Երեքշաբթի, 16 Դեկտեմբերի 2014 17:49
ՎՏԲ-Հայաստան Բանկը MasterCard միջազգային վճարային համակարգի հետ համատեղ հայտարարում է ակցիա բանկի թողարկած MasterCard քարտերի քարտապանների համար
ԱրմԻնֆո. ՎՏԲ-Հայաստան Բանկը MasterCard միջազգային վճարային համակարգի հետ համատեղ հայտարարում է ակցիա բանկի թողարկած MasterCard քարտերի քարտապանների համար: Ինչպես ԱրմԻնֆո գործակալության տեղեկացվել է Բանկի մամուլի ծառայությունից, առևտրի և սպասարկման ցանկացած կետերում ապրանքի և ծառայությունների դիմաց վճարելով MasterCard քարտերով` բանկի հաճախորդները կկուտակեն բոնուսային միավորներ և կստանան հնարավորություն շահելու 3 արժեքավոր նվերներից մեկը` 500 000 դրամ արժողությամբ տեխնիկայի ձեռքբերման հավաստագիր, ուղևորություն երկու անձի համար դեպի Շրի Լանկա և գլխավոր մրցանակը` Renault Logan ավտոմեքենան:
Աղբյուրի համաձայն, ակցիան անցկացվում է 2014թ. դեկտեմբերի 15-ից մինչև 2015թ. մարտի 15-ը ներառյալ: Մարքեթինգային արշավի դեմքն է հայտնի հայ մոդել Լուսինե Թովմասյանը:
Բանկի MasterCard քարտի գործող քարտապաններն ու նոր հաճախորդները, որոնք ակցիայի ընթացքում ձեռք կբերեն քարտեր, կկուտակեն բոնուսային միավորներ` առևտրի և սպասարկման կետերում կատարած բոլոր գնումների դիմաց վճարելով MasterCard քարտերով: Մասնավորապես ՎՏԲ-Հայաստան Բանկի առևտրի և սպասարկման կետերում կատարած ամեն անկանխիկ գործարքի 1000 ՀՀ դրամի դիմաց MasterCard քարտապանը կուտակում է 2 բոնուսային միավոր: ՀՀ բանկերի և արտերկրի առևտրի և սպասարկման կետերում կատարած (այդ թվում` նաև առցանց խանութներում կատարած գործարքների դիմաց, բացառությամբ կոմունալ վճարումների և բանկոմատների միջոցով կատարած անկանխիկ գործարքների) ամեն անկանխիկ գործարքի 1000 ՀՀ դրամի դիմաց MasterCard քարտապանը կուտակում է 1 բոնուսային միավոր: Բոնուսների առավելագույն քանակը մեկ գործարքից կազմում է 50: Ակցիայի արդյունքում 100 քարտապաններ, որոնք կուտակել են առավելագույն քանակությամբ բոնուսներ, կմասնակցեն 3 նվերների խաղարկությանը:
ՎՏԲ-Հայաստան Բանկի և արտերկրի առևտրի և սպասարկման կետերի ցուցակը կարելի է գտնել www.vtb.am կայքի «Զեղչային ծրագիր քարտապաններին» բաժնում:
«Մեկնարկել է ՎՏԲ-Հայաստան Բանկի ու MasterCard-ի երկրորդ համատեղ ակցիան: մանատիպ արշավներն օգնում են արագացնել անցումը կանխիկից անկանխիկ վճարումների և հասանելի դարձնել անկանխիկ վճարումները հնարավորինս մեծ թվով մարդկանց: Հուսով ենք, որ այս արշավը նույնպես հաջող կլինի ու կրկին ուշադրությունը սևեռի ՎՏԲ-Հայաստան Բանկի MasterCard քարտերի լայն հնարավորություններին: Քարտերով կատարելով ամենօրյա գնումներ` մեր քարտապանները ստանում են նաև նվերներ շահելու հնարավորություն»,-ասել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսևը:
«Քարտերով վճարելը հարմար է, անվտանգ ու պարզ: Ի լրումն անկանխիկ վճարումների այս առավելությունների` մենք տալիս ենք հնարավորություն ՎՏԲ-Հայաստան Բանկի ներկա ու նոր հաճախորդներին` MasterCard քարտապաններին, ստանալու առանձնահատուկ մի բան` հաճախ վճարելով ապրանքի ու ծառայությունների դիմաց առևտրի և սպասարկման կետերում կամ ինտերնետում: Շատ ուրախ ենք արդեն երկրորդ անգամ այս տարի ներկայացնել բանկի հաճախորդներին այսպիսի գրավիչ առաջարկ»,-ասել է Հայաստանում, Բելառուսում ու Ղազախստանում MasterCard-ի կառավարիչ տնօրեն Ալեքսանդր Դունաևը:
Ըստ ԱրմԻնֆո գործակալության` «Հայաստանի բանկերը քարտային բիզնեսում»վերլուծական տեղեկագրի, ակտիվ քարտերի թվով ՎՏԲ-Հայաստանը բանկը հանդիսանում է շույկայի առաջատարը, 2014 թվականի հոկտեմբերի 1-ի դրությամբ ունենալով ավելի քան 368 ազար քարտ, տարեկան աճը` մոտ 30%, որտեղ Visa քարտերը կազմոմ են 355 հազար, որոցով նույնպես բանկը հանդիսանում է առաջատարը: Բանկը MasterCard համակարգի անդամ է դարձել մեկուկես տարի առաջ և մինչև 2014 թվականի հոկտեմբերը հասցրել է թողարկել 13 հազար քարտ, տեղեր զբաղեցնելով առաջատարների տասնյակում: Պլաստիկյ տրանսակցիաների ծավալով նույնպես բանկն առաջինն է` ավելի քան 120 մլրդ,դրամ - հունվար-սեպտեմբեր ամիսներին, տարեկան աճը` 24%: Հոկտեմբերի 1-ին բանկն ունեցել է 233 սեփական POS-տերմինալ և 150 բանկոմատ: Մինչև 2013 թվականը ՎՏԲ-Հայաստան Բանկը թողարկել և սպասարկել է միայն Visa միջազգային քարտեր, որից հետո, նույն թվականի սեպտեմբերից, դարձել է MasterCard համակարգի սկզբունքային անդամը, ձեռնամուխ լինելով նաև Cirrus/Maestro, MasterCard Standard և MasterCard Gold քարտերի թողարկմանը և սպասարկմանը: Բանկը թողարկում և սպասարկում է նաև տեղական ArCa քարտերը և ունի իր սեփական պրոցեսինգը: -կ-
Նշենք նաև, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%