Երկուշաբթի, 15 Դեկտեմբերի 2014 17:39
ՀՀ ԿԲ դեկտեմբերի 15-ից սկսեց նվազեցնել ամենօրյա միջամտույթունների ծավալներն արժույթի միջբանկային շուկայում, դրամի հետագա արժեզրկման պայմաներում
ԱրմԻնֆո. ՀՀ Կենտրոնական բանկը դեկտեմբերի 15-ից սկսեց նվազեցնել ամենօրյա միջամտույթունների ծավալներն արժույթի միջբանկային շուկայում, դրամի հետագա արժեզրկման պայմաներում, մասնակից-բանկերին վաճառելով 4 մլն.դոլար, 494.46 դրամ/դոլար միջին փոխարժեքով, իսկ նվազագույն սահմանային փոխարժեքը կազմել է 493 դրամ/դոլար:
Ամենօրյա միջամտությունների արդյունքում ԿԲ արժույթի շուկայում դեկտեմբերի 8-ից 15-ը մասնակից-բանկերին ընդհանուր հաշվով վաճառել է 34 մլն.դոլար: Ինչպես ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից, միջին կշռված (ինդիկատիվ) փոխարժեքն այդ ժամաակահատվածում փոփոխվել է, 456.63 դրամից հասնելով 494.46 դրամ/դոլարի, իսկ ներքին սահմանային փոխարժեքը` 455 դրամից մինչև 493 դրամ/դոլար:
Հայաստանի մանրածախ արժույթի շուկայում դեկտեմբերի 15-ին դրամի միջին փոխարժեքը ԱՄՆ դոլարի նկատմամբ կազմել է 480 դրամ/դոլար, իսկ եվրոյի փոխարժեքը` 604 դրամ/եվրո, 17:00 դրույթյամբ համապատասխանաբար հասնել%ով 491 դրամի և 611 դրամի:
Ըստ ՀՀ ԿԲ դեկտեմբերի 8-ի հայտարարության, արժույթի շուկայում հավասարակշռությունը վերականգնելու և արժույթի տատանումները մեղմելու համար մեգառեգուլյատորը մտադիր է մինչև տարեվերջ կատարել ամենօրյա միջամտություններ: Վաճառվող արժույթի առավելագույն ծավալի հայտարարման իրականացվող քաղաքականությունը թույլ կտա նորմալացնել Հայաստանի արժույթի շուկայում ստեղծված իրավիճակը: Իր ամենօրյա ներդրումների մասշտաբները Կենտրոնական բանկը փուլերով կնվազեցնի, մինչև որ հասնի դրամի հավասարակշռված փոխարժեքին: Դրա նպատակը դրամի փոխարժեքի ձևավորման վրա ՀՀ ԿԲ ազդեցության նվազեցումն է:
ՀՀ ԿԲ ղեկավար Արթուր Ջավադյանն օրերս հաղորդել էր, որ ԿԲ մտադիր չէ փոխել իր դիրքորոշումը և կհետևի ազատ լողացող փոխարժեքի քաղաքականությանը, որի շրջանակներում, անհրաժեշտության դեպքում, շուկայում կիրականացվեն արժութային միջամտություններ: Նրա ակնկալիքով, ԿԲ-ի այդ քայլը զգալիորեն կմեղմի փոխարժեքի տատանումները, հավասարակշռելով այն կայուն մակարդակում: ԿԲ ղեկավարը նշել է ազգային արժույթի արժեզրկման վրա ազդող գործոնները: «Համաշխարհային տնտեսության զարգացման տեմպերը, ԱՄՆ տնտեսական աճի համատեքստում, բերեցին զարգացած և զարգացող երկրների ազգային արժույթների արժեզրկմանը: ԱՄՆ տնտեսական աճի վերականգնմանը զուգահեռ, վերջին կես տարում ԴՊՀ-ն դադարեցրեց քանակակական ընդլայման քաղաքականությունը, որի միջոցով ամեն ամիս իրականացնում էր 85 մլն.