Ուրբաթ, 19 Դեկտեմբերի 2014 19:01
Հայաստանի արտարժույթի միջբանկային շուկայում Կենտրոնական բանկի միջամտությունն արդեն երկու օր անընդմեջ մնում է անպատասխան
ԱրմԻնֆո. Հայաստանի արտարժույթի միջբանկային շուկայում Կենտրոնական բանկի միջամտությունն արդեն երկու օր անընդմեջ մնում է անպատասխան: Դեկտեմբերի 19-ին ԿԲ-ն իր ամենօրյա միջամտությունների ընթացքում արտարժույթի միջբանկային շուկա է «նետել» 4 մլն.դոլար, բայց շուկայի մասնակից-բանկերի շարքում կրկին գնորդ չի գտնվել: Դրա զուգահեռ, բորսայում օրվա ընթացքում իրականացվել է 450 հազար դոլարի արտարժութային գործարք, 442.44 դրամ/դոլար ինդիկատիվ փոխարժեքով, երբ առաջարկի փոխարժեքը կազմել է 449.98 դրամ/դոլար: Դեկտեմբերի 8-ից է վեր սա ԿԲ-ի արդեն երկրորդ միջամտությունն է, որը բանկերի կողմից մնում է անպատասխան:
Նշենք, որ հոկտեմբերից մինչև դեկտեմբերի 17-ը Հայաստանի մանրածախ արժույթի շուկայում ՀՀ դրամի արժեզրկումն ԱՄՆ դոլարի նկատմամբ կազմել է մոտ 45%, որից հետո, դեկտեմբերի 18-ին ամրապնդվեց 18% մակարդակում: ծ
Դեկտեմբերի 8-ից մինչև դեկտեմբերի 17-ը, երբ ԿԲ ձեռնամուխ եղավ ամենօրյա միջամտությունների իրականացմանն արտարժույթի միջբանկային շուկայում, բանկերի ընդհանուր առմամբ վաճառվել է 42 մլն.դոլար, դեկտեմբերի 8-12-ը` օրական 6 մլն.դոլար, իսկ դեկտեմբերի 15-17-ը` օրական 4 մլն.դոլար: Ինչպես ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից, միջին կշռված (ինդիկատիվ) փոխարժեքն այդ ժամանակահատվածում 456.63 դրամից փոխվել է մինչև 570.58 դրամ/դոլար, իսկ ներքին սահմանային փոխարժեքը 455 դրամից մինչև 567.65 դրամ/դոլար:
Հայաստանի արժույթի մասնրածախ շուկայում դեկտեմբերի 18-19-ը դրամը դոլարի նկատմամբ արժեվորվել է 25%, մասնավորապես, դեկտեմբերի 19-ին ժամը 17:00 դրությամբ դոլարի փոխարժեքը կազմել է 455 դրամ/դոլար, եվրոն` 555 դրամ/1 եվրո, ռուսական ռուբլին` 7.6 դրամ/1ռուբլի, դեկտեմբերի 17-ին արձանագրված, համապատասխանաբար` 570 դրամ/դոլար, 712 դրամ/եվրո և 8.6 դրամ/ռուբլի փոխարժեքների համեմատ: Բանկերի օպտիմալ փոխարժեքը դեկտեմբերի 19-ին կազմել է. դոլարի առավելագույն առքը` 465 դրամ/դոլար, նվազագույն վաճառքը` 480 դրամ/դոլար, եվրոյի առավելագույն առքը` 577 դրամ/եվրո, նվազագույն վաճառքը` 595 դրամ/եվրո, ռուբլունը` առավելագույն առքը` 7.63 դրամ/ռուբլի, նվազագույն վաճառքը` 7.94 դրամ/ռուբլի:
Ամենօրյա միջամտություններն արտարժույթի շուկայում ԿԲ կողմից իրականացվում է դեկտեմբերի 8-ից, շուկայի հավասարակշռությունը վերականգնելու և արժութային տատանումները մեղմելու նպատակով: ԿԲ կողմից նախատեսված ամենօրյա միջամտությունների ծավալներն աստիճանաբար կնվազեն, մինչև դրամի հավասարակշռված փոխարժեքի ձևավորումը: Մասնավորապես, առաջին շաբաթվա ընթացքում (դեկտեմբերի 8-12-ը) ամենօրյա միջամտույթուններն արժույթի շուկայում կազմել են օրական 6 մլն.դոլար, որից հետո, կախված պահանջարկից, աստիճանաբար տեղի կունենա միջամտությունների ծավալների նվազեցում, տարեվերջին այն հասցնելով զրոյի:
Նշենք, որ հոկտեմբերից մինչև դեկտեմբերի 17-ը Հայաստանի մանրածախ արժույթի շուկայում ՀՀ դրամի արժեզրկումն ԱՄՆ դոլարի նկատմամբ կազմել է մոտ 45%, որից հետո, դեկտեմբերի 18-19-ը ամրապնդվել է 25% մակարդակում: Տվյալ պահին, դեկտեմբերի 19-ին (17:00) փոխանակման կետերում դոլարի առքուվաճառքի փոխարժեքը կազմում է 430/480 դրամ/դոլար, եվրոն` 510/600 դրամ/1 եվրո, ռուսական ռուբլին` 6.95/8.28 դրամ/1ռուբլի: NASDAQ OMX Armenia ֆոնդային բորսայում դեկտեմբերի 19-ին կատարված գործարքների ծավալը կազմել է 397.150 մլն.դոլար, 407.14 դրամ/դոլարից ցատկելով մինչև 560 դրամ/դոլար, իսկ հետագայում իջնելով մինչև 442.44 դրամ/դոլար փոխարժեքին: Նշված ծավալներից 117 մլն.դոլարը բաժին է ընկել միայն նոյեմբերին: Անցած շաբաթ (դեկտեմբերի 1-5) արժութային գործարքների միջբանկային շուկան գրանցեց աննախադեպ մաքսիմում`$59.3 մլն:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%