին Հայաստանի արժույթի մանրածախ շուկայում ՀՀ դրամի արժեզրկումն ԱՄՆ դոլարի նկատմամբ շարունակվում է, բայց համեմատաբար դանդաղ տեմպերով` ԿԲ ամենօրյա միջամտությունների շնորհիվ: Այսպես, հոկտեմբերից մինչև օրս դրամն արժեզրկվել է ավելի քան 15%: Տվյալ պահին փոխանակման կետերում դոլարի առքուվաճառքի փոխարժեքը կազմում է 464/469 դրամ/$1, եվրոն` 571/588 դրամ/1 եվրո, ռուսական ռուբլին` 8,1/8.75 դրամ/1ռուբլի: Օպտիմալ փոխարժեքը Հայաստանի բանկերում սահմանվել է` ԱՄՆ 1 դոլարի առքի առավելագույն գինը կազմել է 464 դրամ 1 դոլարի դիմաց, եվրոյի առքի առավելագույն գինը` 576 դրամ 1 եվրոյի դիմաց, իսկ ռուսական ռուբլու առքի գինը` 8,16 դրամ 1 ռուբլու դիմաց: ԱՄՆ դոլարի վաճառքի նվազագույն գինը կազմել է 467 դրամ 1 դոլարի դիմաց, եվրոյի վաճառքի գինը կազմել է 582 դրամ 1 եվրոյի դիմաց, իսկ ռուսական ռուբլու վաճառքի գինը` 8.42 դրամ 1 ռուբլու դիմաց: NASDAQ OMX Armenia ֆոնդային բորսայում հունիսից մինչև դեկտեմբերի 12-ը ներառյալ իրականացվել է $396.5 մլն գումարի արժութային գործարք, իսկ փոխարժեքը բարձրացել է 407,14-ից մինչև 461 դրամ/$1: Ընդ որում, դեկտեմբերի 1-ից հետո բորսայում արտարժույթով գործարքներ գրեթե չեն իրականացվել: Բորսայական գործարքների այդ ծավալից շուրջ $117 մլն բաժին է ընկել միայն նոյեմբերին: Անցած շաբաթ (դեկտեմբերի 1-5) արժութային գործարքների միջբանկային շուկան գրանցեց աննախադեպ մաքսիմում`$59.3 մլն, ձևավորելով փոխարժեքը 442,42 դրամ/$1 մակարդակում, ինչի հետևանքով բորսան, շաբաթն սկսելով $3.5 մլն ծավալով (դեկտեմբերի 1), մինչ օրս դատարկ է:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ ամենօրյա միջամտությունների ընթացքում այս շաբաթ արդեն վաճառել է 30 մլն. դոլար, միայն մի փոքր դանդաղեցնելով դրամի արժեզրկման տեմպերը