դոլարի իրացվելիության ներարկումներ` պետպարտատոմսերի գնման միջոցով: Վերջինը ԱՄՆ-ում առաջ բերեց տոկոսադրույքների բարձրացման և զարգացած երկրներից դեպի ԱՄՆ կապիտալի արտահոսքի հետ կապված սպասումներ: Արդյունքում, զարգացած երկրները գրանցեցին տնտեսական աճի դանդաղում և ազգային արժույթների արժեզրկում»: Նա նաև հավելել է, որ այդ ազդեցությունը ԱՊՀ երկրներում խորացավ տարածաշրջանային աշխարհաքաղաքական պրոբլեմներով և նավթի գների էժանացումով: Այդ գործոնները բերեցին ՌԴ տնտեսական աճի կտրուկ անկմանը և ռուբլու արժեզրկմանը, ինչն ավելի խորացրեց ԱՊՀ երկրների վրա ճնշումները` արտահանման ծավալների և դրամական փոխանցումների առումով, կապված դոլարի ներհոսքի կրճատման հետ:
Հիշեցնենք, որ ՀՀ ԿԲ ղեկավար Արթուր Ջավադյանն ավելի վաղ հաղորդել էր, որ ԿԲ մտադիր չէ փոխել իր դիրքորոշումը և կհետևի ազատ լողացող փոխարժեքի քաղաքականությանը, որի շրջանակներում, անհրաժեշտության դեպքում, շուկայում կիրականացվեն արժութային միջամտություններ: Սակայն, արժութային շուկայում հավասարակշռությունը վերականգնելու համար, ինչին ձգտում է ԿԲ-ն, անհաժեշտ են ոչ միայն ամենօրյա, այլ նաև ավելի լուրջ ծավալների միջամտություններ:
Ըստ վերջին տվյալների, դեկտեմբերի 15-ին Հայաստանի արժույթի մանրածախ շուկայում ՀՀ դրամի արժեզրկումը ԱՄՆ դոլարի նկատմամբ շարունակվում է, չնայած ԿԲ իրականացված միջամտույթուններին: Այսպես, հոկտեմբերից մինչ օրս դրամն արժեզրկվել է ավելի քան 20%: Տվյալ պահին փոխանակման կետերում դոլարի առքուվաճառքի փոխարժեքը կազմում է 487/463 դրամ/$1, եվրոն` 597/625 դրամ/1 եվրո, ռուսական ռուբլին` 8,15/8.75 դրամ/1ռուբլի: Օպտիմալ փոխարժեքը Հայաստանի բանկերում սահմանվել է` ԱՄՆ 1 դոլարի առքի առավելագույն գինը կազմել է 480 դրամ 1 դոլարի դիմաց, եվրոյի առքի առավելագույն գինը` 600 դրամ 1 եվրոյի դիմաց, իսկ ռուսական ռուբլու առքի գինը` 8,1 դրամ 1 ռուբլու դիմաց, իսկ ռուսական ռուբլու վաճառքի նվազագույն գինը կազմել է 8.54 դրամ: NASDAQ OMX Armenia ֆոնդային բորսայում հունիսից մինչև դեկտեմբերի 15-ը ներառյալ իրականացվել է 396.5 մլն դոլարի արժութային գործարք, իսկ փոխարժեքը բարձրացել է` 407,14-ից մինչև 461 դրամ/$1: Ընդ որում, դեկտեմբերի 1-ից հետո բորսայում արտարժույթով գործարքներ չեն իրականացվել (միայն դեկտեմբերի 10-ին` 100 հազ.դոլար): Բորսայական գործարքների այդ ծավալից շուրջ $117 մլն բաժին է ընկել միայն նոյեմբերին: Անցած շաբաթ (դեկտեմբերի 1-5) արժութային գործարքների միջբանկային շուկան գրանցեց աննախադեպ մաքսիմում`$59.3 մլն, ձևավորելով փոխարժեքը 442,42 դրամ/$1 մակարդակում, ինչի հետևանքով բորսան դեկտեմբերի 1-15-ը միայն 2 անգամ է իր մասին հայտարարել` դեկտեմբերի 1-ին – 3.5 մլն.դոլար և դեկտեմբերի 10-ին – 100 հազ.դոլար, իսկ մնացած օրերին եղել է դատարկ:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները